- 1 तीमुथियुस 4:6 - Bundeli Holy Bible

⁶ तें भईयन हां समझा के इन बातन की याद करा, तो तें यीशु मसीह को अच्छो सेवा करबेवारो हुईये: और बिसवास की बातन हां और जौन बातें सिखाई गई आंय, और जिन हां तें मानत आय, तें बढ़त रै है।

- 1 तीमुथियुस 4:6 Iomraidhean Croise

- मत्ती 13:52

उन ने उत्तर दओ, हओ; और ऊने उन से कई, ई लाने हर एक शास्त्री, जौन सरग के राज्य की सीख पा चुको आय, ऊ घरईया के घांई आय जौन अपने घर से नई और पुरानी बस्त काड़त आय।

- लूका 1:3

ई लाने हे बड़े जसवाले थियुफिलुस, मोय भी सई लगो, कि उन सबरी बातन कौ सबरो हाल, शुरू से एन जांच पड़ताल कर के उन हां तोरे लाने एक के पाछें एक लिखों।

- प्रेरितन के काम 1:15

और उनई दिना में पतरस भईयन के संग्गै जौन एक सौ बीस के लगभग इकट्ठे जुड़े हते, ठांड़ो होकें कैन लगो।

- प्रेरितन के काम 20:31

ई लाने चौकन्ने रहियो; और खबर राखियो; की मैंने तीन बरस लौ रात दिना अंसुआ बहा बहा के, एक एक हां समझाबो नईं छोड़ो।

- प्रेरितन के काम 20:35

मैंने तुमहां हरएक बातन से जौ बताओ आय, की तुम भी ऐंसई कड़ी मेहनत करके, कमजोरन हां संभालो, और प्रभु यीशु मसीह की बातन की खबर धरियो, जौन ऊ ने आपऊ कहे; की लेबे से देबो धन्य आय।

- रोमियों 15:15

पर मैंने कऊं कऊं सुमरन कराबे हां तुम हां हिम्मत कर के लिखो, जौ ऊ दया के काजें भओ, जौन परमेसुर ने मोय दओ आय।

- पैली कुरिन्थियों 4:17

ऐई लाने मैंने तीमुथियुस हां जौन पिरभु में मोरो बिसवास जोग लड़का आय, तुमाए ऐंगर पठैओ आय, ऊ तुम हां मसीह में मोरी चाल सुमरन करा है, जैसो कि मैं हर जांगा मंडलियन हां सिखाओ करत आंव।

- दूसरी कुरिन्थियों 11:23

(मैं पगला घांई कैत आंव) मैं उनसे बढ़के आंव! बिलात मैनत करे में; बेर बेर जेहल जाबे में; कोड़ा घले में; बेर बेर मरत मरत बचो।

- दूसरी कुरिन्थियों 3:6

जिन ने हम हां नये नियम के चाकर लाक बनाओ, अक्षरन के चाकर नईं केबल आत्मा के चाकर; कायसे अक्षर तो मारत आय, पे आत्मा जिलात आय।

- दूसरी कुरिन्थियों 6:4

अकेले एक एक बात में परमेसुर के चाकर जैसो अपनो अच्छो जीवन जीयत आंय, बड़े धीरज से, पिराते में, कंगाली में, परेसानी में।

- इफिसियों 6:21

तुखिकुस जौन मोरो प्यारो भईया जौन मन से पिरभू की सेवा करत आय, बो तुम हां सबरी बातें बता दै है, कि मैं कैसो रैत आंव।

- फिलिप्पियों 2:20

कायसे मोरे लौ ऐसो और कोऊ नईंयां, जाने जीसे तुमाई भले की सोचें।

- फिलिप्पियों 2:22

तुम हां पता आय कि तीमुथियुस ने जैसी सेवा करी आय, मानो जैसे एक लरका अपने दद्दा संग्गै करत होबे, ऊं सई ऊ ने मोरे संग्गै सेवा करी आय।

- फिलिप्पियों 3:16

सो जौन हम ने पाओ आय, ऊं सई काम करें।

- कुलुस्सियों 2:19

बे पिरभू यीशु मसीह के संग्गै नईं जुड़े आंय, जौन सबरी देह के मूड़ आंय, पिरभू सरीर हां सकती देत आय, परमेसुर के जोर से जोड़त और मांस हां संग्गै बांधे रैबे।

- कुलुस्सियों 3:16

यीशु मसीह के बचन हां अपने हिये में बसा लेओ; और दूसरन हां पूरे ज्ञान से सिखाओ, और चिताओ, और परमेसुर हां धन्न मानो, और अपने से परमेसुर के भजन गाओ और उन हां धन्न कहो।

- कुलुस्सियों 4:7

मोरो भईया और पिरभू को सेवक, तुखिकुस जौन मोरे संग्गै सेवा करत आय, तुम हां सबरो हाल चाल बता दै है।

- 1 थिस्सलुनीकियों 3:2

और हम ने तीमुथियुस हां जौन यीशु मसीह में हमाओ भईया, और परमेसुर को बचन परचार करबेवारे आंय, तुम लौ पठैव कि बो तुम हां बिसवास में पक्को करे।

- 1 तीमुथियुस 1:10

परतिरिया संगत करबेवारे, पुरुष के संग्गै भोग करबेवारे, मान्सन हां बेंचबेवारे, लबरा, लाबरी गवा दैबेवारे, और जौन सांचे परचार को बिरोध करत आंय उनके लाने नैम बने आंय।

- 1 तीमुथियुस 4:16

इन बातन में पक्को बनो रै, कायसे ऐसो करबे से तें अपने, और जौन तोरी बातन हां सुनत आय उनको तरन तारन हुईये।

- 1 तीमुथियुस 6:3

जदि कोऊ और परकार कौ उपदेस देत आय; और साजी बातन हां, माने हमाए पिरभू यीशु मसीह की बातन को और ऊ उपदेस को नईं मानत, जो भक्ति के अनसार आय।

- 2 तीमुथियुस 1:6

ऐई से मैं तोहां सोई कैत आंव, कि जौन बरदान तोहां मोरे हाथ धरे से मिलो आय ऊहां और उजयार दे।

- 2 तीमुथियुस 3:10

तेंने अपने उपदेस, और अपनी चाल, और बिसवास, और सैबेवारो मन, प्रेम और धीरज, और सताए जाबे में सोई मोरे संग्गै दुख उठाओ आय।

- 2 तीमुथियुस 4:3

कायसे ऐसे दिना आहें, कि मान्स सच्ची बात न मान हैं, परन्त जौन बातें सुनबे में मजा आबै और अपनी अभलाखा जैसो कैबेवारो जोड़ लै है।

- तीतुस 2:1

तें साफ साफ कहें गए, जौन साजी बातें आंय।

- 1 पतरस 2:2

नये जन्मे भए बच्चन की घांई सुद्ध आत्मिक दूध की लालसा करो, ताकि ऊ सें तारण पाबे के लाने बढ़त जाओ।

- 2 यूहन्‍ना 1:9

जौन आगे हां यीशु मसीह की सीख पै नईं चलत, मानो ऊ लौ परमेसुर नईंयां, परन्त जौन उनकी सीख पै चलत आंय, बौ मानो परमेसुर पिता और उनके बेटा यीशु मसीह में पक्को बनो रैत आय।

- यहूदा 1:5

तुम हां सबरी बातें एक बेर बताई आंय, परन्त फिन के बताओ चाहत आंव, कि परमेसुर ने एक बिरादरी के लोगन हां मिश्र देस से छुड़ाओ, परन्त जिन ने उनकी नईं मानी उन हां मार डालो।