- 1 तीमुथियुस 5:5 - Bundeli Holy Bible

⁵ जौन सांचई बिधवा होबै, और उनको और कोई न होबै; बे केवल परमेसुर के आसरे होबें, और रात दिना बिन्तवाई करबे में लगी रैबें।

- 1 तीमुथियुस 5:5 Iomraidhean Croise

- लूका 18:1

फिन यीशु ने ई के बारे में कि लगातार बिन्तवाई करो और हियाव न छोड़ो चाहिये उन से जा कनौत कई।

- लूका 18:7

सो का परमेसुर अपने नबेरे भय कौ न्याव न चुका है, जौन रात दिना ऊ की दुहाई देत रैत आंय, और का बो उन के बारे में अबेर कर है?

- लूका 2:37

बा चौरासी बरस से बिधवा हती: और मन्दर हां न छोड़त हती पर उपवास और बिन्तवाई कर दिन रात भजन भक्ति करत हती।

- प्रेरितन के काम 26:7

हमाए बारह गोत्र ई प्रतिज्ञा कौ फल पाबे की आस लगाए भए, जोस के संग रात दिना परमेसुर कौ काज करत आंय, और हे राजन, ऐई आस के बारे में यहूदी मोय पे दोस लगात आंय।

- प्रेरितन के काम 6:1

उन दिना में जब चेलन की गिनती कुल्ल बढ़न लगी, तब यूनानी भाषा बोलबेवारे इब्रानी भाषा बोलबेवारन पे कुड़कुड़ऊन लगे, कि रोज रोज की सेवकाई में हमाई बिधवाओं की सुधि नईं लई जात।

- प्रेरितन के काम 9:39

तब पतरस उठके उन के संग्गै हो लओ, और जब ऊ पोंचो, तो बे ऊहां ऊ अटारी पे ले गए; सबरी बिधवाएं रोत भईं ऊके ऐंगर आ ठांड़ी भईं: और जौन कुरता और उन्ना दोरकास ने उन के संग्गै रैत भए बनाए हते, दिखान लगीं।

- प्रेरितन के काम 9:41

पतरस ने हाथ दे ऊहां उठाओ, और पवित्तर मान्सन और बिधवाओं हां बुलाके ऊ ए जीयत दिखा दओ।

- रोमियों 1:12

जब मैं तुमाए सग्ंगै रओ तो हम ऊ बिसवास से जौन मोय है, और तुम में सोई आय, एक दूसरे से आसीस पाएं।

- रोमियों 1:5

ओई से हम हां दया और भले सन्देस प्रचार करबे मिलो; कि ऊके नाओं से सबरी जातन के मान्स बिसवास कर के ऊ की मानें।

- पैली कुरिन्थियों 7:32

सो मैं जौ चाहत आंव, कि तुम बिलात न सोचो: जीकौ ब्याओ नईं भओ बो मान्स पिरभु की बातन के सोच में रैत आय, कि पिरभु हां कैसे खुस राखै।

- पैली कुरिन्थियों 7:34

ब्याओवारी और बिना ब्याओवारी में सोई भेद आय: बिना ब्याओवारी पिरभु के सोच में रैत आय, कि बो देयां और आत्मा दोईयन में पवित्तर होबै, परन्त ब्याओवारी संसार के सोच में रैत आय, कि अपने मन्सेलु हां खुस राखै।

- इफिसियों 6:18

और सबरी बेरा मन से बिन्तवारी करत रओ, सो जगत रओ, और सब तरन तारन पाए भईयन के लाने बिन्तवारी करत रओ।

- फिलिप्पियों 4:6

कोई बात की चाहना न करो: परन्त हर एक बात में अपनी बिनती धन्न मान के परमेसुर से करो।

- 1 तीमुथियुस 2:1

सबसे पेंला मोरो कैबो जौ आय, कि तुम सबरे मान्सन के काजें, बिन्तवारी मांगबो और धन्न मानो।

- 1 तीमुथियुस 5:16

कोई बिसवासी बहन लौ कछु बिधवाएं रैत होबें, तो बा उन की देखभाल करै, कि मण्डली पै खरचा न बैठे, और बा बहन ऐसी बिधवाओं की मदद करे।

- 1 तीमुथियुस 5:3

जौन सांचई बिधवा हो गई हो उनको मान करियो।

- 2 तीमुथियुस 1:3

मैं अपने परमेसुर की सेवा अपने बड़े बूढ़न की रीत से साजे विवेक से करत आंव, और उनकी दया से तुमाए काजें बिन्तवारी करत आंव।

- 1 पतरस 3:5

और पेंला के टैम की पवित्तर बईयरें सोई, जौन परमेसुर पे आसा राखत हतीं, अपने आप हां ऐई भांत से संवारती और अपने मन्सेलू की अग्यां में रैत हतीं।