- यूहन्‍ना के दरसन कौ खुलासा 15:3 - Bundeli Holy Bible

³ और बे परमेसुर के दास मूसा कौ गीत, और मेमने कौ गीत गाके कहत हते, कि हे महाबलि पिरभू परमेसुर, तोरे सबरे काज अदभुत आंय, हे जुग जुग के राजा, तोरी चाल सूदी और सांची आय।

- यूहन्‍ना के दरसन कौ खुलासा 15:3 Iomraidhean Croise

- उत्पत्ति 17:1

जब अब्राम निन्‍यानबे साल कौ हो गओ; तब यहोवा परमेसुर ने ऊहों दरसन दैकें कई, “मैं सर्वसक्‍तिमान यहोवा परमेसुर आंव; मोरी उपस्‍थिति में चल और खरो होत जा;

- पैलो इतिहास 6:49

परन्‍त हारून और ऊके मोंड़ा होमबलि की बेदी पै बलिदान, और धूप की बेदी पै धूप चढ़ात हते, और परमपवित्तर जागां कौ सबरो काम करत, और इस्राएलियन के लाने प्रायश्‍चित करत हते, जैसे कि यहोवा परमेसुर के दास मूसा ने हुकम दए हते।

- नहेम्याह 9:14

उनहों पवित्तर बिसराम दिन कौ ज्ञान दओ, और अपने दास मूसा के द्वारा हुकम, बिधियां और ब्‍यवस्‍था दईं।

- यूहन्‍ना 1:17

कायसे रीतियां मूसा के द्वारा दईं गईं; पर तरस, और सच्चाई तो यीशु मसीह के द्वारा मिली।

- 1 तीमुथियुस 1:17

अब महान राजा सदा बने रैबेवारे अनदेखे, ऐसे परमेसुर जिनको कोऊ मेल को नईयां उन हां मान, जस जुगजुग होत रैबै। आमीन।

- इब्रानियों 3:5

मूसा अपने लोगन के बीच सेवा करबे में साजे हते, उन ने आगे आबेवारी सबरी बातें बता दईं।

- यहोशू 22:5

अकेले ई बात की पूरी चौकसी करियो कि जौन-जौन हुकम और नैम ब्‍यवस्‍था यहोवा परमेसुर के दास मूसा ने तुम हों दई आय ऊहों मानकें अपने यहोवा परमेसुर सें प्रेम रखौ, ऊकी पूरी गैलों पै निंगौ, ऊके हुकम मानौ, ऊकी भक्‍ति में लगे रओ, और अपने पूरे मन और पूरे प्रान सें ऊकी सेवा करो।”

- यूहन्‍ना के दरसन कौ खुलासा 1:8

पिरभु जौन परमेसुर हते, और जौन आबेवारे आंय; जौन महाबली आय: ऐसो कहत आय, कि मैं पेंला से आंव और अन्त लौ रै हों।

- यूहन्‍ना के दरसन कौ खुलासा 11:17

और ऐसो कैन लगे, कि हे महाबली पिरभू परमेसुर, जो हते और अबै आय, हम तुमाओ जस मानत आंय, कि तुम ने अपने बल से राज करो आय।

- यूहन्‍ना के दरसन कौ खुलासा 14:3

और बे सिंहासन और चारई जनावर और प्राचीनन के सामूं एक नओ गाना गात हते, उन एक लाख चौआलीस हजार मान्स जौन धरती पै से मोल लय गए हते, उनके छोड़ कोऊ ई गाना हां नईं सीख सकत हतो।

- यूहन्‍ना के दरसन कौ खुलासा 14:8

फिन ईके पाछें एक और सरगदूत ऐसो कैत भओ आओ, कि बड़ो बाबुल देश बरबाद हो गओ, जीने संसार के मान्सन हां सबरी बुरई बातें सिखाईं।

- यूहन्‍ना के दरसन कौ खुलासा 17:14

जे मेमने से लड़ हैं, और मेमना जीत है; कायसे बो प्रभुओं कौ पिरभू, और राजाओं कौ राजा आय: और जो बुलाए भए, और चुने भए, और बिसवासी उनके संग्गै आंय, बे सोई जय पा हैं।

- यूहन्‍ना के दरसन कौ खुलासा 19:16

और उनके उन्ना और जांघ पै जौ नाओं लिखो आय, राजाओं कौ राजा और पिरभुओं कौ पिरभू।

- यूहन्‍ना के दरसन कौ खुलासा 19:2

कायसे ऊके न्याव सांचे आंय, उन ने ई भ्रष्ट वेश्या को जीने संसार हां अपनी काली करतूतन से बिगाड़ दओ, परमेसुर ने ऊ को न्याव करो, और अपने जने के मारे जाबे कौ पलटा ले लओ।

- यूहन्‍ना के दरसन कौ खुलासा 4:8

इन चारई जनावरन के छै छै पंखा हते, और उनके भीतर और चारऊ कोद आंखई आंखें हतीं; बे रात दिना बिना आराम करे जौ कहत रैत आंय, कि पवित्तर, पवित्तर, पवित्तर, पिरभू परमेसुर, महाबली, जौन पेंला हते, और अबै आंय, और जौन आबेवारे आंय।