- 1 तीमुथियुस 5:10 - Bundeli Holy Bible

¹⁰ और साजो काम करबेवारी रई होबै, जीने अपने लरका वारन हां ठीक से पालो होबै; पाहुरन की सेवा खुसामद करी होबै, पपित्तर जनन के गोड़े धोय होबें, और दुखियन की मदद करी होबै, और अच्छे कामन में मन से लगी रई होबै।

- 1 तीमुथियुस 5:10 Iomraidhean Croise

- उत्पत्ति 18:4

मैं थोड़ो सो पानूं लात आंव, और आप औरें गोड़े धोकें ई पेड़ के तरें आराम करें।

- उत्पत्ति 19:2

“हे मोरे स्‍वामियो, अपने दास के घरै पधारो, और रात भर आराम करियो, और अपने गोड़े धो लईयो, फिन भुन्‍सारे उठकें अपनी गैल हों चले जईयो।” उनोंरन ने कई, “नईं; हम चौगड्डा मेंई रात बिताहें।”

- उत्पत्ति 24:32

तब ऊ मान्‍स घर गओ; और लाबान ने ऊंटों की काठियां खोलकें उनहों पुआल और चारा दओ, और ऊके और ऊके संगियन के गोड़े धोबे के लाने पानूं दओ।

- उत्पत्ति 43:24

तब ऊ मान्‍स ने उनोंरन हों यूसुफ के घरै लै जाकें पानूं दओ, तब उनोंरन ने अपने गोड़ों हों धोओ; फिन ऊने उनके गधों के लाने चारा दओ।

- मत्ती 25:17

ऐई तरहां जीहां दो रुपईया मिले हते, ऊने सोई दो और कमाए।

- मत्ती 5:16

तुमाओ उजयारो मान्सन के सामूं ई तरहां चमके, कि बे तुमाए भले कामन हां हेर के तुमाए बाप की, जो स्वर्ग में है, गुनगान करें।

- लूका 7:38

ऊके गोड़न के ऐंगर, बो रोत भई, पाछूं ठांड़ी होकें ऊके गोड़न हां अंसुअन से भिगोन लगी, और अपने मूड़ के बाल से पोंछन लगी और ऊके गोड़े बेर-बेर चूम के उन पे इत्र मलो।

- लूका 7:44

और ऊ बईयर कुदाऊं फिर के यीशु ने शमौन से कओ; का तें ई बईयर हां तकत आय? मैं तोरे घर में आओ पर तेंने मोय गोड़े धोबे हां पानू नईं दओ, पर ईने मोरे गोड़े अंसुअन से भिंजाए, और अपने बालों से पोंछो!

- प्रेरितन के काम 10:22

उन ने उत्तर दओ; कुरनेलियुस सूबेदार जौन धरमी और परमेसुर से डराबेवारो आय और सबरी यहूदी जात में सुनाम मान्स आय, ऊ ने पवित्तर सरगदूत से जौ हुकम पाओ आय, कि तोय अपने घर बुला के तोसे बचन सुने।

- प्रेरितन के काम 22:12

तब हनन्याह नाओं के एक मान्स, जौन रीतियन के अनसार भक्त और उते रहबेवाले सब यहूदियन में नामी हतो।

- प्रेरितन के काम 6:3

ई लाने हे भईया हरौ, अपने में से सात नामी मान्सन हां जौन पवित्तर आत्मा और समझदारी से भरे होबें, नबेर लेओ, कि हम उन हां ई काम पे ठैरा देबें।

- प्रेरितन के काम 9:36

याफा में तबीता जाने के दोरकास नाओं की एक बिसवासिनी रैत हती, बा कुल्ल भले भले काम और दान दओ करत हती।

- प्रेरितन के काम 9:39

तब पतरस उठके उन के संग्गै हो लओ, और जब ऊ पोंचो, तो बे ऊहां ऊ अटारी पे ले गए; सबरी बिधवाएं रोत भईं ऊके ऐंगर आ ठांड़ी भईं: और जौन कुरता और उन्ना दोरकास ने उन के संग्गै रैत भए बनाए हते, दिखान लगीं।

- रोमियों 12:13

पवित्तर मान्सन हां जौन कछु घटी होबे, ऊ में उन की सहायता करो; पहुनाई करबे में लगे रओ।

- इफिसियों 2:10

कायसे उन ने हम हां बनाओ आय; और मसीह यीशु में अच्छे पुन्य के काम करबे के लाने परमेसुर ने पेंला से हमाए लाने धरो होबे।

- कुलुस्सियों 1:10

कि तुमाई चाल पिरभू हां अच्छी लगे, और बे सबरी बातन से खुस होबें, और तुमाए काज भले होबें, और परमेसुर के काज में बढ़त चलो।

- 1 तीमुथियुस 2:10

कायसे परमेसुर को भजन भक्ति करबेवारी बईयरन हां जौई अच्छो लगत आय।

- 1 तीमुथियुस 3:2

सो मुखिया बिन दोसवारो एकई बईयर को मुन्स, संयमी, अपने हां बस में रखबेवारो, सीधो, अच्छो, पहुनाई करबेवारो, और सिखाबे में अच्छो होबै।

- 1 तीमुथियुस 3:7

और बायरें के मान्सन में ऊ को अच्छो नाओं होबै। ऐसो न होबै बो शैतान के जाल में फंसके बदनाम होबै।

- 1 तीमुथियुस 5:16

कोई बिसवासी बहन लौ कछु बिधवाएं रैत होबें, तो बा उन की देखभाल करै, कि मण्डली पै खरचा न बैठे, और बा बहन ऐसी बिधवाओं की मदद करे।

- 1 तीमुथियुस 5:25

एैसई कछु जनन के अच्छे काज झट दिखात आंय, और दूसरन के कैसऊ लुके छुपे नईं रै सकत।

- 1 तीमुथियुस 6:18

और भलाई करें, और अच्छे कामन में धनी बनें; और उदार और मदद के लाने तईयार रैबें।

- 2 तीमुथियुस 1:5

मोहां याद आत आय, कि तोरी नानी लोइस, और तोरी मताई योनीके अपने बिसवास में पक्के हते, और मोहां पता आय, कि तें सोई उन जैसो आय।

- 2 तीमुथियुस 2:21

जौन कोनऊं अपने हां इन बचनन से साजो राख है, तो ऊको आदर हुईये; और बो जनो मालक के काम आहै, और भले कामन में लगो रै है।

- 2 तीमुथियुस 3:15

तें तो बालकपन से पवित्र शास्त्र की बातन हां जानत आय, जिनके मानबे से तोरो तरन तारन होत आय, और तें और होसयार हो जै है।

- 2 तीमुथियुस 3:17

जीसे परमेसुर को मानबेवारो साजो बने, और भले काज करबे हां तैयार रैबे।

- तीतुस 2:14

उन ने अपने आप अपनो बलदान करो, कि हम हां सबरे पापन से दूर करबें, और हम हां साजो कर के ऐसे बनाबें जौन धरम के काज में लगे होबें।

- तीतुस 2:7

सबरे काम ऐसे करौ कि मान्स बड़वाई करें; तुमाई बातें खरी और बजनदार होबें।

- तीतुस 3:1

मान्सन हां चिताओ, कि हाकम और मालकन की कई करौ, और उन की कई मानो, और कोनऊ भलो काम होबै तो ऊहां मन से करौ।

- तीतुस 3:14

हमाए जनें हां सोई जौन बस्त चाने होबै ऊहां दैबे में पाछें न रैबें।

- तीतुस 3:8

जे बातें सांची आंय, और मोरी जा चाहना आय, कि तें इन बातन हां खुल के बताए कि जीने परमेसुर पै बिसवास धरो आय, बे भले कामन में लगे रैबें, कायसे जे बातें बढ़िया और मान्सन के भले की आंय।

- इब्रानियों 10:24

हम दूसरन हां प्रेम करबे हां, और पुण्य के अच्छे काम करबे हां बढ़ावा देबें।

- इब्रानियों 13:2

कोऊ बाहर से आबै तो अपने घर में रोटी खिलाईयो, कायसे ऐसो करके कछु जन ने बिना जाने सरगदूतन हां खिलाओ आय।

- इब्रानियों 13:21

बे तुम हां उनकी अज्ञा मानबे और जौन अच्छो होबे, ऊहां करबे को मन हमाए भीतरे बनाबे, कि उनको मान सम्मान होत रैबे। आमीन।

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।

- 1 पतरस 4:9

बिना कुड़कुड़ाए एक दूजे कौ अतिथी सत्कार करो।

- 3 यूहन्‍ना 1:12

देमेत्रियुस के लाने सबरन ने बताओ और हम सोई कैत आंय; और तोहां पता आय कि हम लाबरी नईं कैत, कि बो सांचो जनो आय।