- 1 तीमुथियुस 1:12 - Bundeli Holy Bible

¹² मैं अपने प्रभु यीशु मसीह को, धन्न मानत आंव जीने मोहां ऐसो बल दओ; कि उन ने मोपै बिसवास करके अपनी सेवा के लाने धरो।

- 1 तीमुथियुस 1:12 Iomraidhean Croise

- मत्ती 20:4

और ऊने कई, तुम भी दाख की बगिया में जाओ, जौन सही आय, तुम हां दै हों; सो बे भी गए।

- यूहन्‍ना 5:23

कि सब लोग पूत कौ वैसई मान करें, जैसो की बाप कौ मान करत आंय, जौन पूत को मान नईं करत, बो बाप को भी मान नईं करत, जीने ऊहां पठैव।

- प्रेरितन के काम 16:15

जब ऊ ने और ऊके घर बारन ने बपतिस्मा लओ, तो हम से बिनती करी, अगर तुम मोय परमेसुर की बिसवासिनी मानत आव, तो आके मोरे घरै ठहरो; और बा हमें मनाकर ले गई।

- प्रेरितन के काम 9:15

पर पिरभु ने ऊसे कओ, तें चलो जा; कायसे बो दूसरी जातवारन के लाने और राजाओं, और इस्राएलियन के सामूं मोरो नाओं परचार करबे और उजागर करबे हां मोरो नबेरो भओ जन आय।

- प्रेरितन के काम 9:22

पर शाऊ ल और ऊ सक्तिवान होत गओ, और ई बात कौ सबूत दे दे के कै मसीह जौई आय, दमिश्क के रैबेवारे यहूदियन कौ मों बन्द करत रओ।

- पैली कुरिन्थियों 15:10

परन्त मैं जो कछु आंव, परमेसुर की दया से आंव: और उनकी जौन दया मो पे भई आय, बा अकारथ नईं गई; परन्त मैंने उन सबरन से बढ़के मैनत सोई करी: जानो कि जौ मोरी कुदाऊं से नईं भओ परन्त परमेसुर की दया से जौन मो पे हती।

- पैली कुरिन्थियों 3:5

अपुल्लोस का और पौलुस का आंय? बस चाकर, जिनके द्वारा तुम ने बिसवास करो, जैसो हर एक हां पिरभु ने दओ।

- पैली कुरिन्थियों 7:25

कुंआरिअन के लाने पिरभु कौ कोऊ हुकम मोहां नईं मिलो, परन्त बिसवास जोग होबे के लाने जैसी किरपा पिरभु ने मो पे करी आय, ओई के अनसार सलाय देत आंव।

- दूसरी कुरिन्थियों 4:1

सो जब हम पै ऐसी दया भई, कि ऐसो काज हम हां मिलो, तो हम हिम्मत नईं हारत।

- गलतियों 3:26

कायसे तुम सबरे जनें यीशु मसीह पै बिसवास धरके, परमेसुर के बाल बच्चा बन गए।

- गलतियों 3:28

अब तो कोऊ यहूदी नईं रओ और न यूनानी; और न कोऊ चाकर, और न छुट्टा; न कोऊ मान्स, और न बईयर, कायसे तुम सबरे यीशु मसीह में एक आव।

- फिलिप्पियों 2:11

और हर एक जनों मान लेबे कि यीशु मसीह केवल पिरभू आय, कि परमेसुर पिता को मान होबे।

- फिलिप्पियों 4:13

मैं ऊ परमेसुर के जोर से सब कछु कर सकत आंव।

- कुलुस्सियों 1:25

परमेसुर की मन्सा से मोहां उनकी कलीसिया को काम करबेवारो धरो, और मोहां तुम लौ पठैओ, कि मैं तुम हां उनको पूरो ज्ञान बताओं।

- 1 तीमुथियुस 1:1

पौलुस ने लिखी जौन तरन तारन करबेवारे परमेसुर, और हमाई आसा जौन यीशु मसीह में आय उनकी अग्या से प्रभु यीशु मसीह के सेवक आंय, तीमुथियुस हां जौन मोरो भलो लरका आय।

- 1 तीमुथियुस 1:11

जो उन महा धन्य परमेसुर के जस के ऊ सुसमाचार से आय, जौन मोहां दओ गओ आय।

- 1 तीमुथियुस 1:2

पिता परमेसुर, और हमाए प्रभु यीशु मसीह से तुम पै किरपा, दया और सान्ति मिलत रैबे।

- 1 तीमुथियुस 6:13

मैं तोहां परमेसुर हां जो सब हां जीयत रखत आय, और पिरभू यीशु मसीह को गवाह मानके जीने पुन्तियुस पीलातुस के सामने अच्छो स्वीकार करो, जौ आदेस देत आंव।

- 2 तीमुथियुस 2:2

जौन बातें तेंने बिलात जनन के सामूं मोय से सुनी आंय, उन हां दूसरे बिसवास करबेवारन हां सुना दे; जौन औरन हां बेई बातें सिखाबें।

- 2 तीमुथियुस 4:17

प्रभु ने मोरी सहायता करी, और मोहां हिम्मत दई: कि मैं सबरे हार प्रचार करों, की सबरे जनें सुन लेबें; मैं तो मानो नाहर के मों से छूट आओ।

- तीतुस 1:4

जा चिठिया तीतुस हां लिखी जौन धरम से मोरो लड़का आय; तुम हमाए परमेसुर पिता जौन हमाओ तरन तारन करबेवारे आंय, तुम सबरे जनन पै दया और सान्ति बनी रैबे।

- फिलेमोन 1:9

मैं बूढ़ो पौलुस जौन यीशु मसीह के नाओं के कारण अबै जेहल में आंव, ऐसो साजो लगो कि तुम से प्रेम से कहों।