- यूहन्‍ना के दरसन कौ खुलासा 2:1 - Bundeli Holy Bible

¹ इफिसुस की मण्डली के दूत हां ऐसो लिखो, कि, जौन सात तारे अपने दाएं हाथ में लय हैं, और सोने की सात दीवटों के बीच में फिरत आय, बो जौ कैत आय।

- यूहन्‍ना के दरसन कौ खुलासा 2:1 Iomraidhean Croise

- मत्ती 18:20

कायसे जिते दो या तीन मोरे नाओं से जुर हैं, उते मैं उन के बीचा में होत आंव।

- मत्ती 28:20

और जौन जौन हुकुम मैं ने तुम हां दए आंय, ऊको पालन करबो सिखाओ, और तको, मैं संसारी के आखिर लौ सदा तुमाए संग्गै आंव।

- यूहन्‍ना 5:35

बो तो बरत और दमकत दिया हतो; और तुम हां ऊ की ज्योत में कछु बेरा लौ खुसी मनाबो साजो लगो।

- प्रेरितन के काम 18:19

फिन बे इफिसुस पोंचे जिते ऊ ने उनहां छोड़ दओ, और आपऊ प्रार्थनाघर में जाके यहूदियन से बतकाव करन लगो।

- प्रेरितन के काम 18:21

पर विदा होत बेरा ऊ ने जा कई, अगर परमेसुर की मनसा भई तो तुमाए ऐंगर फिन कें आहों।

- प्रेरितन के काम 19:1

ऐसो भओ की जब अपुल्लोस कुरिन्थुस में हतो, तो पौलुस ऊ परै के प्रदेशन से होत भओ इफिसुस में पोंचो, और उते पे ऊहां कछु चेले मिले।

- दूसरी कुरिन्थियों 6:16

और मूरतन को परमेसुर के मन्दर में का काज? कायसे हम जियत परमेसुर के मन्दर आंय; जैसो परमेसुर ने कहो आय कि उन में बस हों और उन में घूम हों; और मैं उन को परमेसुर और बे मोरे जनें कहा हैं।

- यूहन्‍ना के दरसन कौ खुलासा 1:16

और ऊ अपने हाथ में सात तारे लएं हतो: और ऊके मों से मानो तेज तलवार जैसी निकलत हती; और ऊ को मों ऐसो चमकत हतो, जैसे सूरज कड़ी धूप में चमकत आय।

- यूहन्‍ना के दरसन कौ खुलासा 1:20

यानी उन सात तारों हां जौन तेंने मोरे दाएं हाथ में तके हते, और उन सात सोने की दीवटों कौ का मतलब आय: बे सात तारे सात मण्डली के दूत आंय, और बे सात दीवटें सात मण्डली आंय।

- यूहन्‍ना के दरसन कौ खुलासा 12:1

फिन सरग पै एक बड़ो चिन्ह दिखाई दओ, कि एक बईयर सूरज हां ओढ़नी जैसे ओढ़े हती, और चांद ऊके गोड़े तरें हतो, और ऊ की मूड़ पै बारह तारों कौ मुकट धरो हतो।

- यूहन्‍ना के दरसन कौ खुलासा 2:12

और पिरगमुन की मण्डली के दूत हां ऐसो लिखो, कि, जीके ऐंगर चोखी और दोधारी तलवार आय, बो जौ कैत आय।

- यूहन्‍ना के दरसन कौ खुलासा 2:18

और थुआतीरा की मण्डली के दूत हां ऐसो लिखो, कि, परमेसुर को पूत जी की आंखें आगी की लपटें जैसी आंय, और जीके गोड़े उम्दा पीतल जैसे आंय, ऐसो कैत आय।

- यूहन्‍ना के दरसन कौ खुलासा 2:8

और स्मुरना की मण्डली के दूत हां ऐसो लिखो, कि, जौन पेंला और अन्तिम आय; जो मर गओ हतो और अब जी गओ आय, बो जौ कहत आय।

- यूहन्‍ना के दरसन कौ खुलासा 3:1

सरदीस की मण्डली के दूत हां ऐसो लिखो, कि, जीके ऐंगर परमेसुर की सात आत्माएं और सात तारे आंय, बो कैत आय, कि मैं तोरे सब काम हां जानत आंव, कि तें कहात तो है जीयत, पर है मरो भओ।

- यूहन्‍ना के दरसन कौ खुलासा 3:14

लौदीकिया की मण्डली के दूत हां ऐसो लिखो, कि, जो आमीन, और भरोसा धरबे जोग, और सच्चो गवाह आय, और परमेसुर के संसार कौ खास कारन आय, बो ऐसो कैत आय।

- यूहन्‍ना के दरसन कौ खुलासा 3:7

और फिलेदिलफिया की मण्डली के दूत हां ऐसो लिखो, कि, जो पवित्तर और सांचो आय, और जौन दाऊद की कुंजी धरत आय, जीके खोले भय हां कोऊ बन्द नईं कर सकत और बन्द हां खोल नईं सकत, बो ऐसो कैत आय।