فیلیپی 1:13 - ئنجیلا پیرۆز

¹³ تاكو بۆ هەمی زێرەڤانێن كۆچكێ و هەمیێن دی ژی ئاشكرا بوو كو گرتنا من ژ پێخەمەت مەسیحیە.

فیلیپی 1:13 Iomraidhean Croise

كارێن هنارتیان 26:29

پاولۆسی گۆت: «چ كورت یان درێژ، ئەز هیڤی ژ خودێ دكەم، نە ب تنێ تۆ، لێ هەمیێن ئەڤرۆ من دبهیسن، وەكو من لێ بهێن، ژبلی ڤان قەیدان!»

كارێن هنارتیان 26:31

ئەو دەردكەفتن و دگۆتە ئێكودوو: «ئەڤی مرۆڤی تشتەك نەكریە كو یێ هەژی كوشتنێ یان زیندان كرنێ بیت.»

كارێن هنارتیان 28:17

پشتی سێ رۆژان پاولۆسی داخوازا مەزنێن جوهیان كر، دەمێ كۆم بووین، گۆتە وان: «گەلی برایان، سەرەڕای كو من چ تشت دژی مللەتی یان داب و نەریتێن بابكالێن مە ئەنجام نەداینە، لێ ل ئورشەلیمێ ئەز هاتمە گرتن و رادەستی رۆماییان هاتمە كرن.

كارێن هنارتیان 28:20

لەوما من هوین داخواز كرن كو هەوە ببینم و ل گەل هەوە بئاخڤم، چنكو ژ بەر هیڤیا ئیسرائیلێ، ئەز ب ڤێ زنجیرێ یێ گرێدایمە.»

كارێن هنارتیان 28:30

پاولۆس دوو ساڵێن تەمام د وی خانی ڤە ما یێ بۆ خۆ ب كرێ گرتی، بخێرهاتنا وان هەمی كەسان دكر، یێن دهاتنە نك وی.

ئەفەسۆس 3:1

ژ بەر ڤێ چەندێ ئەز، پاولۆس، یێ ژ پێخەمەت هەوە یێن نەجوهی ژ بەر مەسیح عیسای زیندانیمە…

ئەفەسۆس 4:1

ئەڤجا ئەز، كو ژ بەر خودانی هاتیمە زیندانكرن، هیڤی ژ هەوە دكەم كو هوین ب شێوەیەكی بژین، یا هەژی وێ گازیكرنێ بیت، ئەوا هوین بۆ هاتینە گازیكرن.

ئەفەسۆس 6:20

ئەو مزگینیا كو ئەز ژ پێخەمەت وێ، بالیۆزەكێ زنجیركریمە. نڤێژان بكەن كو ئەز ب وێرەكی راگەهاندنێ بۆ وێ بكەم، كا چەوا پێدڤیە ئەز بێژم.

فیلیپی 1:30

نوكە هوین ژی د هەمان جەنگێ دانە، ئەوا هەوە ژ من دیتی و نوكە ژی هوین دبهیسن كو ئەز هێشتا یێ تێدا.

فیلیپی 1:7

بۆ من دروستە كو ئەز ڤێ هزرێ دەربارەی هەوە هەمیان بكەم، چنكو هوین یێ د دلێ من دا. هوین هەمی د كەرەما خودێ دا هەڤپشكێن منن، د گرتنا من دا، هەروەسا د بەرگریكرن و سەلماندنا مزگینیێ دا.

فیلیپی 4:22

هەمی پیرۆزكری، ب تایبەت ئەوێن ژ كۆچكا قەیسەری، سڵاڤان ل هەوە دكەن.

2 تیمۆتاوس 2:9

ئەوا ژ بەر وێ ئەز ئازارێ دكێشم، تاكو وی رادەی هاتیمە قەیدكرن وەكو تاوانبارەكی. لێ پەیڤا خودێ نەهاتیە قەیدكرن.