- 1 तीमुथियुस 4:13 - Bundeli Holy Bible

¹³ और जब लौ मैं उते न आओं, तब लौ पढ़बे, उपदेस देबे और सिखाबे में लगो रै।

- 1 तीमुथियुस 4:13 Iomraidhean Croise

- यूहन्‍ना 5:39

तुम पवित्र शास्त्र में खोजत आव, कायसे तुम सोचत आव कि ऊ में अनन्त जीवन मिलत आय, और जे ओई आंय, जौन मोरे बारे में गवाही देत आय।

- प्रेरितन के काम 17:11

जे लोग थिस्सलुनीके मान्सन से बिलात साजे हते, कायसे उन ने बड़ी लगन से बचन हां मान लओ, और रोजीना पवित्र पोथी में से खोज बीन करत रए, की हेरें जे बातें ऐंसई आंय कि नईंयां।

- प्रेरितन के काम 6:4

पर हम तो बिन्तवाई और बचन की सेवा में लगे रै हैं।

- रोमियों 12:8

यदि कोई बचन कौ परचारक होबै, तो बचन परचार में लगो रैबे; दान देबेवारो मुठी खोल के देबे, जौन अगुवाई करे, बो जोस से करे, जौन दया करे, बो खुसी से करे।

- पैली कुरिन्थियों 14:26

ई लाने हे भईया हरौ का करो चईये? जब तुम सब जुड़त आव, तो हर एक में भजन, उपदेस या दूसरी भाषा या जोत, या दूसरी भाषा कौ मतलब बताबो रैत आय: सबई कछु आत्मिक बढ़ती के लाने होबो चईये।

- पैली कुरिन्थियों 14:3

परन्त जौन अगमवानी करत आय, बो मान्सन की बढ़ती, और उपदेस, और सान्ति की बातें कहत आय।

- पैली कुरिन्थियों 14:6

ई लाने हे भईया हरौ, जदि मैं तुमाए ऐंगर आके दूसरी भाषा में बात करों, और बुद्धमानी, या ज्ञान समज, या अगमवानी, या उपदेस की बातें तुम से न कओं, तो तुम हां मो सें का फायदा हुईये?

- 1 तीमुथियुस 4:16

इन बातन में पक्को बनो रै, कायसे ऐसो करबे से तें अपने, और जौन तोरी बातन हां सुनत आय उनको तरन तारन हुईये।

- 1 तीमुथियुस 4:6

तें भईयन हां समझा के इन बातन की याद करा, तो तें यीशु मसीह को अच्छो सेवा करबेवारो हुईये: और बिसवास की बातन हां और जौन बातें सिखाई गई आंय, और जिन हां तें मानत आय, तें बढ़त रै है।

- 2 तीमुथियुस 3:15

तें तो बालकपन से पवित्र शास्त्र की बातन हां जानत आय, जिनके मानबे से तोरो तरन तारन होत आय, और तें और होसयार हो जै है।

- 2 तीमुथियुस 4:2

कि तें बचन के परचार के लाने तईयार रै; और सबरी बातन में धीरज से सै, और मान्सन हां सिखा और दपट और समझा दे।

- तीतुस 2:15

तें पूरे हक्क से इन बातन हां समझा, और सिखा दे कि कोई तोपे उंगरिया न उठा पाबै।

- यहोशू 1:8

ब्‍यवस्‍था की जा पोथी तोरी जीभ सें कभऊं नें उतरने पाए, ऐई में दिन-रात ध्‍यान दए रईयो, ई लाने कि जो कछु ऊमें लिखो आय ऊके अनसार करबे की तें चौकसी करे; कायसे एैसई करबे सें तोरे सबरे काम सफल हुईयें, और तें प्रभावसाली हुईये।