- 2 तीमुथियुस 3:12 - Bundeli Holy Bible

¹² जौन यीशु मसीह के बिसवास में पक्के हुईयें, साजो जीवन जीबो चाहत आंय बे सोई सताए जै हैं।

- 2 तीमुथियुस 3:12 Iomraidhean Croise

- मत्ती 16:24

तब यीशु ने अपने चेलन से कई; अगर कोऊ मोरे पाछें आबो चाहे, तो बो अपने आप हां त्यागे, और अपनो क्रूस उठाके मोरे पछें हो ले।

- मत्ती 23:34

ई लाने हेरो, मैं तुमाए ऐंगरे आगमवकतन और ज्ञानियन और शास्त्रियन हां पठैत आंव; और तुम उन में से कितनन की हत्या कर हौ, और क्रूस पे चढ़ा हौ; और कितनन हां अपने प्रार्थना घरन में कोड़ा मार हौ, और एक नगर से दूसरे नगर खदेड़त फिर हौ।

- मरकुस 10:30

और अब ई बेरा सौ गुनौ न पाए, परलोक में अनन्त जीवन के लाने घर, बहनन, महतारियन और बाल-बच्चन और खेतन को छोड़बो भौत जरूरी आय।

- यूहन्‍ना 16:2

बे तुम हां प्रार्थनाघरन से काड़ दें हैं, बल्कि बा बेरा आ रई आय, कि जो कोऊ तुम हां मार डाल है, बो जान है कि मैं परमेसुर के लाने कर रओ आंव।

- यूहन्‍ना 16:33

जे बातें मैंने तुम से ई लाने कई आंय, कि तुम मोय में सान्ति पाओ; संसार में तुम हां दुख होत आय, परन्त हिम्मत बांधो, मैंने जगत हां जीत लओ आय।

- यूहन्‍ना 17:14

मैंने उन हां तोरो बचन कै दओ आय, और संसार ने ऊहां नईं मानो, कायसे जैसो मैं संसार कौ नईंयां, वैसई बे सोई संसार के नईंयां।

- प्रेरितन के काम 14:22

और चेलन के मन पक्को करत रए कि पक्के बने राबें, जौ कह के हिम्मत बंधात रए; हम हां बिलात दुख पीड़ा उठाके परमेसुर के राज में जाने आय।

- पैली कुरिन्थियों 15:19

जदि हम अकेले अबई जीयत भए मसीह सें आसा राखत आंय, तो हम सबरे मान्सन से अभागे आंय।

- दूसरी कुरिन्थियों 1:12

कायसे हम अपने हिये की जा बात मानत आंय, कि और ऊ पै बड़वाई करत आंय, कि संसार में और तुमाए बीच हमाई चाल परमेसुर को भाबेवारी पवित्तर और सांची हती, और ऐसो संसार के ज्ञान से नोंई, अकेले परमेसुर की दया से भई।

- दूसरी कुरिन्थियों 4:9

परेसान तो होत आंय; अकेले बिसराय नईं जात; पटके तो जात आंय, अकेले मिटत नईंयां।

- 1 तीमुथियुस 2:2

राजन और सबरे जौन ऊंचे पदवारे आंय कि बे भजन भक्ति के साथ अपनो जीवन संभल के जीएं।

- 1 तीमुथियुस 3:16

धरम को भेद बड़ो आय ईको ध्यान धरियो; बो सरीर में होकें संसार में आओ जा बात आत्मा ने बताई, और सरगदूतन ने संसार मैं ईको परचार करो, मान्सन ने ऊ पै बिसवास करो और बो सरग पै उठा लओ गओ।

- 1 तीमुथियुस 6:3

जदि कोऊ और परकार कौ उपदेस देत आय; और साजी बातन हां, माने हमाए पिरभू यीशु मसीह की बातन को और ऊ उपदेस को नईं मानत, जो भक्ति के अनसार आय।

- तीतुस 1:1

पौलुस ने लिखी जा चिठिया जौन परमेसुर को चाकर और यीशु मसीह कौ प्रेरित आय, जीहां परमेसुर नबेरे जनन के बिसवास, और जीने सांची बातन हां चीनो आय।

- तीतुस 2:12

बे हम हां चितात आंय, कि हम अधरम और संसार की लुभाबेवारी बातन से चित्त फेर के ई जुग में अपने हां बस में राख के धरम करम से चलबें।

- यहोशू 17:14

यूसुफ की संतान यहोशू सें कैन लगी, “हम तौ गिनती में मुतके आंय, कायसे अब लौ यहोवा परमेसुर हमें आसीस ही देत आओ आय, फिन तेंने हमाए हींसा के लाने चिठिया डालकें काए एकई हींसा दओ आय?”

- 1 पतरस 3:14

और जदि तुम धरम के काजें पीड़ा सोई भोगो, तो धन्न आव; पर उन के डराबे से न डरो, और न घबराओ।

- 2 पतरस 3:11

जब जे सबई बस्तें, ई भांत से नास होबेवारी आंय, तो तुम हां पवित्तर चालचलन और भक्ती में कैसो जीवन गुजारो चईये।

- यूहन्‍ना के दरसन कौ खुलासा 12:4

और ऊ ने अपनी पूंछ से आकास के तारों में से एक तिहाई खींच के धरती पै डाल दए, और बो अजगर ऊ बईयर जौन के बच्चा होने हतो, ऊके सामूं ठांड़ो हो गओ, कि जब ऊ को बच्चा होबै तो ऊहां निगल जाए।

- यूहन्‍ना के दरसन कौ खुलासा 7:14

मैंने उन से कई; हे मालक, तुम तो जानत आव: ऊ ने मोसे कई; कि जे बे आंय, जो ऊ बड़े दुख उठा के निकले आंय; और इन ने अपने उन्ना मेमने के रकत से धोके उजरे करे आंय।