- 2 तीमुथियुस 4:5 - Bundeli Holy Bible

⁵ परन्त तें सबरी बातन में होसयार रै, दुख उठाबे हां तईयार रै, और सुसमाचार सुनात जा और जौन काज तोहां दओ आय ऊहां पूरो कर।

- 2 तीमुथियुस 4:5 Iomraidhean Croise

- मत्ती 25:16

जीहां पांच रुपईया मिले हते, ऊने तुरतईं जाके उन से धन्धा करो और पांच रुपईया और कमाए।

- मरकुस 13:34

जा ऊ मान्स कैसी दसा आय, जौन परदेस जाबे की बेरा अपनौ घर छोड़ जाबै, और अपने सेवकन हां हक्क दे देबे; और हर एक हां ऊकौ काम सौंप देबे, और पहरेदार हां जागत रैबे कौ हुकम देबे।

- मरकुस 13:37

और जो कछु मैं तुमसे कैत आंव, ओई सब से कैत आंव, जागत रऔ।

- लूका 12:37

धन्न आंय बे चाकर, जिन हां उन कौ मालक आके जागत पाबे; मैं तुम से सांसी कैत आंव, कि बो कमर बान्ध के उन हां भोजन कराबे हां बैठा है, और ऐंगर आन के उन की सेवा कर है।

- प्रेरितन के काम 21:8

दूसरे दिना उते से चलकें हम कैसरिया पोंचे, और फिलिप्पुस सन्देस प्रचारक के घरै जाके जौन सातऊ में से एक हतो, ऊके इते ठहरे।

- रोमियों 15:19

और अद्भुत चिन्हों और आश्चर्य कामन की शक्ति से, और पवित्तर आत्मा के बल सक्ति से मोरे द्वारा करे गए: इते लौ कि मैंने यरूशलेम से लेकेइल्लुरिकुम तक मसीह के भले सन्देसे कौ पूरो पूरो परचार करो।

- इफिसियों 4:11

उन ने कित्तई हां प्रेरित बनाओ, और कित्तई हां अगमवकता, और कित्तई हां बचन सुनाबेवारे, और कित्तई हां रखनवारी करबेवारे और कक्षा लैबेवारे बना दए।

- इफिसियों 4:12

जीसे बिसवास करबेवारे पक्के होबें, और सेवा करी जाबै, और मसीह की देह बढत जाबै।

- कुलुस्सियों 1:25

परमेसुर की मन्सा से मोहां उनकी कलीसिया को काम करबेवारो धरो, और मोहां तुम लौ पठैओ, कि मैं तुम हां उनको पूरो ज्ञान बताओं।

- कुलुस्सियों 4:17

और अर्खिप्पुस से कईयो कि जौन काज में तें लगो आय, बो पिरभू को आय ऊहां बड़ी सोच समझ से करियो।

- 1 थिस्सलुनीकियों 5:6

सो हम दूसरन घांई सोत नईं रैबें, परन्त जागत और चौकन्ने रैबें।

- 1 तीमुथियुस 4:12

कोई तोरी जुआनी हां नेंचो नईं लेखे; परन्त बातचीत, और चाल चलन, प्रेम, और बिसवास करबे में, और पवित्तर जीवन धरबे में मान्सन के काजें नमूना बनो रै।

- 1 तीमुथियुस 4:15

इनई बातन पै ध्यान लगा और सोचत रै, कि सबरन के हेरत तें बढ़त जाबै। अपनी और अपनी बातन जौन तें सिखात आय ध्यान धरै रओ।

- 2 तीमुथियुस 1:8

सो परमेसुर की गवाही से, और मोरे से जो उनके नाओं से जेहल में आंव, लजाईयो न, परन्त मोरे संग्गै सेवा में दुख उठाबे हां तईयार रै।

- 2 तीमुथियुस 2:10

मैं बिसवास धरबेवारन के लाने सब सह रओ कि बे यीशु मसीह में तरन तारन पाबें।

- 2 तीमुथियुस 2:3

यीशु मसीह के अच्छे सिपाही घांई मोरे संग्गै दुख उठाबे हां तईयार हो।

- 2 तीमुथियुस 4:17

प्रभु ने मोरी सहायता करी, और मोहां हिम्मत दई: कि मैं सबरे हार प्रचार करों, की सबरे जनें सुन लेबें; मैं तो मानो नाहर के मों से छूट आओ।

- इब्रानियों 13:17

अपने गुरु जनों की मानो बे तुमाए जीवन हां तकें रैत आंय; कायसे बे परमेसुर हां तुमाए लाने लेखो दै हैं, बे जो काज खुसी से करें, बोझो न समझें, कायसे ऐसी सेवा से तुम हां कोई फायदा न हुईये।

- 1 पतरस 1:13

ई काजें अपनी अपनी बुद्धि की करयाई कस के, और हुसयार रैके ऊ किरिया की पूरी आसा राखो, जौन पिरभु यीशु के उजागर होबे की बेरा तुम हां मिलबेवारो आय।

- यूहन्‍ना के दरसन कौ खुलासा 3:2

जागत रओ, और उन बस्तन हां जो बची रह गईं आंय, और जौन मिटबेवारी हतीं, उन हां पक्को कर; कायसे मैंने तोरे कोई काज हां अपने परमेसुर के ऐंगर पूरो नईं पाओ।