فیلیپی 1:6 - ئنجیلا پیرۆز

⁶ ئەز یێ پشتڕاستم، كو ئەوێ كارەكێ باش د دلێ هەوە دا دەست پێ كری، دێ یێ بەردەوام بیت تا ل رۆژا مەسیح عیسای تەمام دبیت.

فیلیپی 1:6 Iomraidhean Croise

مزگینیا یوحەننای 6:29

عیسای بەرسڤا وان دا و گۆت: «كارێ خودێ ئەڤەیە: هوین باوەریێ ب وی بینن، ئەوێ كو وی هنارتی.»

كارێن هنارتیان 11:18

دەمێ وان گو‍‌ھ ل ڤێ چەندێ بووی، بێدەنگ بوون. ئەوان پەسنا خودێ كر و گۆتن: «ئانكو خودێ لخۆزڤڕین ژ بۆ ژیانێ یا دایە مللەتێن نەجوهی ژی.»

كارێن هنارتیان 16:14

ژنكەكا خودێپەرێس گوهداریا مە دكر، ناڤێ وێ لیدیا بوو، خەلكا باژێڕێ تیاتیرا بوو، وێ بازرگانی ب پەڕوكێ بنەفشی دكر، خودانی دلێ وێ ڤەكربوو داكو گوهداریا ئاخفتنێن پاولۆسی بكەت.

1 كورنتۆس 1:8

ئەو ژی دێ هەوە هەتا دویماهیێ موكم كەت، دا د رۆژا خودانێ مە عیسایێ مەسیح دا چ گازندە ل سەر هەوە نەبن.

2 كورنتۆس 1:15

ئەڤجا ب ڤێ پشتڕاستیێ نیازا من ئەو بوو كو ل بەراهیێ بهێمە نك هەوە، دا هەوە دوو جاران كەرەم وەرگرتبا.

2 كورنتۆس 2:3

من ئەو تشت د نامەیا خۆ دا وەسا نڤیسی، داكو دەمێ ئەز بهێم، ژ وان خەمگین نەبم یێن كو پێدڤیە من دلخۆش بكەن. ئەز ژ هەوە هەمیان پشتڕاستم كو دلخۆشیا من دلخۆشیا هەوە هەمیانە.

2 كورنتۆس 7:16

ئەز یێ دلخۆشم، چنكو د هەمی تشتان دا ژ هەوە یێ پشتڕاستم.

2 كورنتۆس 9:4

چنكو ئەگەر هندەك مەقدۆنی ل گەل من بهێن و ببینن هوین نە د ئامادەنە، ئەم دێ شەرمزار بین، ژ بەر كو ئەم ژ هەوە د پشتڕاست بووین. هوین ژی دێ شەرمزار بن، لێ نەهەوجەیە ئەز ڤێ بێژم.

گالاتیا 5:10

لێ دەربارەی هەوە، ئەز پشتا خۆ ب خودانی گەرم دكەم، كو هوین چ هزروبیرێن دی ناگرن. لێ ئەوێ هزرێن هەوە ئالۆز دكەت، ئەو كی بیت، دێ سزایێ خۆ وەرگریت.

ئەفەسۆس 4:12

بۆ ئامادەكرنا پیرۆزكریان بۆ كارێ خزمەتێ ژ پێخەمەت ئاڤاكرنا لەشێ مەسیحی،

فیلیپی 1:10

داكو هوین یا باشترین بهەلبژێرن، ئەڤجا د رۆژا مەسیحی دا د دلپاك و بێكێماسی بن

فیلیپی 1:29

چنكو وی كەرەم ل گەل هەوە كریە كو هوین نە ب تنێ باوەریێ ب مەسیحی بینن، لێ دا ئازارێ ژی ژ پێخەمەت وی بكێشن.

فیلیپی 2:12

ئەڤجا گەلی خۆشتڤیێن من، كا چەوا هەوە هەرگاڤ گوهداری كریە، نە ب تنێ دەمێ ئەز ل نك هەوە، لێ نوكە هێشتا پتر، دەمێ كو ئەز نە ل نك هەوە، قورتالبوونا خۆ ب ترس و لەرز پێشڤە ببەن،

فیلیپی 2:13

چنكو خودێیە ئەوێ د دلێ هەوە دا كار دكەت، حەز و هێزێ ددەتە هەوە كو وێ بكەن یا ئەو پێ رازی دبیت.

فیلیپی 2:16

خۆ موكم ب پەیڤا ژیانێ ڤە بگرن، دا د رۆژا مەسیحی دا شانازیێ ببەم، كو بەزین و رەنجكێشانا من ب ئاڤێ دا نەچوویە.

كۆلۆسی 2:12

ب تافیركرنێ هوین ل گەل وی هاتینە ڤەشارتن و هەر ب وێ هوین ل گەل وی هاتینە راكرن ژی، چنكو هەوە باوەری ب شیانا خودێ یێ ئەو ژ ناڤ مریان راكری، ئینا.

1 سالونیكی 1:3

ل بەرامبەر خودێ، بابێ مە، بێی دابڕین كریارێن هەوە یێن ژ باوەریێ و رەنجا هەوە یا ژ حەزژێكرنێ و خۆڕاگریا هەوە یا ژ وێ هیڤیێ دزێت یا هەوە ب خودانێ مە عیسایێ مەسیح هەی، دئینینە بیرا خۆ.

2 سالونیكی 1:11

بۆ ڤێ مەبەستێ ژی ئەم هەردەم ژ بۆ هەوە نڤێژان دكەین، كو خودایێ مە وە ل هەوە بكەت، هوین هەژی وێ گازیكرنێ بن یا وی هوین بۆ وێ گازی كرین و هەمی نیازێن هەوە یێن چاكیێ و كریارێن هەوە یێن ب باوەریێ دهێنە كرن، ب هێزا خۆ تەمام بكەت،

2 سالونیكی 3:4

ژ دەولەتسەرێ خودانی ئەم ژ هەوە د پشتڕاستین، كو ئەو راسپاردەیێن مە داینە هەوە، هوین ب ج‍‌ھ دئینن و دێ ب ج‍‌ھ ئینن ژی.

فلیمون 1:21

ئەز ژ گوهداریا تە یێ پشتڕاستم، لەوما من بۆ تە نڤیسی، دزانم كو تۆ دێ پتر ژ وێ كەی یا ئەز دبێژم.

عیبرانی 10:35

لەوما دەست ژ پشتڕاستیا خۆ بەرنەدەن، چنكو وێ خەلاتەكێ مەزن یێ هەی.

عیبرانی 12:2

بەرێ مە ل عیسای بیت، داهێنەر و تەمامكەرێ باوەریا مە، ئەوێ ژ پێخەمەت دلشادیا ل بەر وی هاتیە دانان، خۆ ل بەر خاچێ گرتی و شەرمزاریا وێ ب پشت گو‍‌ھ ڤە هاڤێتی، ئەڤجا ل رەخێ راستێ یێ تەختێ خودێ روینشتی.

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.

2 پەترۆس 3:10

لێ رۆژا خودانی دێ وەكو دزەكی هێت، كو تێدا ئەسمان دێ ب گورمێنەكا مەزن ژ ناڤ چیت و توخم ب سۆتنێ دێ حەلیێن و ئەرد و هەمی كارێن تێدا هاتینە كرن، نامینن.