- 2 पतरस 2:3 - Bundeli Holy Bible

³ बे लालच में आके लबरी बातें बना हैं और तुम हां अपने फायदा कौ कारन बना हैं, दण्ड़ कौ हुकम जो उन पे पेंला से हो चुको आय, और ऊके आबे में देर नईंयां, उन कौ नास झट्टई होबेवारो आय।

- 2 पतरस 2:3 Iomraidhean Croise

- मत्ती 23:14

हे ढोंगी शास्त्रियो और फरीसियो तुम पे श्राप! कायसे दिखाबे के लाने देरी लों प्रार्थना करत भए भी तुम बिधवाओं के घरन हां खा जात आव, ई लाने तुम हां भारी दण्ड मिल है।

- लूका 18:8

मैं तुम से कैत आंव; बो तुरतईं उन कौ न्याव चुका है; फिन भी जब मान्स कौ पूत आ है, तो का बो धरती में बिसवास पा है?

- लूका 20:20

और बे औरें यीशु की ताक में लगे रए और उन ने कछु भेदिए पठैय, कि धरम कौ भेस धरके ऊ की कोऊ न कोऊ बात पकड़ें, जी से यीशु हां राजपाल हां सौंपे।

- लूका 22:47

यीशु जौ कैई रओ हतो, कि तको एक भीड़ आई, और उन बारहों में से एक जी कौ नाओं यहूदा हतो उन के आंगू आंगू आ रओ हतो, बो यीशु के ऐंगर आओ, कि ऊकौ चूमा ले।

- यूहन्‍ना 2:16

और ऊ ने परेबा बेंचबेवालन से कई; इन हां इते से लै जाओ, मोरे बाप के घर हां हाट कौ घर नईं बनाओ।

- रोमियों 16:18

कायसे ऐसे मान्स हमाए पिरभु यीशु मसीह की नईं, पर अपने पेट की सेवा करत आंय; और चिकनी चुपड़ी बातन से सूदे सादे मन के मान्सन हां बहका देत आंय।

- दूसरी कुरिन्थियों 2:17

कायसे हम बिलात जनों जैसे नईंयां, जौन परमेसुर की बातन में कछु दूसरी बातें जोड़ देत आंय; अकेले हिये से, परमेसुर की बातें परमेसुर हां मानो सजीव देखत मसीह में कैत आंय।

- 1 थिस्सलुनीकियों 2:5

तुम हां पता आय, कि हम ने कभऊं लुभाबे की झूटी बात नईं करी, और न कछु चाहना से काम करो, परमेसुर जानत आय।

- 1 थिस्सलुनीकियों 5:3

जब मान्स कैत रै है, कि मजा मौज आय, और कछु डर नईयां, तो बरबादी को दिना एका एक आ जै है, जैसे एक गरभवती बईयर हां पिराबो होत आय; और बे न बच हैं।

- 1 तीमुथियुस 3:3

पीबेवारो और मारपीट करबेवारो न होबै; बात करबे में अच्छो, झगड़ा करबेवारो, और लोभ करबेवारो न होबै।

- 1 तीमुथियुस 3:8

ऊंसई सेवकों को सोई गंभीर मान्स होओ चईये, बो दोरंगी, और पीबेवारो न होबै, और घूस लेबेवारो जन न होबै।

- 1 तीमुथियुस 6:5

और उन मान्सन में बेकार के झगड़ा पैदा होत आंय, जिन की मती बिगड़ गई आय और बे सत्य से अलग हो गए आंय, जो समझत आंय कि भक्ति कमाई कौ दोरो आय।

- तीतुस 1:11

उनकौ मों बन्द करो चईये, जे औरें पईसा ऐंठबे हां बुरई बातें बताके घर के घर बिगाड़त आंय।

- तीतुस 1:7

कायसे मुखिया हां परमेसुर के काम करने आंय; बो बिनखोट, हटी और खुन्सयाबेवारो, न पीबेवारो और न मारपीट करबेवारो और घूस लैबेवारो न होबै।

- 1 पतरस 2:8

बो उपटा लगबे कौ पथरा और ठोकर खाबे की चट्टान हो गओ आय, कायसे बे तो बचन को न मानके चोट खात आंय और ऐई के लाने बे ठैराए सोई गए हते।

- 1 पतरस 5:2

परमेसुर के ऊ झुण्ड की, जौन तुमाए मजारें आंय रखनवारी करो; जौ काम दबाव से नईं, परन्त परमेसुर की मनसा अनसार खुसी से, और ओछी कमाई के लाने नईं, पर मन लगा के करो।

- 2 पतरस 1:16

जब हम ने तुम हां अपने पिरभु यीशु मसीह की बलसकती कौ, और उनके आबे को संदेसो दओ तो हम ने चतुराई से गढ़े भए किस्सा की नकल नईं करी हती, पर हम ने खुद यीशु के जस हां तको हतो।

- 2 पतरस 2:1

जौन भांत उन मान्सन में लबरे आगमवकता हते ओई भांत तुम में सोई लबरे परचारक हुईयें, जौन नास करबेवारे पाखंड कौ उद्घाटन लुके लुके कर हैं, बे अपने ऊ मालक को जीने उन हां मोल लओ आय मैट दें हैं, और अपने आप हां भारी नास की गैराई में डार दें हैं।

- 2 पतरस 2:9

सो पिरभु भक्तन हां परीक्षा में से काड़ लैबो और अधरमी जन हां न्याय के दिना लौ दण्ड़ की दसा में धरबो सोई जानत आय।

- यहूदा 1:11

उन पे श्राप पड़े, कायसे बे कैन जैसी चाल चले, और तनक से पईसन के लाने बिलाम जैसे कुटे भए, और कोरह के जैसो बिरोध करके मारे गए।

- यहूदा 1:15

और बो सबरे मान्सन को न्याव कर है, और सब बुरे काम करबे और हमाए लाने बुरी बातें कैबे वारन हां दोषी ठहराएं।

- यहूदा 1:16

इनहां कोऊ बात में संतोस नईंयां, जे कुड़कुड़ात, और अपनी बुरई मन्सा से काम करत आंय; और बिलात बड़वाई की बातें करत आंय; और फायदे के लाने मों पै मान्सन की बड़वाई करत आंय।

- यहूदा 1:4

कायसे कछु जनें चुपके से हमाए संग्गै जुड़ गए आंय, जिन हां पैले से लिखो आय कि उन हां दण्ड दओ जाबै, कायसे बे सच्चे नईयां, और परमेसुर की दया हां छोड़ बुरय कामन में लगे रैत आंय, और हमाए महाबली मालक और पिरभु यीशु मसीह हां नईं मानत।

- यहूदा 1:7

जैसे सदोम और अमोरा और उनके ऐंगर के नगर, परमेसुर हां छोड़ के दूसरे हां मानन लगे हते और परतिरिया के पाछें पड़े हते, उन हां आग में बार दओ हम उन से सीख लेबें।