فیلیپی 1:5 - ئنجیلا پیرۆز

⁵ ژ بەر پشكداریا هەوە د مزگینیدانێ دا، هەر ژ رۆژا ئێكێ تا نوكە.

فیلیپی 1:5 Iomraidhean Croise

كارێن هنارتیان 2:42

ئەوان خۆ بۆ گوهداریا فێركرنێن هنارتیان، ژیانا هەڤپشكیێ، كەركرنا نانی و نڤێژان تەرخان دكر.

رۆما 11:17

لێ ئەگەر هندەك چەق هاتنە بڕین و تۆ ژی دارزەیتوونەكا خۆڕستی بی و پێڤە هاتیە پەترومەكرن و بوویە پشكدارێ رە‍‌ھ و قەلەویا دارزەیتوونێ،

رۆما 12:13

بۆ پێدڤیێن پیرۆزكریان د هاریكار بن، د مێڤان حەوین بن.

رۆما 15:26

چنكو باوەردارێن مەقدۆنیا و ئەخایایێ پێخۆش بوو، كو هاریكاریەكێ بدەنە پیرۆزكریێن هەژار، ئەوێن ل ئورشەلیمێ.

1 كورنتۆس 1:9

دلسۆزە ئەو خودایێ هوین گازی كرینە پشكداربوونێ ل گەل كوڕێ وی، خودانێ مە عیسایێ مەسیح.

2 كورنتۆس 8:1

ئەم حەز دكەین نوكە بۆ هەوە، گەلی خویشك و برایان، وێ كەرەما خودێ بدەینە نیاسین یا بۆ جڤاكێن باوەردارێن مەقدۆنیایێ هاتیە دان.

ئەفەسۆس 3:6

نهێنی ژی ئەڤەیە، كو مللەتێن نەجوهی ب رێیا مزگینیێ، د ئێكبوونا ل گەل مەسیح عیسای دا، ل گەل جوهیان هەڤمیراتن و هەڤلەشن و هەڤپشكێن سۆزێنە.

فیلیپی 1:12

من دڤێت هوین بزانن، گەلی خویشك و برایان، كو ئەو تشتێن هاتینە سەرێ من، زێدەتر هاریكاریا پێشڤەچوونا مزگینیێ كر،

فیلیپی 1:16

ئەڤە ژ حەزژێكرنێ وێ چەندێ دكەن، چنكو ئەو دزانن ئەز ژ بۆ بەرگریكرنێ ژ مزگینیێ ل ڤێرێ هاتیمە دانان.

فیلیپی 1:27

لێ یا گرنگ ئەوە كو هوین ب شێوەیەكێ هەژی مزگینیا مەسیحی بژین، داكو ئەگەر ئەز بهێم و هەوە ببینم، یان ژی نەهێم و ب تنێ ببهیسم، ئەز بزانم كو هوین د ئێك گیان دا قاییم ماینە، پێكڤە ب ئێك دل خەباتێ دكەن بۆ وێ باوەریێ یا ل سەر مزگینیێ هاتیە ئاڤاكرن

فیلیپی 1:7

بۆ من دروستە كو ئەز ڤێ هزرێ دەربارەی هەوە هەمیان بكەم، چنكو هوین یێ د دلێ من دا. هوین هەمی د كەرەما خودێ دا هەڤپشكێن منن، د گرتنا من دا، هەروەسا د بەرگریكرن و سەلماندنا مزگینیێ دا.

فیلیپی 2:12

ئەڤجا گەلی خۆشتڤیێن من، كا چەوا هەوە هەرگاڤ گوهداری كریە، نە ب تنێ دەمێ ئەز ل نك هەوە، لێ نوكە هێشتا پتر، دەمێ كو ئەز نە ل نك هەوە، قورتالبوونا خۆ ب ترس و لەرز پێشڤە ببەن،

فیلیپی 2:22

لێ هوین دزانن كو تیمۆتاوسی خۆ یێ سەلماندی، چنكو كا چەوا كوڕ ل گەل بابێ خۆ خزمەتێ دكەت، وی وەسا ل گەل من د كارێ مزگینیێ دا خزمەت كریە.

فیلیپی 4:3

بەلێ، ئەز داخوازێ ژ تە ژی دكەم، هەی هەڤكارێ من یێ دلسۆز، هاریكاریا وان ژنان بكە، د خەباتا مزگینیێ دا ئەوان ل گەل من بزاڤ كریە، هەروەسا ل گەل كلیمەنتۆسی و هەڤكارێن من یێن دی ژی، ئەوێن ناڤێن وان د پەرتووكا ژیانێ دا.

فلیمون 1:17

ئەڤجا ئەگەر تۆ من ب هەڤپشكێ خۆ ددانی، وی قەبیل بكە هەروەكو تۆ من قەبیل دكەی.

عیبرانی 3:14

چنكو ئەم بووینە هەڤپشكێن مەسیحی، ئەگەر مە تا دویماهیێ خۆ ب وێ پشتڕاستیێ ڤە گرت یا مە ل دەستپێكێ هەی.

2 پەترۆس 1:1

ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

1 یوحەننا 1:3

ئەوا مە دیتی و بهیستی بۆ هەوە رادگەهینین، دا هەوە ژی هەڤپشكی ل گەل مە هەبیت. هەڤپشكیا مە ژی ل گەل بابی و ل گەل كوڕێ وی عیسایێ مەسیحە.

1 یوحەننا 1:7

لێ ئەگەر ئەم د رۆناهیێ دا بڕێڤە بچین، هەروەكو ئەو د رۆناهیێ دا، مە هەڤپشكی یا ل گەل ئێكودوو هەی و خوینا كوڕێ وی، عیسای، مە ژ هەمی گونەهان پاقژ دكەت.