- 2 तीमुथियुस 1:9 - Bundeli Holy Bible

⁹ जीने हमाओ तरन तारन करो, और हम हां अपनौ बना लओ, जौ हमाए पुण्य के कामन से नईंयां; परन्त परमेसुर की दया से भओ आय।

- 2 तीमुथियुस 1:9 Iomraidhean Croise

- मत्ती 1:21

बो पूत हां जन्म दै है और तें ऊकौ नाओं यीशु धरियो; कायसे बे अपने लोगन हां उन के पापन से छुड़ै है।

- लूका 10:21

ओई बेरा यीशु पवितर आत्मा में होकें खुसी से भर गओ, और कैन लगो; हे बाप, सरग और संसार के पिरभु, मैं तोरो धन्नवाद करत आंव, कि तेंने जे बातें बुद्धिमानों और समजवारन से लुका रखीं, और बच्चन पे उजागर करी आंय, हओ, हे बाप, कायसे तोहां जौई साजो लगो।

- यूहन्‍ना 17:24

हे बाप, मोरी चाहना आय कि जिन हां तेंने मोय दओ आय, जिते मैं आंव, उते सोई मोरे संग्गै रएं कि बे मोरी ऊ महिमा हों तक सकें, जीहां तेंने मोय दई आय, कायसे तेंने संसार के जन्म से पेंला मोय से प्रेम करो।

- यूहन्‍ना 17:9

मैं उन के लाने बिनती करत आंव, जगत के लाने बिनती नईं करत आंव परन्त उन के लाने जिन हां तेंने मोय दओ आय, कायसे बे तोरे आंय।

- यूहन्‍ना 6:37

जो कछु बाप मोय देत आय, बो सब मोरे ऐंगर आ है, और जो कोऊ मोरे ऐंगर आ है, मैं ऊहां कभऊं बायरें नईं काड़ हों।

- प्रेरितन के काम 15:18

जौ ओई प्रभु कहात आय, जौन पुराने जमाने से इन बातन हां दरसात आओ आय।

- प्रेरितन के काम 2:47

और परमेसुर की भक्ति करत हते, और सब जने उन से खुस हते: और जो उद्धार पात हते, उनको प्रभु रोजीना उन में मिला देत हतो।

- रोमियों 11:14

जीसे कोऊ भांत से अपने नातेदारन में जलन पैदा करवा के उन में से कैऊ अन कौ उद्धार करवाओं।

- रोमियों 11:29

कायसे परमेसुर के बरदान और बुलाहट अटल आंय।

- रोमियों 16:25

अब जौन तुम हां मोरे भले सन्देसे मानो कि यीशु मसीह के सन्देसे के परचार के अनसार पक्को कर सकत आय, ऊ भेद के प्रकाश के अनसार जौन हमेसा से लुको रओ।

- रोमियों 3:20

कायसे नैम व्यवस्था के अनसार चलबे से कोऊ प्रानी ऊके सामूं धरमी न ठैर है, ई लाने कि नैम व्यवस्था के द्वारा पाप की पहिचान होत आय।

- रोमियों 9:11

और अब लौ न तो लरका जन्मे हते, और न उन ने कछु भलो या बुरओ करो हतो ऊ ने कओ, जेठो लरका लौरे कौ चाकर हुईये।

- रोमियों 9:24

जाने कि हम पे जिन हां ऊ ने अकेले यहूदियन में से नईं, पर दूसरी जातन में से सोई बुलाओ।

- पैली कुरिन्थियों 1:18

कायसे क्रूस की गाथा जौन नास होबेवारे आंय उन के लाने मूरखन की किस्सा कहानी आय, परन्त हम तरन तारन पाबेवारन हां परमेसुर की बल सकती आय।

- इफिसियों 1:11

ओई में हम सोई उन की मरजी से जौन अपनी मरजी से सब कछु करत आंय, पेंला से नबेरे जाके हक्कदार भए।

- इफिसियों 1:9

उन ने अपनी मरजी को लुको भेद हम हां अपने विचार से बताओ जीहां उन ने अपने मन में ठानो हतो।

- इफिसियों 2:5

जब हम अपने बुरए कामन में मरे जैसे हते, तब हम हां मरे भयन में से जिलाओ; (दया से तुमाओ तरन तारन भओ आय)।

- इफिसियों 3:11

ऊ पुरानी मन्सा से जौन उन ने हमाए पिरभू यीशु मसीह में करी हती।

- फिलिप्पियों 3:14

मैं आगे हां निसाने पै पहुंचबे हां बढ़ो चलो जात आंव, कि ऊ इनाम पाओं, जीके काजें पिरभू ने मोहां बुलाओ आय कि मोहां सरग पौचाबे।

- 1 थिस्सलुनीकियों 4:7

कायसे परमेसुर जौ चाहत आय, हम बुरय काम न करें परन्त साजे बने रैबें।

- 1 तीमुथियुस 1:1

पौलुस ने लिखी जौन तरन तारन करबेवारे परमेसुर, और हमाई आसा जौन यीशु मसीह में आय उनकी अग्या से प्रभु यीशु मसीह के सेवक आंय, तीमुथियुस हां जौन मोरो भलो लरका आय।

- 2 तीमुथियुस 1:1

पौलुस ने लिखी जीने यीशु मसीह पै बैकुण्ठ के लाने बिसवास करो और जौन परमेसुर की मरजी से यीशु मसीह के प्रेरित आंय।

- तीतुस 1:2

अनन्‍तकाल लौ जीयत रैबे की आस से करी, जीके लाने परमेसुर ने कई जौन लाबरी नईं कैत।

- इब्रानियों 3:1

सो भईया हरौ, तुम सब उनके जनें आव, और यीशु मसीह हां जौन प्रेरित और हमाए महायाजक आएं ध्यान धरौ।

- 1 पतरस 1:20

ऊकौ ज्ञान तो संसार के होबे से पेंलई से जानो गओ हतो, पर ई आखीर जुग में तुमाए लाने उजागर भओ।

- 1 पतरस 2:9

पर तुम एक नबेरो भओ वंस, और राजपद अधकारी, याजकन कौ समाज, और पवित्तर लोग, और पवित्तर मान्स और परमेसुर की निज परजा आव, ई लाने कि जीने तुम हां अंधयारे में से अपनी जोत में बुलाओ आय, ऊके गुण परगट करो।

- यूहन्‍ना के दरसन कौ खुलासा 13:8

और धरती के बे सब रैबेवारे जिन के नाओं ऊ मेमने की जीवन की पोथी में नईं गए, जो संसार की रचना की बेरा से घात भओ आय, ऊ जनावर की पूजा कर हैं।

- यूहन्‍ना के दरसन कौ खुलासा 17:8

जो जनावर तेंने तको आय, जो पेंला तो हतो, परन्त अब नईयां, जो बिलात गैरे कुण्ड में से कड़ है और विनाश में पड़ है। और धरती के रैबेवारे मान्स जिनके नाओं पेंला से जीवन की पोथी में नईं लिखे गए, ई जनावर की जा हालत तक के, कि पेंला हतो, और अब नईंयां; और अब फिन आ जा है, अजूबा मान हैं।