- फिलिप्पियों 3:19 - Bundeli Holy Bible

¹⁹ उन हां एक दिना खतम हो जाने आय, उनको पेट उन कौ ईसुर आय, और जिन बातन से सरम आओ चईये उनईं पै बे गरब करत आंय, उनको मन संसार की बस्तन पै लगो रैत आय।

- फिलिप्पियों 3:19 Iomraidhean Croise

- मत्ती 16:23

तब ऊने मुड़के पतरस से कई, हे शैतान मोरे सामने से दूर हो: तें मोरे लाने ठोकर कौ कारन आय; कायसे तें परमेसुर की बातन पे नईं, पर मान्सन की बातन पे मन लगात आय।

- मत्ती 25:41

तब बो बांई कोद वारन से कै है, हे श्रापित लोगो, मोय से दूर होकें ऊ अनन्त आगी में जा पड़ो, जौन शैतान और ऊके दूतन के लाने तईयार करी गई आय।

- लूका 12:19

और उते अपनी सबरी पज और मालपानू धर हों: और अपने प्रान से कै हों, कि प्रान, तोरे ऐंगर बिलात बरसन के लाने बिलात मालपानू धरो आय; सो चैन कर, खा, पी, सुख से रै।

- लूका 16:19

एक धनी मान्स हतो जौन रेशम और मलमल कौ उन्ना पैरत और रोज सुख विलास और धूम धाम से रैत हतो।

- लूका 18:4

न्यायधीश ने तो कितने टैम लौ टालमटोल करी पर आखर में हिये में सोस के कैन लगो, जौ सई आय कि न मैं परमेसुर से डरत आंव, और न मानस की कछु परवाय करत आंव।

- रोमियों 16:18

कायसे ऐसे मान्स हमाए पिरभु यीशु मसीह की नईं, पर अपने पेट की सेवा करत आंय; और चिकनी चुपड़ी बातन से सूदे सादे मन के मान्सन हां बहका देत आंय।

- रोमियों 6:21

सो जिन बातन से तुम लजात आव, उन से तुम का फल पात हते?

- पैली कुरिन्थियों 3:3

कायसे तुन अब लौ सारीरिक आव, कि जब तुम में जलन और झगड़ा आय, तो का तुम सारीरिक नईंयां? और मान्सन जैसी गैल नईं निंगत?

- पैली कुरिन्थियों 5:2

तुम हां ई पाप से सरम लौ नईं आत, कि ऐसे काज के करबेवारे हां अपने बीच से काड़ बायरें करो, पर तुम तो मूड़ ऊंचो कर के निगत आव।

- पैली कुरिन्थियों 5:6

तुमाओ बड़ो बोल बोलवो साजो नईंयां: का तुम हां जौ पता नईयां, कि तनक से खमीर से पूरो मड़ो भओ चून खमीर हो जात आय।

- दूसरी कुरिन्थियों 11:12

अकेले जौन मैं करत आंव, ओई करत रै हों; कि जौन ई ताक में लगे रैत आंय, उनको दांव न चल पाबै, कि जिन बातन में बे बड़ो समझत आंय, उन में बे हमाए जैसे कड़ें।

- दूसरी कुरिन्थियों 11:15

सो शैतान के जनें सोई धरम के चाकरन घाईं दिखाबें, तो कोई बड़ी बात नईंयां, अकेले उनको अन्त उन के काजन जैसो हुईये।

- गलतियों 6:13

कायसे खतना कराबेवारे खुद नैम में नईं चलत, अकेले तुमाओ खतना ईसे चाहत आंय, कि तुम पै हो बड़वाई मारें।

- फिलिप्पियों 2:21

कायसे सबरे अपने भले की सोचत आंय, परन्त पिरभू यीशु मसीह की नईं सोचत।

- कुलुस्सियों 3:2

ई धरती की बस्तन से मोह न करो परन्त सरग की बस्तन पै ध्यान करो।

- 2 थिस्सलुनीकियों 1:9

बे सबरे जनें पिरभू के बल के जस से, उनकी सक्ती और तेज से दूर होकें अनन्त निवास में दुख भोग हैं।

- 2 थिस्सलुनीकियों 2:12

और जितने जनें सांचे हां नईं मानत, परन्त अधरम की बातन हां चाहत आंय, उन हां दण्ड दै है।

- 2 थिस्सलुनीकियों 2:8

जब बो अधरम करबेवारे आहें, तो पिरभू यीशु मसीह अपनी मों की फूंक से मार डाल है, और अपने आबे के तेज से भसम कर डाल है।

- 1 तीमुथियुस 6:5

और उन मान्सन में बेकार के झगड़ा पैदा होत आंय, जिन की मती बिगड़ गई आय और बे सत्य से अलग हो गए आंय, जो समझत आंय कि भक्ति कमाई कौ दोरो आय।

- 2 तीमुथियुस 3:4

बिसवास घाती, बात न मानबेवारो, घमण्डी और परमेसुर की बातन हां नईं परन्त दुनिया के भोग विलास में डलो रै है।

- याकूब 4:16

पर तुम डींग मारबे पे घमण्ड करत आव; ऐसो घमण्ड सई नईं होत।

- 2 पतरस 2:1

जौन भांत उन मान्सन में लबरे आगमवकता हते ओई भांत तुम में सोई लबरे परचारक हुईयें, जौन नास करबेवारे पाखंड कौ उद्घाटन लुके लुके कर हैं, बे अपने ऊ मालक को जीने उन हां मोल लओ आय मैट दें हैं, और अपने आप हां भारी नास की गैराई में डार दें हैं।

- 2 पतरस 2:13

अपने अधरम कौ फल उनईं हां मिल है, उन हां दिन दुपारी सुख विलास करबो साजो लगत आय; बे कलंक और दागी आंय, जब बे तुमाए संग्गै खात पियत आंय, तब अपनी कुदाऊं से प्रेम भोज करके भोग विलास करत आंय।

- 2 पतरस 2:3

बे लालच में आके लबरी बातें बना हैं और तुम हां अपने फायदा कौ कारन बना हैं, दण्ड़ कौ हुकम जो उन पे पेंला से हो चुको आय, और ऊके आबे में देर नईंयां, उन कौ नास झट्टई होबेवारो आय।

- यहूदा 1:10

जे जिन बातन को समझत नईंया, उन हां बुरो कैत आंय; और जिन हां दोस जैसो मानत आंय, उनसे अपने आप हां मानो मारत आंय।

- यहूदा 1:16

इनहां कोऊ बात में संतोस नईंयां, जे कुड़कुड़ात, और अपनी बुरई मन्सा से काम करत आंय; और बिलात बड़वाई की बातें करत आंय; और फायदे के लाने मों पै मान्सन की बड़वाई करत आंय।

- यहूदा 1:4

कायसे कछु जनें चुपके से हमाए संग्गै जुड़ गए आंय, जिन हां पैले से लिखो आय कि उन हां दण्ड दओ जाबै, कायसे बे सच्चे नईयां, और परमेसुर की दया हां छोड़ बुरय कामन में लगे रैत आंय, और हमाए महाबली मालक और पिरभु यीशु मसीह हां नईं मानत।

- यूहन्‍ना के दरसन कौ खुलासा 18:7

जैसे मजा मौज में रैके ऊ ने अपने हां बड़ो दिखाओ; ऊं सई दुख और पिरातो ऊहां दो; कायसे बा अपने मन में कैत आय, मैं रानी बनी बैठी आंव, मैं बिधवा नईंयां; मैं कभऊं परेसानी में नईं पड़ हों।

- यूहन्‍ना के दरसन कौ खुलासा 19:20

और बो जनावर और ऊके संग्गै ऊ लबरा अगमवकता पकड़ो गओ, जौ ओई आय जौन अदभुत काम दिखा के मान्सन हां चकरया देत हतो, और बे ऊ जनावर की छाप सोई लगाएं हते, और ऊ की पूजा करत हते, जे दोई जीयत भए आगी की झील में जो गन्धक से जलत हती, डाले गए।

- यूहन्‍ना के दरसन कौ खुलासा 21:8

परन्त जो डरपोकों, और बिसवास नईं करबेवारे, और मलिच्छ, और हत्यारे, और परतिरिया संगत करबेवारो, और टोना टोटका करबेवारो, और मूरत हां पूजबेवारो, और सब झूठ कौ भाग ऊ झील में मिल है, जो आग और गंधक से जलत रैत आय: जा दूसरी मौत आय।

- यूहन्‍ना के दरसन कौ खुलासा 22:15

परन्त कुत्ता, और टोना टोटका करबेवारे, परतिरिया संगत करबेवारे, हत्या करबेवारे, मूर्ती पूजा करबेवारे, और झूठ बोलबे की चाहना करबेवारे और झूट बनाबेवारे बायरें रै हैं।