فیلیپی 1:19 - ئنجیلا پیرۆز

¹⁹ چنكو ئەز دزانم، ب نڤێژێن هەوە و ب هاریكاریا گیانێ عیسایێ مەسیح، دێ دویماهیا ڤێ چەندێ قورتالبوونا من بیت.

فیلیپی 1:19 Iomraidhean Croise

كارێن هنارتیان 16:7

دەمێ گەهشتینە هەرێما میسیا، وان هەوڵدا بچنە د هەرێما بیتینیایێ دا، لێ گیانێ عیسای نەهێلا.

رۆما 8:28

ئەم دزانین كو خودێ وە دكەت هەمی تشت پێكڤە كار بكەن ژ بۆ باشیا وان یێن حەز ژ خودێ دكەن و ل دویڤ مەبەستا وی هاتینە گازیكرن.

رۆما 8:9

لێ هوین ل دویڤ لەشی ناژین، هوین ل دویڤ گیانێ پیرۆز دژین، ئەگەر ب راستی گیانێ خودێ د هەوە دا یێ ئاكنجی بیت. هەر كەسێ گیانێ مەسیحی تێدا نەبیت، ئەو نە یێ ویە،

1 كورنتۆس 4:17

ژ بەر ڤێ چەندێ من تیمۆتاوس هنارتە نك هەوە، كو ئەو زاڕۆكێ منێ خۆشتڤی و دلسۆزە د ئێكبوونا ل گەل خودانی دا، ئەو دێ رێكێن من د باوەریا مەسیح عیسای دا ئینیتە بیرا هەوە، كا چەوا ئەز ل هەر جڤاكەكا باوەرداران، ل هەر جهەكی، فێركرنێ دكەم.

2 كورنتۆس 1:11

هوین ژی دشێن ب نڤێژێن خۆ هاریكاریا مە بكەن، داكو ژ پێخەمەت وێ كەرەما ب رێكا نڤێژێن گەلەكان ل گەل مە هاتیە كرن، گەلەك كەس ژ بەر مە سوپاسیا خودێ بكەن.

گالاتیا 3:5

ئەوێ گیانێ پیرۆز ددەتە هەوە و حنێران د ناڤ هەوە دا دكەت، ما ڤێ چەندێ ژ ئەنجامێ كریارێن دەستووری یان ژی ژ ئەنجامێ بهیستن و باوەریێ دكەت؟

گالاتیا 4:6

ژ بەر كو هوین كوڕێن وینە، خودێ گیانێ كوڕێ خۆ هنارتە د ناڤ دلێ مە دا، كو گازی خودێ دكەت: «ئابا! بابۆ!».

فیلیپی 1:18

ئێدی قەیدی نینە! چ ب نیازەكا پیس بیت یان ژی ب نیازەكا پاقژ، ب هەر شێوەیەكی بیت بانگەوازی بۆ مەسیحی دهێتە كرن و ئەز ب ڤێ چەندێ یێ دلخۆشم. بەلێ، دێ ل سەر دلخۆشیێ یێ بەردەوام بم ژی،

1 پەترۆس 1:11

گیانێ مەسیحی یێ د وان دا، پێشوەخت بۆ وان شاهدەیی ددا ل سەر ئازارێن مەسیحی و مەزناهیێن پشتی هنگی دێ هێن، وان ژی بزاڤ دكر كو بزانن كا كەنگی و د رەوشەكا چەوا دا دێ ئەڤ چەندە روی دەت.