- यूहन्‍ना के दरसन कौ खुलासा 3:4 - Bundeli Holy Bible

⁴ पर एक बात तो आय कि तोरे इते सरदीस में कछु ऐसे जनें आंय, जिन ने अपने उन्ना असुद्ध नईं करे, बे सब मोरे संग्गै उजरे उन्ना पैर के घूम हैं कायसे बे लायक आंय।

- यूहन्‍ना के दरसन कौ खुलासा 3:4 Iomraidhean Croise

- एस्तेर 8:15

तब मोर्दकै नीले और सफेद रंग के राजसी उन्‍ना पैरें और मूंड़ पै सोने कौ बड़ो मुकट धरें भए और पतले सूत सें बनो भओ सन और भटा रंग कौ बागा पैरें भए, राजा के अगारें सें कड़ गओ, और शूशन नगर के जनें आनन्‍द के मारे चिल्‍या उठे।

- मत्ती 10:11

जो कोऊ नगर या गांव में तुम पिड़ो, तो पूंछतांछ करियो कि उते कोऊ भलो जनो है? और विदा होबे लौ, ओई के इते रहियो।

- मरकुस 16:5

और कबर के भीतर जाके, उन ने एक जवान हां सफेद उन्ना पैरें भए दांएने कोद बैठो तको, और भौत चकित हो गईं।

- लूका 20:35

पर जौन मान्स ई जोग हुईयें, कि ऊ जुग हां और मरे भयन में से जी उठबो पाबें, उन में शादी ब्याओ न हुईये।

- लूका 21:36

ई लाने जागत रओ और सबरे टैम बिन्तवाई करत रओ कि तुम इन सबरी घटनाओं से बचबे, और मान्स के पूत के सामूं ठांड़े होबे के जोग बन सको।

- प्रेरितन के काम 1:15

और उनई दिना में पतरस भईयन के संग्गै जौन एक सौ बीस के लगभग इकट्ठे जुड़े हते, ठांड़ो होकें कैन लगो।

- 2 थिस्सलुनीकियों 1:5

ईसे जौ पता लगत आय; कि परमेसुर सच्चो न्यायी आय, और ईसे पक्को हो गओ कि तुम परमेसुर के राज्य के लायक आओ, जीके काजें तुम दुख सोई उठात आव।

- यहूदा 1:23

और बहुतई जन हां नरक की आग से खींच लेओ, और बहुतई जन हां नरक के मों से बचावे की सोचो; और जौन जने पापन में भिड़ाने आंय उनके उन्ना हां न छियो।

- यूहन्‍ना के दरसन कौ खुलासा 1:11

कि जो कछु तें हेरत आय, उन सबरी बातन हां एक पोथी में लिख के सातई मण्डली हां पठै दे, जैसे इफीसुस, स्मुरना, पिरगमुन, थूआतीरा, सरदीस, फिलदेलफिया और लौदीकिया में।

- यूहन्‍ना के दरसन कौ खुलासा 11:13

फिन ओई बेरा धरती कपन लगी, और नगर को दसवों भाग गिर पड़ो; और ऊ धरती के कम्पन से सात हजार मान्स खतम हो गए और सरग के परमेसुर की जय जय भई।

- यूहन्‍ना के दरसन कौ खुलासा 14:4

जे बे आंय, जो बईयरन के संग्गै अशुद्ध नईं भए, परन्त कुंआरे आंय: और जे बे आंय, कि जिते मेमना जात आय, बे ऊके पछाऊं जात आंय: जे जने संसार में से परमेसुर के सामूं ठांड़े होबे हां छुड़ाए गए आंय।

- यूहन्‍ना के दरसन कौ खुलासा 19:14

और सरग की पलटन सफेद घुड़वन पै सवार और सफेद मखमल पैरे भए उनके पाछें पाछें चली आत आय।

- यूहन्‍ना के दरसन कौ खुलासा 19:8

ऊहां ब्याव के लाने बढिया, चमकत मलमल के उन्ना पैरबे कौ अधकार दओ गओ, कायसे मलमल कौ मतलब, परमेसुर के लोगन के धरम के काम आंय।

- यूहन्‍ना के दरसन कौ खुलासा 3:18

ई लाने मैं तोहां सम्मति देत आंव, कि आगी में ताओ भओ सोना मोसे मोल ले कि सांचऊ में धनी हो जाबै; और सफेद उन्ना लैके पैर ले कि तोहां नंगेपन जैसी सरम न होबै; और अपनी आंखें आंजबे हां बढिया सुरमा लै ले, कि तोहां दिखान लगै।

- यूहन्‍ना के दरसन कौ खुलासा 3:5

जो कोऊ इन बातन में पक्को रै है, उन हां ऐसई सफेद उन्ना पैराए जै हैं, और मैं कैसऊ उन को नाओं जीवन की किताब में से न काट हों, मैं परमेसुर और सरगदूतन के सामूं जौ मान लै हों कि जे मोरे जनें आंय।

- यूहन्‍ना के दरसन कौ खुलासा 4:4

और ऊ सिंहासन के चारऊं कोद चौबीस सिंहासन आंय; और इन पै चौबीस प्राचीन उजरे उन्ना पैरे बिराजे आंय, और उनके मूड़ पै सोने के मुकुट धरे आंय।

- यूहन्‍ना के दरसन कौ खुलासा 6:11

और उन सबरन हां सफेद उन्ना दओ गओ और उन से कहो गओ, कि और थोड़ी बेरा लौ आराम करो, जब लौ तुमाए संग्गी सेवा करबेवारे, और भईया, जौन तुमाए जैसे कतल होबेवारे आंय, उन सबरन की गिनती पूरी न हो जाबै।

- यूहन्‍ना के दरसन कौ खुलासा 7:9

ईके पाछें मैंने हेरो, कि एक एक कुल और जातियन, देस और हर एक बोली बोलबेवारन की एक बड़ी भीड़, जीहां कोऊ गिन न सके उजरे उन्ना पैरें, और हातन में खजूर की डालियां लएं सिंहासन के सामूं और मेमने के सामूं ठांड़ी आंय।