- यूहन्‍ना के दरसन कौ खुलासा 7:2 - Bundeli Holy Bible

² फिन मैंने एक और सरगदूत हां तको, जौन जीयत परमेसुर की मुहर लएं जिते से सूरज कड़त आय ऊपर की ओर आत तको; ऊ ने उन चारई सरगदूतन से जिन हां धरती और समुन्दर हां बरबाद करबे को अधकार दओ गओ हतो, बड़े जोर से कई।

- यूहन्‍ना के दरसन कौ खुलासा 7:2 Iomraidhean Croise

- मत्ती 16:16

शमौन पतरस ने उत्तर दओ, कि तें जीयत परमेसुर कौ पूत मसीह आय।

- मत्ती 26:63

मैं तोय जीयत परमेसुर की कौल देत आंव, कि अगर तें परमेसुर कौ पूत मसीह आय, तो हम से कै दे।

- यूहन्‍ना 6:27

ऊ रोटी के लाने मेहनत नईं करो जौन नास हो जात आय, परन्त ऊ रोटी के लाने जौन अनन्त जीवन लौ बनी रहत आय, जीहां मान्स कौ पूत तुम हां दै है, कायसे बाप यानि परमेसुर ने ओई पे अपनी छाप लगाई आय।

- दूसरी कुरिन्थियों 1:22

जीनें हम पै छाप लगा दई आय और बयाने में आत्मा हां हमाए जी में डालो आय।

- इफिसियों 1:13

उनई में जब तुम ने सांचे बचन सुने, जौन से तुमाए तरन तारन हो, जीहां तुम ने मानो, और कौल करे भए पवित्रात्मा की चिनानी लग गई।

- इफिसियों 4:30

और परमेसुर की आत्मा हां न दुखाओ, जिन से तुमाए पाप से छूटे भय हां ईकी छाप लगी।

- 1 थिस्सलुनीकियों 1:9

और बे जौ सोई कैत आंय कि तुम ने हमाई बातें कैसे सुनी, और तुम मूरतन की पूजा छोड़ के परमेसुर की बातें मानी, कि जीयत और सांचे परमेसुर की सेवा करो।

- 2 तीमुथियुस 2:19

परन्त परमेसुर की बातें जीमें नीं जैसी बैठ गई आंय, उन पै ऐसी छाप लगी आय कि परमेसुर उन हां चीनत आंय; जो कोनऊं परमेसुर को नाओं जपत आय, बो अधरम से बचो रै है।

- इब्रानियों 12:22

परन्त तुम सिय्योन के पहरवा और जियत परमेसुर के नगर यरूशलेम ऐंगर।

- यूहन्‍ना के दरसन कौ खुलासा 1:3

ऊ मान्स धन्न आय जो इन अगमवानी की बातन हां पढ़त आय, और जौन सुनत और इन में लिखी बातन हां मानत आंय, कायसे अब बेरा बिलात जल्दी आबेवारी आय।

- यूहन्‍ना के दरसन कौ खुलासा 10:1

फिन मैंने एक बली सरगदूत हां बादल ओढ़ के सरग से उतरत तको, ऊके मूड़ पै मेघधनुष हतो: और ऊ को मों सूरज घांई हतो और ऊके गोड़े आगी के खम्भा जैसे हते।

- यूहन्‍ना के दरसन कौ खुलासा 10:4

और जब सातई गरजन के शब्द सुनाई दे चुके, तो मैं लिखबे पै हतो, और मैंने सरग से ऐसो शब्द सुनो, कि जौन सात शब्द गरजन के संग्गै सुने आंय, उन हां कोऊहां न बतईयो, और न लिखियो।

- यूहन्‍ना के दरसन कौ खुलासा 16:12

और छटे सरगदूत ने अपनो कटोरा फुरात नदिया पै उड़ेल दओ, और नदिया को पानू रीत गओ, कि पूरब के राजन के आबे के लाने गैल तईयार हो जाबै।

- यूहन्‍ना के दरसन कौ खुलासा 5:2

फिन मैंने एक बली सरगदूत हां तको जौन जोर के ऐसो परचार करत हतो, कि ई किताब की मुहरें तोड़के ईहां पढ़बे जोग को आय।

- यूहन्‍ना के दरसन कौ खुलासा 8:3

फिन एक और सरगदूत हाथ में सोने कौ धूपदान लैकें आओ, और बेदी के ऐंगर ठांड़ो हो गओ; ऊहां बिलात धूप दओ गओ, कि बो सब पवित्र लोगन की बिन्तवारी के संग्गै वेदी पै जढ़ाए, जो सिंहासन के सामूं आय।

- यूहन्‍ना के दरसन कौ खुलासा 9:14

मानो कोई छठे सरगदूत से जीके ऐंगर तुरही हती, कैत हतो कि उन चार सरगदूत जो फुरात नदिया के ऐंगर बंधे भए आंय, उन हां छोड़ दे।

- यूहन्‍ना के दरसन कौ खुलासा 9:4

और उन से कहो गओ, कि न धरती पै की घांस को और न कोऊ हरियाई और पेड़ हां नुकसान करियो, केवल उन मान्सन हां जीके माथे पै परमेसुर की मोहर न होबै।