فیلیپی 1:1 - ئنجیلا پیرۆز

¹ ژ مە، پاولۆس و تیمۆتاوسی، بەنیێن مەسیح عیسای، بۆ وان هەمیێن ل فیلیپی، ئەوێن ب رێیا مەسیح عیسای هاتینە پیرۆزكرن، ل گەل چاڤدێر و خزمەتكاران:

فیلیپی 1:1 Iomraidhean Croise

مزگینیا مەرقۆسی 13:34

هەروەكو مرۆڤەكێ رێڤنگ، دەمێ ژ مالا خۆ دچیت و كارێ هەر بەنیەكێ خۆ بۆ دەست نیشان دكەت و شیرەتان ل دەرگەهڤانی دكەت كو هشیار بیت.

مزگینیا یوحەننای 12:26

هەر كەسێ بڤێت خزمەتا من بكەت، بلا ب دویڤ من بكەڤیت، ئەز ل كیرێ بم، خزمەتكارێ من ژی دێ ل وێرێ بیت. هەر كەسێ خزمەتا من بكەت، باب دێ رێزێ ل وی گریت.

كارێن هنارتیان 1:20

پەترۆس بەردەوام بوو و گۆت: «چنكو د پەرتووكا زەبوورێ دا هاتیە نڤیسین: ‹بلا مالا وی كاڤل ببیت و كەس تێدا نەمینیت.› هەروەسا: ‹بلا ئێكێ دی ب ئەركێ وی راببیت.›

كارێن هنارتیان 20:28

ئەڤجا هشیاری خۆ و هەمی كەرێ پەزی بن، ئەوێ گیانێ پیرۆز هوین وەكو چاڤدێر د ناڤ دا داناین، دا شڤانیێ ل جڤاكا گازیكریێن خودێ بكەن، ئەوا وی ب خوینا خۆ كڕی.

كارێن هنارتیان 9:13

ئینا حەنانیای گۆتە خودانی: «خودان، دەربارەی ڤی زەڵامی، من ژ گەلەك كەسان بهیستیە، كا وی چەند خرابی ب سەرێ پیرۆزكریێن تە ل ئورشەلیمێ ئیناینە

رۆما 1:1

ژ من، پاولۆس، بەنیێ مەسیح عیسای، ئەوێ هاتیە گازیكرن دا ببیتە هنارتی و بۆ مزگینیا خودێ هاتیە تەرخانكرن،

رۆما 1:7

بۆ هەمی خۆشتڤیێن خودێ یێن ل رۆمایێ، ئەوێن هاتینە گازیكرن دا ببنە پیرۆزكریێن خودێ: كەرەم و ئاشتی ژ بابێ مە خودێ و خودان عیسایێ مەسیح ل سەر هەوە بن.

1 كورنتۆس 16:10

ئەگەر تیمۆتاوس هات، وە بكەن كو ئەو ل نك هەوە یێ بێ ترس بیت، چنكو ئەو ژی وەكو من كارێ خودانی دكەت.

2 كورنتۆس 1:1

ژ من، پاولۆس، هنارتیێ مەسیح عیسای ب حەزا خودێ، ژ برایێ مە تیمۆتاوسی ژی، بۆ جڤاكا گازیكریێن خودێ ل كورنتۆسێ و بۆ هەمی پیرۆزكریێن ل سەرانسەری ئەخایایێ:

گالاتیا 1:10

ما هوین هزر دكەن ئەز نوكە ل رازیبوونا مرۆڤان دگەڕیێم، یان یا خودێ؟ ما ئەز بزاڤێ دكەم دا دلێ مرۆڤان خۆش بكەم؟ نەخێر! ئەگەر من هەر ڤیابا دلێ مرۆڤان خۆش كەم، ئەز بەنیێ مەسیحی نەدبووم.

گالاتیا 3:26

د ئێكبوونا ل گەل مەسیح عیسای دا، هوین هەمی ب رێكا باوەریێ كوڕێن خودێنە،

گالاتیا 3:28

ئێدی چ جوداهی د ناڤبەرا جوهیەكی و یونانیەكی، یان بەنیەكی و ئازادەكی، یان نێرەكی و مێیەكێ دا نینە، چنكو هوین هەمی د ئێكبوونا ل گەل مەسیح عیسای دا ئێكن،

ئەفەسۆس 1:1

ژ من، پاولۆس، هنارتیێ مەسیح عیسای، ب حەزا خودێ، بۆ پیرۆزكریێن ل ئەفەسۆسێ، ئەوێن ب مەسیح عیسای د دلسۆزن:

ئەفەسۆس 1:15

ژ بەر هندێ، گاڤا من باوەریا هەوە ب خودان عیسای و حەزژێكرنا هەوە بۆ هەمی پیرۆزكریان بهیستی،

ئەفەسۆس 6:24

كەرەم بۆ وان هەمیان بیت، ئەوێن ب حەزژێكرنەكا نەمر حەز ژ خودانێ مە عیسایێ مەسیح دكەن.

فیلیپی 2:19

من هیڤی ب خودان عیسای هەیە، كو د دەمەكێ نێزیك دا، دێ تیمۆتاوسی هنێرمە نك هەوە، داكو دلێ من ب زانینا رەوشا هەوە تەنا ببیت.

فیلیپی 2:5

بلا هزركرنا هەوە وەكو هزركرنا عیسایێ مەسیح بیت:

فیلیپی 3:12

ئەز نابێژم كو ئەز گەهشتمە ئارمانجێ، یان كامل بووم، لێ ئەز بزاڤێ دكەم، دا وێ چەندێ ب دەست خۆ ڤە بینم، ئەوا ژ پێخەمەت وێ مەسیح عیسای ئەز ب دەست خۆ ڤە بریم.

فیلیپی 3:3

چنكو سونەتكریێن دروست ئەمین، یێن ب گیانێ خودێ پەرستنێ دكەین و شانازیێ ب مەسیح عیسای دبەین و پشتا خۆ ب لەشی گەرم ناكەین،

فیلیپی 3:8

هێشتا ژ وێ زێدەتر، ئەز هەمی تشتان ب زیان ددانم، ل هەمبەری بهاگرانیا بێ سنوور یا نیاسینا مەسیح عیسایێ خودانێ من، ئەوێ ژ پێخەمەت وی من هەمی تشت زیانكرین و ئەز وان تشتان وەكو گلێش دبینم، دا مەسیحی قازانج بكەم

1 سالونیكی 1:1

ژ پاولۆس، سیلاس و تیمۆتاوسی، بۆ جڤاكا باوەردارێن سالونیكیێ، یا خودایێ باب و خودان عیسایێ مەسیح: كەرەم و ئاشتی ل سەر هەوە بن.

1 سالونیكی 2:2

لێ هەروەكو هوین دزانن، ل پێشیێ ل فیلیپی ئەم هاتینە ئازاردان و كرێتكرن، سەرەڕای هندێ مە ب خودایێ خۆ وێرەكی هەبوو كو د ناڤ بەرهنگاریەكا دژوار دا، مزگینیا خودێ بۆ هەوە رابگەهینین.

2 سالونیكی 1:1

ژ پاولۆس، سیلاس و تیمۆتاوسی، بۆ جڤاكا باوەردارێن سالونیكیێ، یا بابێ مە خودێ و خودان عیسایێ مەسیح:

2 سالونیكی 1:10

دەمێ ئەو دهێت دا ل وێ رۆژێ د ناڤ پیرۆزكریێن خۆ دا بهێتە مەزنكرن و ببیتە جهێ مەندەهۆشیا هەمی باوەرداران، هوین ژی دێ د ناڤ وان دا بن، چنكو هەوە باوەری ب شاهدەییا مە ئینا.

1 تیمۆتاوس 1:2

بۆ تیمۆتاوسی، كوڕێ من یێ راستەقینە د باوەریێ دا: كەرەم و دلۆڤانی و ئاشتی ژ خودایێ باب و ژ خودانێ مە مەسیح عیسای ل سەر تە بن.

1 تیمۆتاوس 3:8

هەروەسا پێدڤیە خزمەتكار ژی رێزدار بن، خودان ئێك ئاخفتن بن، گەلەك مەیێ ڤەنەخۆن، چاڤێ وان ل مفایێ حەرام نەبیت،

تیتۆس 1:1

ژ من، پاولۆس، بەنیێ خودێ و هنارتیێ عیسایێ مەسیح. ئەز كریمە هنارتی دا بەرێ وان یێن خودێ هەلبژارتین بدەمە باوەریێ و زانینا وێ راستیێ یا مرۆڤی بەرەڤ خودێترسیێ دبەت.

تیتۆس 1:7

چنكو دڤێت چاڤدێر: جهێ گازندەیێ نەبیت، وەكو بریكارێ خودێ. خۆسەپاندن ل نك نەبیت، زوی تۆڕە نەبیت، مەی ڤەخۆر نەبیت، توند نەبیت، چاڤبرسیێ قازانجی نەبیت،

فلیمون 1:1

ژ من، پاولۆسێ زیندانكری ژ پێخەمەت مەسیح عیسای، ژ برایێ مە تیمۆتاوسی ژی، بۆ هەڤكارێ مە یێ خۆشتڤی فلیمونی،

عیبرانی 13:23

بزانن كو برایێ مە تیمۆتاوس یێ هاتیە ئازادكرن. ئەگەر زوی هات، ئەز دێ ل گەل وی سەرەدانا هەوە كەم.

یەعقوب 1:1

ژ من، یەعقوب، بەنیێ خودێ و خودان عیسایێ مەسیح، بۆ هەر دوازدە هۆزێن دەربەدەر، سڵاڤ.

1 پەترۆس 2:25

چنكو هوین وەكو پەزێ بەرزەبووی بوون، لێ نوكە هوین ل شڤان و چاڤدێرێ گیانێ خۆ زڤڕین.

2 پەترۆس 1:1

ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

یەهودا 1:1

ژ من، یەهودا، بەنیێ عیسایێ مەسیح و برایێ یەعقوبی، بۆ گازیكریێن خۆشتڤی ژ لایێ خودایێ باب ڤە و پاراستی ژ لایێ عیسایێ مەسیح ڤە:

ئاشكراكرن 1:1

ئەڤە ئاشكراكرنا عیسایێ مەسیحە، ئەوا خودێ دایە وی، دا تشتێن كو پێدڤیە د دەمێ نێزیك دا روی بدەن نیشا بەنیێن خۆ بدەت. عیسای ژی فریشتەیێ خۆ هنارت دا بۆ بەنیێ وی یوحەننای بدەتە زانین.

ئاشكراكرن 1:20

نهێنیا حەفت ستێرێن تە د دەستێ من یێ راستێ دا دیتین و حەفت چرادانكێن زێڕین ئەڤەیە: حەفت ستێر، فریشتەیێن هەر حەفت جڤاكانە و حەفت چرادانك، هەر حەفت جڤاكن.»

ئاشكراكرن 19:10

ئینا من خۆ هاڤێتە بەر پێیێن وی، دا سوجدێ بۆ ببەم، لێ وی گۆتە من: «وە نەكە! ئەز بەنیمە ل گەل تە و برایێن تە یێن شاهدەییێ بۆ عیسایێ مەسیح ددەن. سوجدێ بۆ خودێ ببە! چنكو شاهدەیی بۆ عیسای كاكلكا پەیاما خودێیە.»

ئاشكراكرن 2:12

«بۆ فریشتەیێ جڤاكا باوەرداران ل پەرگامایێ بنڤیسە: ‹ئەوێ شیرێ تیژ یێ دوودەڤ هەی، ڤان تشتان دبێژیت:

ئاشكراكرن 2:8

«بۆ فریشتەیێ جڤاكا باوەرداران ل سمیرنایێ بنڤیسە: ‹ئەوێ ئێكێ و دویماهیێ، ئەوێ مری و زیندی بووی، ڤان تشتان دبێژیت:

ئاشكراكرن 22:9

لێ وی گۆتە من: «وە نەكە! ئەز بەنیمە ل گەل تە و برایێن تە یێن پێغەمبەر و ئەوێن پەیڤێن ڤێ پەرتووكێ ب ج‍‌ھ دئینن. سوجدێ بۆ خودێ ببە.»