فیلیپی 1:27 - ئنجیلا پیرۆز

²⁷ لێ یا گرنگ ئەوە كو هوین ب شێوەیەكێ هەژی مزگینیا مەسیحی بژین، داكو ئەگەر ئەز بهێم و هەوە ببینم، یان ژی نەهێم و ب تنێ ببهیسم، ئەز بزانم كو هوین د ئێك گیان دا قاییم ماینە، پێكڤە ب ئێك دل خەباتێ دكەن بۆ وێ باوەریێ یا ل سەر مزگینیێ هاتیە ئاڤاكرن

فیلیپی 1:27 Iomraidhean Croise

مزگینیا مەتتای 12:25

ئینا عیسای هزرێن وان زانین و گۆتێ: «هەر پاشایەتیەكا دووبەرەكی بكەڤیتە د ناڤ دا، دێ وێران بیت و هەر باژێڕەك یان مالەكا دووبەرەكی بكەڤیتە د ناڤ دا، خۆ راناگریت.

كارێن هنارتیان 2:46

ئەو هەر رۆژ ب ئێك دل ل سەر كۆمبوونێ د حەوشا پەرستگەهێ دا د بەردەوام بوون و د مالان دا نان كەر دكر و ب شادی و دلساخی خوارن پێكڤە دخوار.

كارێن هنارتیان 24:24

پشتی چەند رۆژەكان، فیلیكس ل گەل هەڤژینا خۆ دروسیلایێ هات، ئەو ژنك جوهی بوو. وی هنارتە ب دویڤ پاولۆسی را و دەربارەی باوەریێ ب مەسیح عیسای، گوهێ خۆ دایێ.

كارێن هنارتیان 4:32

كۆمەڵا باوەرداران ئێك دەروون بوون و كەسەكێ ژ وان نەدگۆت، كو ئەو تشتێن وی هەین بۆ وی ب تنێنە، لێ د هەمی تشتان دا د هەڤپشك بوون.

رۆما 1:16

ئەز مزگینیێ ب شەرم نابینم، ژ بەر كو ئەو هێزا خودێیە بۆ قورتالبوونێ ژ بۆ هەر كەسێ باوەریێ پێ دئینیت، ل بەراهیێ ژ بۆ یێ جوهی و پاشی ژ بۆ یێ نەجوهی.

رۆما 1:5

ب وی مە كەرەم و هنارتیاتی وەرگرت، داكو ئەم سەخمەراتی ناڤێ وی گازی هەمی مللەتان بكەین كو باوەریێ پێ بینن و گوهداریا وی بكەن.

رۆما 1:9

ئەو خودایێ ئەز د مزگینیا كوڕێ وی دا، ب هەمی گیانێ خۆ خزمەتا وی دكەم، شاهدێ منە، كو ئەز د نڤێژێن خۆ دا بێ راوەستیان هەوە دئینمە بیرا خۆ و هەرگاڤ هیڤیان دكەم، ب ئانەهیا خودێ، ئێدی دەلیڤەیەك بۆ من رێك بكەڤیت، ئەز بهێمە نك هەوە.

رۆما 10:8

لێ چ دبێژیت؟ «پەیڤ یا نێزیكی تەیە، ل سەر ئەزمانێ تەیە و د دلێ تە دایە» (ئانكو پەیڤا باوەریێ یا ئەم رادگەهینین.)

رۆما 15:16

كو ل نك مللەتێن نەجوهی خزمەتكارێ مەسیح عیسای بم، وەكو كاهن خزمەتا مزگینیا خودێ بكەم، دا یێن نەجوهی پێشكێشیەكێ قەبیلكری بن، ب گیانێ پیرۆز دپیرۆزكری بن.

رۆما 15:29

ئەز دزانم كو دەمێ ئەز بهێمە نك هەوە، ئەز دێ ب دەولەمەندیا بەرەكەتا مەسیحی ڤە هێم.

1 كورنتۆس 1:10

ئەڤجا ئەز ب ناڤێ خودانێ مە عیسایێ مەسیح هیڤی ژ هەوە دكەم، گەلی خویشك و برایان، كو هوین هەمی د رێككەفتی بن و دووبەرەكی د ناڤ هەوە دا نەبن، لێ ل سەر هەمان هزر و هەمان مەبەست د ئێكگرتی بن،

1 كورنتۆس 15:58

ژ بەر ڤێ چەندێ، هەی خویشك و برایێن من یێن خۆشتڤی، د قاییم بن، د نەلڤ بن، د كارێ خودانی دا هەردەم د پڕ بزاڤ بن، چنكو هوین دزانن رەنجا هەوە بۆ خودانی یا ژ قەستا نینە.

2 كورنتۆس 13:11

ل دویماهیێ گەلی خویشك و برایان، د دلخۆش بن، خۆ راستڤە كەن، ئێكودوو هان بدەن، هەڤهزر بن، ب ئاشتیێ بژین، ئەڤجا خودایێ حەزژێكرنێ و ئاشتیێ دێ ل گەل هەوە بیت.

2 كورنتۆس 4:4

چنكو خوداوەندێ ڤێ جیهانێ زێهنێ بێباوەران كۆرە كریە، داكو رۆناهیا مزگینیا رەونەقیا مەسیحێ كو وێنەیێ خودێیە، نەبینن.

2 كورنتۆس 9:13

ئەڤ خزمەتە بەلگەیە ل سەر باوەریا هەوە، ئەڤجا گەلەك مرۆڤ ژ بەر ملكەچیا هەوە بۆ دانپێدانێ ب مزگینیا مەسیحی و ژ بەر مەردینیا هەوە د هاریكاریكرنا وان و هەمی كەسێن دی دا، دێ پەسنا خودێ كەن

گالاتیا 1:7

ب راستی چ مزگینیێن دی نینن، لێ هندەك كەسێن هەین، هزرێن هەوە ئالۆز دكەن و وان دڤێت پەیاما مزگینیا مەسیحی بگوهۆڕن.

ئەفەسۆس 1:13

دەمێ هەوە پەیڤا راستیێ، ئانكو مزگینیا قورتالبوونا خۆ، بهیستی و باوەری ب مەسیحی ئینای، هوین ژی ب گیانێ پیرۆزێ سۆزپێدای، ژ بەر ئێكبوونا هەوە ل گەل مەسیحی هاتنە موهركرن.

ئەفەسۆس 1:15

ژ بەر هندێ، گاڤا من باوەریا هەوە ب خودان عیسای و حەزژێكرنا هەوە بۆ هەمی پیرۆزكریان بهیستی،

ئەفەسۆس 4:1

ئەڤجا ئەز، كو ژ بەر خودانی هاتیمە زیندانكرن، هیڤی ژ هەوە دكەم كو هوین ب شێوەیەكی بژین، یا هەژی وێ گازیكرنێ بیت، ئەوا هوین بۆ هاتینە گازیكرن.

فیلیپی 1:5

ژ بەر پشكداریا هەوە د مزگینیدانێ دا، هەر ژ رۆژا ئێكێ تا نوكە.

فیلیپی 2:12

ئەڤجا گەلی خۆشتڤیێن من، كا چەوا هەوە هەرگاڤ گوهداری كریە، نە ب تنێ دەمێ ئەز ل نك هەوە، لێ نوكە هێشتا پتر، دەمێ كو ئەز نە ل نك هەوە، قورتالبوونا خۆ ب ترس و لەرز پێشڤە ببەن،

فیلیپی 2:24

و من باوەری ب خودانی هەیە كو ئەز ب خۆ ژی دێ د دەمەكێ نێزیك دا هێمە نك هەوە.

فیلیپی 3:18

چنكو هەروەكو من گەلەك جاران بۆ هەوە گۆتی و نوكە ژی ب گری ڤە دبێژم، كو گەلەك كەس هەنە ب شێوازێ ژیانا خۆ دوژمنێن خاچا مەسیحینە.

فیلیپی 3:20

لێ ئەم هەڤوەڵاتیێن ئەسماناینە، كو ئەم د چاڤەڕێینە قورتالكەرەك ژ وێرێ بهێت، ئەو ژی خودان عیسایێ مەسیحە.

فیلیپی 4:1

ئەڤجا گەلی خویشك و برایێن من یێن خۆشتڤی، ئەوێن ئەز بیریا هەوە دكەم و هوین شادی و تانجا منن، خۆشتڤیێن من ب ڤی شێوەی د ئێكبوونا ل گەل خودانی دا قاییم بمینن.

كۆلۆسی 1:10

دا ب شێوەیەكی بژین كو هەژی خودانی بیت و ژ هەمی لایان ڤە جهێ رازیبوونا وی بن، د هەر كارەكێ باش دا د بەرهەمدار بن و د نیاسینا خودێ دا وەرارێ بكەن،

كۆلۆسی 1:4

چنكو مە دەربارەی باوەریا هەوە ب مەسیح عیسای و حەزژێكرنا هەوە بۆ هەمی پیرۆزكریان بهیست.

1 سالونیكی 3:6

لێ نوكە تیمۆتاوس ژ نك هەوە زڤڕی نك مە و مزگینیا باوەری و حەزژێكرنا هەوە دایە مە. وی گۆتە مە كو هوین هەردەم مە ب باشی دئیننە بیرا خۆ و شەیدایێن دیتنا مە نە، هەروەكو ئەم ژی شەیدایێن دیتنا هەوە.

1 سالونیكی 4:1

ل دویماهیێ گەلی خویشك و برایان، وەكو هوین ژ مە فێر بووین كا دڤێت هوین چەوا بژین، دا هوین خودێ رازی بكەن و ب راستی ژی هوین وە دكەن، ئەم ب ناڤێ خودان عیسای داخوازێ ژ هەوە دكەین و هیڤی دكەین كو هوین هێشتا پێشڤە بچن،

1 تیمۆتاوس 1:11

فێركرنا ساخلەم ئەوە یا گونجای ل گەل وێ مزگینیێ یا بۆ من هاتیە سپاردن، مزگینیا ب روومەت یا خودایێ پیرۆز.

1 تیمۆتاوس 1:19

ب رێكا قاییم گرتنا باوەری و وژدانەكا باش. هندەكان ئەو وژدان رەتكر، ئینا ئەو ژ لایێ باوەریێ ڤە ژ بن چوون،

2 تیمۆتاوس 4:7

ئەز د خەباتا باش دا خەبتیم، من بەریكانا خۆ تەمام كر، باوەری پاراست.

تیتۆس 2:10

دەستدرێژیێ نەكەنە سەر مالێ وان، لێ دەستپاكیەكا تەمام بۆ وان دیار بكەن، دا فێركرنا قورتالكەرێ مە خودێ ژ هەمی لایان ڤە بخەملینن.

فلیمون 1:5

چنكو ئەز حەزژێكرنا تە بۆ هەمی پیرۆزكریان و باوەریا تە ب خودان عیسای دبهیسم.

یەعقوب 3:18

چێكەرێن ئاشتیێ تۆڤێ ئاشتیێ دچینن و راستداریێ ژێ دهەلینن.

2 پەترۆس 3:11

ئەڤجا، مادەم ئەڤ تشتە هەمی دێ ب ڤی شێوەی حەلیێن، ئێدی پێدڤیە هوین چ جۆرە مرۆڤ بن؟ ل ڤی دەمێ كو هوین ل چاڤەڕێیا رۆژا خودێنە و لەزێ ل هاتنا وێ دكەن، پێدڤیە هوین ب پیرۆزی و خودێترسی بژین. د وێ رۆژێ دا ئەسمان دێ ب ئاگری ژ ناڤ چن و توخم دێ ب سۆتنێ حەلیێن.

2 پەترۆس 3:14

لەوما گەلی خۆشتڤیان، مادەم كو هوین ل چاڤەڕێی ڤان تشتانە، بزاڤێ بكەن كو ئەو هەوە هۆسا ببینیت، هوین یێن د ئاشتیێ دا د بێكێماسینە و گازندە ل سەر هەوە نینن.

یەهودا 1:3

گەلی خۆشتڤیان، هەر چەندە من ب مەرەق دڤیا دەربارەی قورتالبوونا مە یا هەڤپشك بۆ هەوە بنڤیسم، لێ من ب فەر دیت كو ئەز بۆ هەوە نامەیەكێ بنڤیسم، تێدا هیڤی ژ هەوە بكەم كو هوین ژ پێخەمەت وێ باوەریێ خەباتێ بكەن، ئەوا ب جارەكێ و بۆ هەروهەر بۆ پیرۆزكریان هاتیە دان.