- 1 तीमुथियुस 6:2 - Bundeli Holy Bible

² और जिन के मालक बिसवासी आंय, इन हां बे भईया होबे के कारन तुच्छ न जानें; बल्कि उन की और भी सेवा करें, कायसे ईसे लाभ उठाबेवारे बिसवासी और प्रेमी आंय: इन बातन के लाने उपदेस करियो और समझात रहियो।

- 1 तीमुथियुस 6:2 Iomraidhean Croise

- मत्ती 23:8

पर तुम गुरू न कहलाईयो; कायसे तुमाओ एकई गुरू आय: और तुम सब भईया आव।

- मत्ती 25:40

तब राजा उन हां उत्तर दै है, मैं तुम से सांची कहत आंव, कि जौन कछु तुम ने मोरे इन हल्के भईयन में से कोऊ एक के संग्गै करो, बो मोरे संग्गै करो।

- मत्ती 6:24

कोऊ मान्स दो मालकन की चाकरी नईं कर सकत, कायसे बो एक से बैर और दूसरे से प्रेम रख है, या एक से मिलो रै है और दूसरे हां नैचों जान है; “तुम परमेसुर और धन दोई की भक्ति नईं कर सकत”।

- प्रेरितन के काम 1:15

और उनई दिना में पतरस भईयन के संग्गै जौन एक सौ बीस के लगभग इकट्ठे जुड़े हते, ठांड़ो होकें कैन लगो।

- रोमियों 11:17

पर जदि कछु डालें कतर दईं गईं, और तें जौन जंगली जैतून आय ऊ में सांटो गओ, और असली जैतून की जड़ की चिकनाई को हींसावारो बनो आय।

- रोमियों 8:29

कायसे जिन हां ऊ ने पेंला से जान लओ आय, उन हां ऊ ने पेंला से ठैराओ आय, कि ऊके पुत्तर के समान होबें, जीसे ऊ बिलात भईयन में पैलोठो ठैरे।

- गलतियों 5:6

मसीह यीशु में न खतनावारो और न बिना खतनावारो कछु काम के आंय, अकेले जौन प्रेम से काम करत आय।

- इफिसियों 1:1

पौलुस की लिखी जौन परमेसुर की मरजी से यीशु मसीह कौ प्रेरित आए, सबरे पवित्तर और जौन यीशु मसीह पै बिसवास करत इफिसुस में आंय।

- इफिसियों 1:15

ऐई से मैं सोई बिसवास करबे लाक बचन सुनके जौन तुम में पिरभू यीशु में आय, और तुमाए प्रेम से सभन हां पता आय।

- इफिसियों 3:6

कि मसीह यीशु में बचन सुनके अन्यजाति लोग सोई मिलबेवारे हक्क में सोंजिया हुईयें, और एकई देह और प्रतिज्ञा के संग्गी हुईयें।

- कुलुस्सियों 1:2

उन सबरे लोगन हां जौन यीशु मसीह में पवित्तर करे जाके उन पै बिसवास ले आए सबरे भाईयन हां जौन कुलुस्से नगर में रैत आंय। हमाए पिता परमेसुर से तुम सब हां दया और सान्ति मिले।

- कुलुस्सियों 1:4

कायसे हमाए सुनबे में आओ आय, कि यीशु मसीह पै तुम ने बिसवास धरो आय, और सबरे जात भाईयन से प्रेम करत आव।

- कुलुस्सियों 4:1

ऐ मालिको, अपने चाकरन पै बेजा न करो, ध्यान धरो कि सरग में तुमाओ मालिक रैत आय।

- 2 थिस्सलुनीकियों 1:3

भईया हरौ, तुमाए लाने हम हां परमेसुर को धन्न मानो चईये, और जौ सांचो आय कि तुमाओ पिरभू पै बिसवास बढ़त जात आय, और तुम एक दूजे से खीब प्रेम करत आव।

- 1 तीमुथियुस 4:11

सो चईये के तें इन बातन हां मानबे को जोर डाले, और इन बातन हां बतात रै।

- 1 तीमुथियुस 5:1

कोई बूढ़े जने हां न डांटिये; परन्त बाप समझ के समझा दईये, और जुआनन हां भईया सोच के, और बूढ़ियन हां मताई सोच के।

- तीतुस 2:1

तें साफ साफ कहें गए, जौन साजी बातें आंय।

- तीतुस 2:15

तें पूरे हक्क से इन बातन हां समझा, और सिखा दे कि कोई तोपे उंगरिया न उठा पाबै।

- तीतुस 3:8

जे बातें सांची आंय, और मोरी जा चाहना आय, कि तें इन बातन हां खुल के बताए कि जीने परमेसुर पै बिसवास धरो आय, बे भले कामन में लगे रैबें, कायसे जे बातें बढ़िया और मान्सन के भले की आंय।

- इब्रानियों 3:1

सो भईया हरौ, तुम सब उनके जनें आव, और यीशु मसीह हां जौन प्रेरित और हमाए महायाजक आएं ध्यान धरौ।

- इब्रानियों 3:14

जब से हम ने पिरभू यीशु मसीह से मन लगाओ, उनईं बातन पै बने रओ चईये।

- 1 पतरस 5:1

तुम में जौन धार्मिक बूढ़े आंय, मैं उनईं घांई धार्मिक बूढ़ों और मसीह की पीड़ाओं को गवाय और उजागर होबेवारी मईमां में संगसाथी होकें जा विनय करत आंव।

- 2 पतरस 2:10

सब से बढ़ के उन हां जौन बुरई बासनाओं के बस में होकें देयां के अनसार निंगत, और पिरभु के राज हां ओछो जानत आंय; बे ढीठ, और हठी आंय, और ऊंचे पद वारन हां बुरो भलो कैबे से नईं डरात।

- यहूदा 1:8

ऊंसई जे सर्रोटीवारे जो अपनी देह हां अशुद्ध करबेवारे, और अपने से बड़ों हां बुरऔ कैत आंय।