- यहोशू 5:6 - Bundeli Holy Bible

⁶ कायसे इस्राएली तौ चालीस साल लौ जंगल में भटकत रए, जब लौ बा पूरी जाति के मान्‍सन, मतलब जितेक लड़ाई के जोग मान्‍स मिस्र सें कड़े हते बे नास नें हो गए, कायसे उनोंरन ने यहोवा परमेसुर की नें मानी हती; ई लाने यहोवा परमेसुर ने कौल खाकें उनसें कई हती, कि जौन देस मैंने तुमाए पुरखों सें कौल खाकें तुमें दैबे हों कई हती, और ऊमें दूध और मेंपर की धाराएं बहत आंय, ऊ देस मैं तुम हों नईं दिखाबे कौ।

- यहोशू 5:6 Iomraidhean Croise

- इब्रानियों 3:11

और परमेसुर ने गुनसिया के कई, कि तुम मोरे आराम की जांगा में न जा पाहौ।

- यहोशू 1:6

ई लाने हिम्‍मत बांधकें पक्‍को हो जा; कायसे जौन देस के देबे की कौल मैंने इन मान्‍सन के पुरखों सें करी हती ऊकौ अधकार तें इनहों दिलाहै।

- यहोशू 24:7

जब तुमने यहोवा परमेसुर की दुहाई दई तब ऊने तुमाए और मिस्रियों के मजारें अंधयारो कर दओ, और उन पै समंदर हों बहाकें उनहों डुबो दओ; और जो कछु मैंने मिस्र में करो ऊहों तुमोंरन ने अपनी आंखों सें हेरो; फिन तुम मुतके सालों लौ जंगल में रए।

- यहोशू 5:5

जौन मान्‍स मिस्र सें कड़े हते उन सबकौ तौ खतना हो गओ हतो, परन्‍त जितेक मिस्र सें कड़बे पै जंगल की गैल में पैदा भए उनमें सें कोऊ कौ खतना नें भओ हतो।

- यहोशू 5:7

तौ उन मान्‍सन के मोंड़ा जिनहों यहोवा परमेसुर ने उनकी जागां पै पैदा करो हतो, उनकौ खतना यहोशू सें कराओ, कायसे गैल में उनके खतना नईं होबे के कारन बे बिना खतना के हते।