- 2 तीमुथियुस 2:21 - Bundeli Holy Bible

²¹ जौन कोनऊं अपने हां इन बचनन से साजो राख है, तो ऊको आदर हुईये; और बो जनो मालक के काम आहै, और भले कामन में लगो रै है।

- 2 तीमुथियुस 2:21 Iomraidhean Croise

- प्रेरितन के काम 9:15

पर पिरभु ने ऊसे कओ, तें चलो जा; कायसे बो दूसरी जातवारन के लाने और राजाओं, और इस्राएलियन के सामूं मोरो नाओं परचार करबे और उजागर करबे हां मोरो नबेरो भओ जन आय।

- पैली कुरिन्थियों 5:7

पुराने खमीर हां काड़ डालो, और तुम साजे कड़ आओ: और साजो मड़ो भओ चून बनो: कि तुम में खमीर न रैबे, कायसे हमाओ फसह जौन मसीह आय, हमाए लाने बलदान भओ आय।

- दूसरी कुरिन्थियों 7:1

सो प्यारो जब जे बचन हम हां मिले, तो हम अपनी देह और आत्मा की सबरी गंदगी हां धो डालें, और मन में परमेसुर को भय मानें और पवित्तर हो जाबें।

- दूसरी कुरिन्थियों 9:8

परमेसुर सब प्रकार की दया तुम पे कर है, जीसे हर बात में हर समय पै, जो कछु तुमें चानें, बो सब तुम पे बिलात रैबे, और भले काज के लाने तुम लौ बिलात होबे।

- इफिसियों 2:10

कायसे उन ने हम हां बनाओ आय; और मसीह यीशु में अच्छे पुन्य के काम करबे के लाने परमेसुर ने पेंला से हमाए लाने धरो होबे।

- 1 तीमुथियुस 6:11

पर हे परमेसुर के जन, तें इन बातन से भाग; और धरम, भक्ति, बिसवास, प्रेम, धीरज और नम्रता कौ पीछा कर।

- 2 तीमुथियुस 2:16

गन्दे बतकाव से दूर बनो रै; कायसे ऐसे जनें जो बुरओ बोलत हैं सो परमेसुर से और दूर होत जात आंय।

- 2 तीमुथियुस 2:20

बड़े लोगन के घर में सोने-चांदी केई बासन नईं, परन्त माटी और लकड़िया के बासन सोई होत आंय; कोऊ को आदर धरो जात आय, और कोनऊं को नईं।

- 2 तीमुथियुस 3:17

जीसे परमेसुर को मानबेवारो साजो बने, और भले काज करबे हां तैयार रैबे।

- 2 तीमुथियुस 4:11

लूका मोरे संग्गै बनो आय: मरकुस हां संग्गै लैके मो लौ चलो आ; कायसे सेवा के काज में ऊ बड़े काम को आय।

- तीतुस 3:1

मान्सन हां चिताओ, कि हाकम और मालकन की कई करौ, और उन की कई मानो, और कोनऊ भलो काम होबै तो ऊहां मन से करौ।

- तीतुस 3:14

हमाए जनें हां सोई जौन बस्त चाने होबै ऊहां दैबे में पाछें न रैबें।

- तीतुस 3:8

जे बातें सांची आंय, और मोरी जा चाहना आय, कि तें इन बातन हां खुल के बताए कि जीने परमेसुर पै बिसवास धरो आय, बे भले कामन में लगे रैबें, कायसे जे बातें बढ़िया और मान्सन के भले की आंय।

- 1 पतरस 1:22

सो जब तुम ने भाईचारे की निश्चल प्रीति के लाने सत्य के मानबे से अपने हियन हां पवित्तर करो आय, तो तन मन लगा के एक दूजे से अधक प्रेम करो।

- 1 पतरस 1:7

जौ ई लाने आय कि तुमाओ परखो भओ बिसवास, जौन आग से तपाए भए नास होबेवारे सोने से सोई कछु बिलात मोल कौ आय, यीशु मसीह के उजागर होबे पे बड़वाई, मईमां और आदर कौ काज ठैरे।

- 1 यूहन्‍ना 3:3

जिन हां प्रभु यीशु मसीह ऐसी आस आय, बे उन जैसे पवित्तर रैत आंय।