فیلیپی 1:11 - ئنجیلا پیرۆز

¹¹ و دپڕ بن ژ بەرهەمێ راستداریێ، ئەوێ كو ژ دەولەتسەرێ عیسایێ مەسیحە، ژ بۆ مەزناهی و پەسنا خودێ.

فیلیپی 1:11 Iomraidhean Croise

مزگینیا مەتتای 5:16

بلا ب ڤی رەنگی رۆناهیا هەوە بەرامبەری خەلكی شەوقێ بدەت، دا كارێن چاك یێن هەوە ببینن و بابێ هەوە یێ ل ئەسمانان مەزن بكەن.

مزگینیا یوحەننای 15:16

هەوە ئەز هەلنەبژارتم، لێ من هوین هەلبژارتن و دەستنیشان كرن كو هوین بچن بەرهەمی بدەن و بەرهەمێ هەوە بمینیت، داكو هەر تشتێ هوین ب ناڤێ من ژ بابی بخوازن، ئەو بدەتە هەوە.

مزگینیا یوحەننای 15:2

هەر چەقەكێ من یێ بەرهەمی نەدەت، رادكەت. لێ هەر چەقەكێ بەرهەمی بدەت، دكەزێخیت و پاقژ دكەت، دا پتر بەرهەمی بدەت.

مزگینیا یوحەننای 15:8

ب ڤێ چەندێ بابێ من دهێتە مەزنكرن: هوین گەلەك بەرهەمی بدەن و ببنە شاگردێن من.

رۆما 15:28

ئەڤجا دەمێ من ئەڤ كارە ب دویماهی ئینا و ئەڤ هاریكاریا هاتیە كۆمكرن گەهاندە دەستێ وان، ئەز دێ د رێكا خۆ دا بۆ ئیسپانیا سەرەدانا هەوە كەم.

رۆما 6:22

لێ نوكە كو هوین ژ گونەهێ هاتینە ئازادكرن و بووینە بەنیێن خودێ، هوین بەرهەمی بۆ پیرۆزیێ ب دەست خۆ ڤە دئینن، ئەنجام ژی ژیانا هەروهەرە.

1 كورنتۆس 10:31

ئەڤجا ئەگەر هوین بخۆن، یان ڤەخۆن، یان چ تشتێ بكەن، هەمی تشتان بۆ مەزناهیا خودێ بكەن.

2 كورنتۆس 9:10

ئەوێ تۆڤی بۆ تۆڤچینی و نانی بۆ خوارنێ پەیدا دكەت، دێ تۆڤی بۆ هەوە پەیدا كەت و چەند جاركی زێدە كەت و دێ وەرارێ ئێخیتە بەرهەمێ راستداریا هەوە.

ئەفەسۆس 1:12

دا ئەم ژ بۆ پەسنكرنا مەزناهیا وی بین، ئەم ئەوێن ل بەراهیێ هیڤیا خۆ ب مەسیحی ڤە گرێ دای.

ئەفەسۆس 1:14

گیانێ پیرۆز دەستبەعێ میراتێ مەیە تا دەمێ خودێ گەلێ خۆ رزگار دكەت، ژ بۆ پەسنكرنا مەزناهیا خۆ.

ئەفەسۆس 2:10

چنكو ئەم چێكریێن خودێینە، د ئێكبوونا ل گەل مەسیح عیسای دا هاتینە ئافراندن، دا ئەم د ڤان كریارێن باش دا، یێن خودێ پێشوەخت ئامادە كرین، بڕێڤە بچین.

ئەفەسۆس 5:9

(ژ بەر كو بەرهەمێ رۆناهیێ هەمی جۆرێن باشی و راستی و دروستیێنە)

فیلیپی 4:17

نەكو چاڤێ من ل دیاریانە، لێ من دڤێت قازانج ل سەر سەرمایێ هەوە ل نك خودێ زێدە ببیت.

كۆلۆسی 1:10

دا ب شێوەیەكی بژین كو هەژی خودانی بیت و ژ هەمی لایان ڤە جهێ رازیبوونا وی بن، د هەر كارەكێ باش دا د بەرهەمدار بن و د نیاسینا خودێ دا وەرارێ بكەن،

2 سالونیكی 1:12

دا ب كەرەما خودایێ مە و خودان عیسایێ مەسیح، ناڤێ خودانێ مە عیسایێ مەسیح ب هەوە بهێتە مەزنكرن و هوین ژی ب وی بهێنە مەزنكرن.

تیتۆس 3:14

پێدڤیە خەلكێ مە یێ باوەردار ژی فێر ببن كو پویتەی ب كریارێن باش بدەن، داكو پێدڤیێن فەر بۆ كەسێن دی دابین بكەن، هۆسا ئەو د بێبەرهەم نابن.

عیبرانی 12:11

هەر تەمبیكرنەك دەمێ دهێتە كرن یا خۆش نینە، لێ یا ب ژانە. سەرەڕای وێ چەندێ ل دویماهیێ بەرهەمێ ئاشتیانە كو راستداریە، ددەتە وان كەسان یێن پێ هاتینە مەشقدان.

1 پەترۆس 2:12

بلا د ناڤ مللەتان دا رەفتارێن هەوە د باش بن، دا سەرەڕای كو ئەو نەكامیا هەوە دكەن كو هوین خرابكارن، كریارێن هەوە یێن باش ببینن و پەسنا خودێ بكەن د رۆژا هاتنا وی دا.

1 پەترۆس 2:5

ئەڤجا هوین ژی وەكو بەرێن زیندی بۆ خانیەكێ روحانی دهێنە بەستن، دا ببنە كاهنێن پیرۆز و ب رێكا عیسایێ مەسیح قوربانێن روحانی یێن جهێ رازیبوونا خودێ پێشكێش بكەن.

1 پەترۆس 2:9

لێ هوین دویندەهەكا هەلبژارتینە، كاهنێن پاشایانەنە، مللەتەكێ پیرۆزن و گەلێ تایبەت یێ خودێنە، دا هوین چاكیێن وی یێ هوین ژ تاریاتیێ گازی كرینە رۆناهیا خۆ یا سەیر، رابگەهینن.

1 پەترۆس 4:14

ئەگەر ژ پێخەمەت ناڤێ مەسیحی هوین بهێنە فهێتكرن، هنگی خوزیكێن هەوە، چنكو گیانێ مەزناهیێ، كو گیانێ خودێیە، ل سەر هەوەیە.