Lumu 7:36 - Kagi Ka Manama

³⁶ Na, ukit katô mga kasalábbuan na iglumu i Moises, igpid din tô mga rubbad i Israel tô igiwà dan tikud tun ta Ehipto, asta tô igukit dan tun ta dagat na ágngadanan Mallutù Dagat, asta tun ta disyerto dalám ka kappatan (40) ámmé.

Lumu 7:36 Iomraidhean Croise

Exodo 12:41

Tun ta tapuri gó álló katô áppat gatus tállu pulù (430) ámmé, igiwà tô mga sakup katô Áglangngagán tikud tun ta Ehipto.

Exodo 14:21

Na, igtayó i Moises tô bállad din, asta igtáddù din tun ta dagat. Igpapid katô Áglangngagán tô mabákkár karamag tikud tun ta silatan na igladé ka dukilám. Itángngà tô dagat, asta itákkang tô tanà tun ta tángngaan ka dagat.

Exodo 16:35

Mana tô igkan katô mga rubbad i Israel dalám ka kappatan (40) ámmé sippang ka igóddô dan tun ta banuwa ka Canaan.

Exodo 3:20

Purisu gamitán ku tô katulusan ku, asta supakan ku tô mga taga Ehipto ukit katô mga kasalábbuan na lumun ku. Ukit katô lumun ku, papanón din sikiyu ébô miwà kó.

Juan 4:48

Igkagi si Jesus, na mà din, “Atin ka ándà kasalábbuan na kitanán yu, dì kó mamaké kanak.”

Lumu 13:18

Dalám ka kappatan ámmé, igdóppónan dan ka Manama tun ta disyerto.

Lumu 7:42

Purisu igtayyugan ka Manama sikandan. Igpabayà ka Manama tô kapangadap dan katô mga karani tun ta langit, iring katô kagi ka Manama na igsulat katô sábbad propeta din, na mà din, “‘Mga rubbad i Israel, ánnà sakán tô igbággayan yu ka mannanap na iggóbbó yu tun ta disyerto dalám ka kappatan (40) ámmé.

Hebreo 3:8

yakó géllé asta ágpatággas katô ulu yu. Yakó giring katô mga kamónaan yu tun ta disyerto sayyan na igkinnaman dan katô Manama.

Hebreo 3:9

Agad igkita dan tô mga kasalábbuan na igimu ku dalám ka kappatan (40) ámmé, asal igkinnam dan pô gó kanak ka ánda tô sippangan katô kapallayat ku ka ginawa tingód katô madat na áglumun dan.

Hebreo 8:9

Tô mantu kasabotan ánnà iring katô tapé kasabotan ku tun ta mga kamónaan dan tô igpid ku sikandan tikud tun ta Ehipto. Igéllé dan katô tapé kasabotan. Purisu igpabayà ku sikandan, mà katô Áglangngagán.