- 1 तीमुथियुस 2:4 - Bundeli Holy Bible

⁴ परमेसुर जे चाहत आंय, सबरे मान्सन को तरन तारन होबै; और बे सांची बात हां जानें।

- 1 तीमुथियुस 2:4 Iomraidhean Croise

- मत्ती 28:19

ई लाने जाओ और सब जातन के लोगन हां चेला बनाओ, और उन हां बाप, पूत और पवित्रआत्मा के नाओं से बपतिस्मा देओ।

- मरकुस 16:15

और यीशु ने चेलन से कओ, तुम पूरी दुनिया में जाके, सबरे संसार के लोगन हां भलो संदेसो परचार करो।

- लूका 1:77

कि ऊके मान्सन हां त्राण की समज देबे, जौन उन के पापों की छिमा से मिलत आय।

- लूका 14:23

मालक ने चाकर से कओ, गैल गोला, बस्ती, बाड़ों कुदाऊं मान्सन हां जबरदस्ती खेंच ला, जीसे मोरो घर भर जाबै।

- लूका 24:47

और यरूशलेम से लेके सबरी जातन में हिया फेरबे कौ और पापन की छिमा कौ परचार, ओई के नाओं से करो जै है।

- यूहन्‍ना 14:6

यीशु ने ऊसे कई, गैल, सत्य और जीवन मैं ही आंव; बिना मोरे कोऊ बाप के ऐंगर नईं जा पा है।

- यूहन्‍ना 17:17

सत्य से उन हां पवित्र कर, तोरो बचन सत्य आय।

- यूहन्‍ना 6:37

जो कछु बाप मोय देत आय, बो सब मोरे ऐंगर आ है, और जो कोऊ मोरे ऐंगर आ है, मैं ऊहां कभऊं बायरें नईं काड़ हों।

- रोमियों 11:14

जीसे कोऊ भांत से अपने नातेदारन में जलन पैदा करवा के उन में से कैऊ अन कौ उद्धार करवाओं।

- 1 तीमुथियुस 4:10

हम खूबई मैनत करत आंय और कोसस करत आंय, कि हमाई आस जीयत परमेसुर पे आय; जौन मान्सन को, और जौन उन हां मानत आंय उनको तरन तारन करबेवारो आय।

- 2 तीमुथियुस 2:25

जौन जनें बिरोध करें उन हां धीरज से समझा दो, का पता कि परमेसुर उनको मन बदल देबे, कि बे सोई इन सांची बातन हां मानें।

- 2 तीमुथियुस 3:7

बे मानो सीखत तो हैं परन्त सांची बातन हां कऊं, नईं चीनत।

- तीतुस 1:1

पौलुस ने लिखी जा चिठिया जौन परमेसुर को चाकर और यीशु मसीह कौ प्रेरित आय, जीहां परमेसुर नबेरे जनन के बिसवास, और जीने सांची बातन हां चीनो आय।

- तीतुस 2:11

कायसे हम हां पता पड़ गओ आय, कि परमेसुर की किरपा से मान्सन को तरन तारन भओ आय।

- इब्रानियों 10:26

जिन ने सांचो बचन हिये में धर लओ हतो, परन्त जान के पाप में पड़ जाबें, तो अब उनके लाने कोई और बलदान काम न आहें।

- याकूब 3:14

जदि तुम अपने हियन में जलत आव और बुराई धरत आव, तो सत्त के बिरोद में घमण्ड न करियो, और न लबरी बात कईयो।

- 2 पतरस 3:9

पिरभु अपने कौल के विषय में अबेर नईं करत, जैसो कि कितेक जनें समजत आंय; बो नईं चाहत कि कौनऊं मान्स नास होबे; परन्त जौ कि सबई हां हिया बदलबे कौ मौका मिले।

- 2 यूहन्‍ना 1:1

मैं सियाने ने ऊ निबरी भई बईयरें और उनके लड़कावारन हां लिखो, जिन हां परमेसुर सांचो प्रेम धरत आय, ई लाने कि हम ने उनकी सांची बातन हां मानो आय, और उन हां पक्को पकड़ें आय, जौन बातें पक्की आंय।

- यूहन्‍ना के दरसन कौ खुलासा 14:6

फिन मैंने एक सरगदूत हां आकास के बीच उड़त तको, जीके ऐंगर धरती पै रैबेवारे सब जातियन, सबरी बोली बोलबेवारे, और मान्सन हां सुनाबे हां सनातन सुसमाचार हतो।