فیلیپی 1:20 - ئنجیلا پیرۆز

²⁰ هیڤی و چاڤەڕێیا من ئەوە كو ئەز د چ تشتی دا نەهێمە شەرمزاركرن، لێ ب هەمی وێرەكی، نوكە ژی وەكو هەر جار، مەزناهیا مەسیحی ب رێكا لەشێ من دیار ببیت، چ ب ژیانا من بیت یان ژی ب مرنا من.

فیلیپی 1:20 Iomraidhean Croise

مزگینیا یوحەننای 21:19

عیسای ئەڤ چەندە گۆت و وی ئاماژە دكرە وێ مرنێ، ئەوا كو دێ پەترۆس مەزناهیا خودێ پێ دیار كەت. پشتی ئەڤ چەندە گۆتی، گۆتە وی: «ل دویڤ من وەرە!»

كارێن هنارتیان 20:24

لێ ئەز چ پویتەی ب ژیانا خۆ نادەم، ب تنێ ئارمانجا من ئەوە كو ئەز ئەركێ خۆ، ئانكو ئەو خزمەتا من ژ خودان عیسای وەرگرتی، ب دویماهی بینم، كو شاهدەییێ بۆ مزگینیا كەرەما خودێ بدەم.

كارێن هنارتیان 21:13

لێ وی بەرسڤ دا و گۆت: «بۆچی هوین دكەنە گری و دلێ من دشكێنن؟ ئەز یێ ئامادەمە ژ پێخەمەت ناڤێ خودان عیسای ل ئورشەلیمێ نە ب تنێ بهێمە گرێدان، لێ بمرم ژی!»

كارێن هنارتیان 4:31

پشتی وان نڤێژ كری، جهێ ئەو لێ كۆم بووین هەژیا و هەمی ژ گیانێ پیرۆز پڕ بوون و ب وێرەكی پەیڤا خودێ رادگەهاند.

رۆما 12:1

ئەڤجا ئەز هیڤیێ ژ هەوە دكەم، گەلی خویشك و برایان، كو هوین ژ بەر دلۆڤانیا خودێ لەشێ خۆ وەك قوربانەكێ زیندی یێ پیرۆز و جهێ رازیبوونا خودێ پێشكێش بكەن. ئەڤەیە پەرستنا هەوە یا راستەقینە.

رۆما 5:5

هیڤی ژی مە شەرمزار ناكەت، چنكو حەزژێكرنا خودێ ب رێیا گیانێ پیرۆز، ئەوێ وی دایە مە، رژیایە دلێ مە.

رۆما 6:13

ئەندامێن لەشێ خۆ ژی وەك چەكێن خرابیێ پێشكێشی گونەهێ نەكەن. لێ خۆ وەك یێن ژ ناڤ مریان رابووین پێشكێشی خودێ بكەن، ئەندامێن لەشێ خۆ ژی وەك چەكێن راستداریێ پێشكێشی خودێ بكەن.

رۆما 6:19

من نموونەیا بەنیاتیێ وەكو هێما ب كار ئینا، دا هاری هەوە بكەم هوین د ڤان تشتان بگەهن، چنكو شیانێن هەوە وەكو مرۆڤ د سنووردارن. كا چەوا هەوە ئەندامێن لەشێ خۆ وەك بەنی پێشكێشی پویچاتیێ و خرابیێ دكرن كو ئەنجامێ وێ خرابی بوو، هۆسا ژی نوكە ئەندامێن لەشێ خۆ وەك بەنی پێشكێشی راستداریێ بكەن كو ئەنجامێ وێ پیرۆزیە.

رۆما 8:19

ئافرندە ب گەرمی چاڤەڕێیا دیاربوونا كوڕێن خودێ دكەن.

رۆما 9:33

هەروەكو هاتیە نڤیسین: «ئەڤە ئەز یێ ل سییۆنێ بەرەكێ هەلنگفتنێ و كەڤرەكێ كەفتنێ ددانم. لێ یێ باوەریێ ب وی بینیت، شەرمزار نابیت.»

1 كورنتۆس 15:31

ئەز ب وێ شانازیێ سویند دخۆم، یا من ب هەوە هەی ل نك مەسیح عیسایێ خودانێ مە، گەلی خویشك و برایان، ئەز هەر رۆژ دمرم.

1 كورنتۆس 6:20

چنكو هوین ب بهایەكێ گران یێن هاتینە كڕین. ژ بەر ڤێ چەندێ وە بكەن كو ب لەشێ هەوە مەزناهیا خودێ دیار ببیت.

1 كورنتۆس 7:34

هۆسا ئەو ژ دوو لایان ڤە دهێتە كێشان. ئەڤجا ژنا بێ مێر و كچك، پویتەی ددەنە كاروبارێن خودانی، كا دێ چەوا، ژ لایێ لەشی و گیانی ڤە، د پیرۆز بن. لێ ژنا ب مێر، پویتەی ددەتە كاروبارێن جیهانێ، كا دێ چەوا مێرێ خۆ رازی كەت.

2 كورنتۆس 10:8

چنكو ئەگەر ئەز پیچەكێ زێدە شانازیێ ب وێ دەستهەلاتا مە بكەم ژی، ئەوا خودانی دایە مە بۆ ئاڤاكرنا هەوە، نە بۆ هەڕفاندنا هەوە، ئەز ب شەرم نابینم.

2 كورنتۆس 3:12

ئەڤجا مادەم مە هیڤیەكا هۆسا هەیە، ئەم ب وێرەكیەكا مەزن رەفتارێ دكەین،

2 كورنتۆس 4:10

هەردەم مرنا عیسای د لەشێ خۆ دا هەلدگرین، دا ژیانا عیسای ژی د لەشێ مە دا بهێتە دیاركرن.

2 كورنتۆس 5:15

ئەو ژ پێخەمەت هەمیان مر، دا ئێدی یێن دژین، نە ژ بۆ خۆ، لێ ژ بۆ وی بژین یێ ژ پێخەمەت وان مری و رابوویە.

2 كورنتۆس 7:14

من شانازیا خۆ ب هەوە بۆ وی دیار كر و ئەز شەرمزار دەرنەكەفتم، لێ كا چەوا هەر تشتێ مە گۆتیە هەوە راست بوو، وەسا ئەو شانازیا مە بۆ تیتۆسی دەربارەی هەوە دیار كری، راست دەركەفت.

2 كورنتۆس 7:4

ئەز گەلەك ژ هەوە یێ پشتڕاستم و گەلەك شانازیێ ب هەوە دبەم. سەرەڕای هەمی تەنگاڤیێن مە، ئەز ژ هاندانێ یێ پڕ بوویم و ژ دلخۆشیێ د سەر دا دچم.

فیلیپی 1:14

گرتنا من باوەریا پڕانیا برایان ب خودانی قاییم كر، ئەڤجا ئەو نوكە گەلەك زێدەتر دوێرن پەیڤێ بێ ترس رابگەهینن.

فیلیپی 2:17

لێ ئەگەر وەكو پێشكێشیێ رژاندنێ ل سەر قوربانی و خزمەتا باوەریا هەوە بهێمە رشتن ژی، ئەز دلخۆش دبم و ل گەل هەوە هەمیان كەیفخۆش دبم.

كۆلۆسی 1:24

نوكە ئەز دلخۆش دبم ب ئازارێن ئەز ژ پێخەمەت هەوە دكێشم و د لەشێ خۆ دا وان تەنگاڤیێن مەسیحی یێن ماین، ژ پێخەمەت لەشێ وی كو جڤاكا باوەردارانە، تەمام دكەم.

1 سالونیكی 5:23

بلا خودایێ ئاشتیێ ب خۆ هەوە ب تەمامی پیرۆز بكەت و هەمی گیان و دەروون و لەشێ هەوە بپارێزیت، داكو ل دەمێ هاتنا خودانێ مە عیسایێ مەسیح د بێكێماسی بن.

1 پەترۆس 4:16

لێ ئەگەر ئێك ژ هەوە وەكو مەسیحیەك ئازارێ بكێشیت، بلا شەرم نەكەت، لێ بلا پەسنا خودێ بكەت، ژ بەر كو هەلگرێ ڤی ناڤیە.

1 یوحەننا 2:28

نوكە ژی، گەلی زاڕۆكان، د ناڤ وی دا بنەج‍‌ھ ببن، داكو دەمێ ئەو دیار ببیت، مە پشتڕاستی هەبیت و د هاتنا وی دا شەرم ژێ نەكەین.