- 1 तीमुथियुस 1:5 - Bundeli Holy Bible

⁵ मोरे कैबे को मतलब जौ आय, कि सांचे मन और साजे हिये से, और बैर न रखबेवाले के बिसवास से प्रेम बढ़त आय।

- 1 तीमुथियुस 1:5 Iomraidhean Croise

- मत्ती 12:35

भलो मान्स अपने हिये के भले भण्डार से नोंनी बातें काड़त आय; और बुरओ मान्स अपने भण्डार से बुरई बातें काड़त आय।

- मत्ती 5:8

धन्न आंय बे, जिन के हिये साजे हैं, कायसे बे परमेसुर हां तक हैं।

- प्रेरितन के काम 15:9

ई तरहां भरोसे के द्वारा उन के मन हां सुद्ध करके ऊ ने हम में और उन में कोऊ फरक नईं रखो।

- प्रेरितन के काम 23:1

पौलुस ने बड़ी पंचायत की कोद टकटकी लगात भए कई, भईया हरौ, मैंने आज लौ परमेसुर के आंगू पूरी तौर से खरो जीवन बिताओ।

- प्रेरितन के काम 24:16

ई लाने मैं भी परमेसुर और मान्सन के आंगू अपनी सोच हां निरदोस बनाए धरबे की सदा कोसिस करत आंव।

- रोमियों 10:4

कायसे सब कोऊ जौन बिसवास करत आंय उन के काजें धार्मिकता के लाने मसीह नेम व्यवस्था कौ अन्त आय।

- रोमियों 12:9

दिखाबे कौ प्रेम न होबै; बुराई से दूर रओ; भलाई में लगे रओ।

- रोमियों 14:15

जदि तोरो भईया तोरे खैबे के काजें सोच में पड़त आय, तो फिन तें प्रेम के चलन में नईं चलत: जीके लाने मसीह मरो ऊहां तें अपने खैबे से नास न कर।

- रोमियों 9:1

मैं मसीह में सांची कैत आंव, लबरी नईं कै रओ और मोरो सोच सोई पवित्तर आत्मा में गवाई देत आय।

- पैली कुरिन्थियों 13:1

जदि मैं मान्सन और सरगदूतन की बोलियां बोलों, और प्रेम न धरों, तो मैं ठनठानात भओ पीतल, और झनझानात भई झांझ आंव।

- दूसरी कुरिन्थियों 1:12

कायसे हम अपने हिये की जा बात मानत आंय, कि और ऊ पै बड़वाई करत आंय, कि संसार में और तुमाए बीच हमाई चाल परमेसुर को भाबेवारी पवित्तर और सांची हती, और ऐसो संसार के ज्ञान से नोंई, अकेले परमेसुर की दया से भई।

- गलतियों 5:22

अकेले आत्मा के फल प्रेम, आनन्द, मेल मिलाप, धीरज धरबो।

- गलतियों 5:6

मसीह यीशु में न खतनावारो और न बिना खतनावारो कछु काम के आंय, अकेले जौन प्रेम से काम करत आय।

- 1 तीमुथियुस 1:18

मोरे बेटा तीमुथियुस, जौन बातें तोरे लाने पेंला से कई गई हतीं, मैं तोसे कैत आंव कि उन हां करत जा।

- 1 तीमुथियुस 1:19

और बिसवास और साजे मन से करत जा, कछु जन ने जे बातें छोड़ दई आंय, सो उनको बिसवास को जहाज मानो डूब गओ।

- 1 तीमुथियुस 3:9

और साजे मन से बिसवास की बातन हां ध्यान में धरबेवारो होबै।

- 2 तीमुथियुस 1:3

मैं अपने परमेसुर की सेवा अपने बड़े बूढ़न की रीत से साजे विवेक से करत आंव, और उनकी दया से तुमाए काजें बिन्तवारी करत आंव।

- 2 तीमुथियुस 1:5

मोहां याद आत आय, कि तोरी नानी लोइस, और तोरी मताई योनीके अपने बिसवास में पक्के हते, और मोहां पता आय, कि तें सोई उन जैसो आय।

- 2 तीमुथियुस 2:22

जवानी की अभलाखा से दूर बनो रै; और जौन साजे मन से पिरभु हां मानत आंय, उनके संग्गै धरम और प्रेम से चलो, और दूसरे जनन से मिले रओ।

- तीतुस 1:15

साजे मान्सन के लाने सब साजो आय, और बुरय और बिसवास न करबेवारन हां कछु साजो नईंयां; कायसे उनकी समझ और उनको हिया साजो नईंयां।

- इब्रानियों 10:22

सो परमेसुर लौ साफ हिये, और बिसवास से, और अपने मन हां शुद्ध करके और अपने मन हां बुरई बातन से दूर करके, और अपनी देह हां साफ पानू से सपर के आओ।

- इब्रानियों 13:18

हमाए काजें बिन्तवारी करत रईयो, हमाओ जी ठीक ठाक आय; और हम अपने जीवन में अच्छो रहो चाहत आंय।

- इब्रानियों 9:14

तो पिरभू यीशु मसीह को रकत जौन बिलकुल बिन पाप हते, परमेसुर के सामूं निषपाप बलदान चढाओ, तो बो तुम हां बुरय काज से पूरे मन से काय न पवित्तर कर है, कि तुम जीयत परमेसुर की सेवा करो।

- याकूब 4:8

परमेसुर के ऐंगरे आओ, तो बो सोई तुमाए ऐंगरे आ है: हे पापियो, अपने काम सुद्ध करो; और हे दुचित्ते लोगो अपने हियन हां पवित्तर करो।

- 1 पतरस 1:22

सो जब तुम ने भाईचारे की निश्चल प्रीति के लाने सत्य के मानबे से अपने हियन हां पवित्तर करो आय, तो तन मन लगा के एक दूजे से अधक प्रेम करो।

- 1 पतरस 3:16

और अपनी समज सोई सुद्ध राखो, ई लाने कि जिन बातन के बारे में तुमाई बदनामी होत आय, उन के बारे में बे जौन तुमाए मसीही साजे चाल चलन कौ अपमान करत आंय लज्जित होबें।

- 1 पतरस 3:21

और ओई पानू की कनौत सोई, जाने कि बपतिस्मा, यीशु मसीह के जी उठबे से, अब तुम हां बचात आय; (ऊसे देयां कौ मैल हटाबे को मतलब नईंयां, पर सुद्ध विवेक से परमेसुर के बस में हो जाबे कौ मतलब आय)।

- 1 पतरस 4:8

सब से ऊं ची बात जा आय कि एक दूजे से अधक से अधक प्रेम करो; कायसे प्रेम सबरे पापन हां ढांक देत आय।

- 2 पतरस 1:7

भक्ति पे भाईचारे कौ स्नेह, और स्नेह पे प्रेम बढ़ात जाओ।

- 1 यूहन्‍ना 3:10

ऐसई तो पता पड़त आय कि कौन शैतान छलिया, और कौन परमेसुर के मानबेवारे आंय; जौन धरम की गैल नईं चलत, बो परमेसुर को मानबेवारे नईंयां, और न ऊ जनो, जौन अपने भईया से प्रेम नईं करत।

- 1 यूहन्‍ना 3:23

उनकी अग्या जा आय कि हम उनके बेटा यीशु मसीह हां मानें और जैसो उन ने कई आय सो एक दूजे से प्रेम करें।

- 1 यूहन्‍ना 3:3

जिन हां प्रभु यीशु मसीह ऐसी आस आय, बे उन जैसे पवित्तर रैत आंय।