فیلیپی 1:7 - ئنجیلا پیرۆز

⁷ بۆ من دروستە كو ئەز ڤێ هزرێ دەربارەی هەوە هەمیان بكەم، چنكو هوین یێ د دلێ من دا. هوین هەمی د كەرەما خودێ دا هەڤپشكێن منن، د گرتنا من دا، هەروەسا د بەرگریكرن و سەلماندنا مزگینیێ دا.

فیلیپی 1:7 Iomraidhean Croise

كارێن هنارتیان 20:23

لێ گیان ل هەر باژێڕەكی شاهدەییێ بۆ من ددەت و دبێژیت كو گرتن و تەنگاڤی ل هیڤیا منن.

كارێن هنارتیان 21:33

وی دەمی فەرماندە نێزیكی وی بوو، ئەو گرت و فەرمان دا، كو ب دوو زنجیران بهێتە قەیدكرن، پاشی پرسیار كر كا ئەو كیە و چ كریە.

1 كورنتۆس 13:7

خۆ ل بەر هەمی تشتان دگریت، باوەر ژ هەمی تشتان دكەت، دەربارەی هەمی تشتان دەست ژ هیڤیێ بەرنادەت، بێهنا خۆ ل سەر هەمی تشتان فرە‍‌ھ دكەت.

1 كورنتۆس 9:23

ئەز ڤان هەمی تشتان ژ پێخەمەت مزگینیێ دكەم، دا د بەرەكەتێن وێ دا پشكدار بم.

2 كورنتۆس 3:2

نامەیا مە هوینن، د دلێ مە دا هاتیە نڤیسین، ژ لایێ هەمی مرۆڤان ڤە دهێتە زانین و خواندن.

2 كورنتۆس 7:3

ئەز ڤێ نابێژم دا هەوە گونەهبار بكەم، چنكو من بەری نوكە یێ گۆتی كو هوین یێ د دلێ مە دا، دا ئەم پێكڤە بمرین و پێكڤە بژین.

گالاتیا 5:6

چنكو د ئێكبوونا ل گەل مەسیح عیسای دا، سونەتبوون و سونەتنەبوون هەردوو د بێ مفانە، لێ ب تنێ ئەو باوەریا ب حەزژێكرنێ كار دكەت، یا ب مفایە.

ئەفەسۆس 3:1

ژ بەر ڤێ چەندێ ئەز، پاولۆس، یێ ژ پێخەمەت هەوە یێن نەجوهی ژ بەر مەسیح عیسای زیندانیمە…

ئەفەسۆس 4:1

ئەڤجا ئەز، كو ژ بەر خودانی هاتیمە زیندانكرن، هیڤی ژ هەوە دكەم كو هوین ب شێوەیەكی بژین، یا هەژی وێ گازیكرنێ بیت، ئەوا هوین بۆ هاتینە گازیكرن.

ئەفەسۆس 6:20

ئەو مزگینیا كو ئەز ژ پێخەمەت وێ، بالیۆزەكێ زنجیركریمە. نڤێژان بكەن كو ئەز ب وێرەكی راگەهاندنێ بۆ وێ بكەم، كا چەوا پێدڤیە ئەز بێژم.

فیلیپی 1:12

من دڤێت هوین بزانن، گەلی خویشك و برایان، كو ئەو تشتێن هاتینە سەرێ من، زێدەتر هاریكاریا پێشڤەچوونا مزگینیێ كر،

فیلیپی 1:13

تاكو بۆ هەمی زێرەڤانێن كۆچكێ و هەمیێن دی ژی ئاشكرا بوو كو گرتنا من ژ پێخەمەت مەسیحیە.

فیلیپی 1:14

گرتنا من باوەریا پڕانیا برایان ب خودانی قاییم كر، ئەڤجا ئەو نوكە گەلەك زێدەتر دوێرن پەیڤێ بێ ترس رابگەهینن.

فیلیپی 1:5

ژ بەر پشكداریا هەوە د مزگینیدانێ دا، هەر ژ رۆژا ئێكێ تا نوكە.

فیلیپی 2:22

لێ هوین دزانن كو تیمۆتاوسی خۆ یێ سەلماندی، چنكو كا چەوا كوڕ ل گەل بابێ خۆ خزمەتێ دكەت، وی وەسا ل گەل من د كارێ مزگینیێ دا خزمەت كریە.

فیلیپی 4:14

سەرەڕای هندێ هەوە باش كر، كو هوین د تەنگاڤیا من دا پشكدار بوون.

فیلیپی 4:15

هوین ژی دزانن، گەلی فیلیپیان، كو د دەستپێكا دانا مزگینیێ دا، گاڤا ئەز ژ مەقدۆنیایێ دەركەفتیم، چ جڤاكێن باوەرداران ژ هەوە پێڤە، سەبارەت هاریكاریا دارایی، پشكداریا من نەكر.

فیلیپی 4:3

بەلێ، ئەز داخوازێ ژ تە ژی دكەم، هەی هەڤكارێ من یێ دلسۆز، هاریكاریا وان ژنان بكە، د خەباتا مزگینیێ دا ئەوان ل گەل من بزاڤ كریە، هەروەسا ل گەل كلیمەنتۆسی و هەڤكارێن من یێن دی ژی، ئەوێن ناڤێن وان د پەرتووكا ژیانێ دا.

كۆلۆسی 4:18

ئەز پاولۆس، ڤێ سڵاڤێ ب دەستێ خۆ دنڤیسم. قەیدا من بیننە بیرا خۆ. كەرەما خودێ ل سەر هەوە بیت.

كۆلۆسی 4:3

د هەمان دەم دا، بۆ مە ژی نڤێژان بكەن، دا خودێ ژ پێخەمەت پەیاما خۆ دەرگەهەكی بۆ مە ڤەكەت، داكو ئەم نهێنیا مەسیحی رابگەهینین، ئەوا ئەز ژ بەر وێ هاتیمە زیندانكرن.

1 سالونیكی 5:5

چنكو هوین هەمی زاڕۆكێن رۆناهیێ و زاڕۆكێن رۆژێنە. ئەم نە یێن شەڤێ و نە ژی یێن تاریاتیێینە.

2 تیمۆتاوس 1:8

ئەڤجا شەرم نەكە كو شاهدەییێ بۆ خودانێ مە بدەی، هەروەسا شەرم ب من ژی نەكە كو ئەز زیندانكریێ ویمە، لێ ب پشتگەرمی ب هێزا خودێ، ژ پێخەمەت مزگینیێ ل گەل من ئازارێ بكێشە.

2 تیمۆتاوس 2:9

ئەوا ژ بەر وێ ئەز ئازارێ دكێشم، تاكو وی رادەی هاتیمە قەیدكرن وەكو تاوانبارەكی. لێ پەیڤا خودێ نەهاتیە قەیدكرن.

فلیمون 1:13

من حەز دكر وی ل نك خۆ بهێلم، دا دەمێ ئەز ژ پێخەمەت مزگینیێ د قەیدێ دا، ل شوینا تە خزمەتا من بكەت،

عیبرانی 3:1

ئەڤجا گەلی خویشك و برایێن پیرۆز، پشكدارێن وێ گازیا ئەم پێ بۆ ئەسمانی گازی كرین، هزرێ د عیسای دا بكەن، یێ ئەم دانپێدانێ دكەین كو هنارتی و سەرۆككاهنێ مەیە.

1 پەترۆس 4:13

لێ دلخۆش ببن كو هوین بووینە پشكدارێن ئازارێن مەسیحی، دا دەمێ مەزناهیا وی دیار دبیت ژی، هوین دلخۆش و دلشاد ببن.

1 پەترۆس 5:1

ئەز هیڤی ژ ریهسپیێن د ناڤ هەوە دا دكەم، كو ئەز وەكو هەوە ریهسپیمە و شاهدم ل سەر ئازارێن مەسیحی و هەڤپشكێ وێ مەزناهیێمە یا كو ل نێزیك دێ دیار بیت:

2 پەترۆس 1:13

هندی ئەز د ڤێ خیڤەتێ دا بم، ئەز ڤێ چەندێ راست دبینم كو ئەز هەوە ب ڤێ بیرئینانێ بشارینم.

1 یوحەننا 3:14

ئەم دزانین كو ئەم ژ مرنێ دەرباز بووینە ژیانێ، چنكو ئەم حەز ژ خویشك و برایان دكەین. ئەوێ حەزژێكرنێ نەكەت، ئەو د مرنێ دا بنەج‍‌ھ دبیت.