Lumu 7:35 - Kagi Ka Manama

³⁵ “Na, si Moises tô taganà igélléyan katô mga unawa din na rubbad i Israel, su sikandin tô taganà igkagiyan, ‘Sadan é igimu áknikó na mangulu asta rumuud áknami?’ Asal sikandin tô igpapid ka Manama ébô mangulu asta mid katô mga rubbad i Israel ukit katô tabang katô panaligan ka Manama na igpakita kandin tun ta mabbabà kayu na igrágrág.

Lumu 7:35 Iomraidhean Croise

Exodo 14:19

Na, tô panaligan ka Manama na guna tun ta mga rubbad i Israel igalin dadan tun ta bókkóg dan. Tô sagulapun na iring na sumbál igalin dadan tun ta bókkóg dan.

Exodo 14:24

Tô ándà pa kasállám, igsállág tô Áglangngagán katô mga sundalo tikud tun ta sumbál na apuy. Iglimáddang asta iglibug din sikandan.

Exodo 2:14

Igtaba sikandin, na mà din, “Ándin é katundanan nu? Sadan tô igimu áknikó na mangulu asta rumuud áknami? Matayanna ikuna iring katô kamaté nu katô taga Ehipto bani?” Tuu imáddangan si Moises, su igpanámdám sikandin na ikasóddór kannê tô langun manubù tingód katô iglumu din.

Marcos 12:26

Tingód katô kanté puman ka Manama ka mga manubù, iring na ándà kó gó basa tun ta libro na igsulat i Moises tingód ka igpakita tô Manama kandin tun ta mabbabà kayu na igrágrág. Igkagi tô Manama kandin, na mà din, “‘Sakán tô Manama na ágpangadapán i Abraham, i Isaac, asta i Jacob.’

Lucas 19:14

Na, tô mga manubù na góddô tun ta banuwa ágkaringasa kandin. Purisu duwán mga manubù na igpatalundug kandin ébô kumagi tun ta gobyerno na dì mému kandan ka mangulu sikandin kandan.

Juan 18:40

Igullaó dan, na mà dan, “Dì mému ka sikandin, asal si Barabas!” (Na, tulisan si Barabas.)

Juan 19:15

Asal igullaó dan, na mà dan, “Pamatayi nu sikandin! Pamatayi nu sikandin! Papansali nu sikandin tun ta krus!” Igkagi si Pilato, na mà din, “Papansalan ku tô harì yu tun ta krus?” Igtaba tô mallayat ka mga pangulu ka templo, na mà dan, “Ándà duma harì dé, asal tô dád emperador.”

Lumu 2:36

Purisu sikiyu na mga rubbad i Israel, kailangan kasóddóran yu langun na agad igpansalan yu si Jesus tun ta krus, asal igimu ka Manama sikandin na Mesiyas asta Áglangngagán.”

Lumu 3:22

Na, igkagi si Moises sayyan, na mà din, “‘Papiddán katô Áglangngagán na Manama tô propeta din tun ákniyu iring katô kapapid din kanak. Tô gó tô sábbad rubbad yu. Kailangan mánnal kó katô langun na ágkagin din ákniyu.

Lumu 5:31

Manama tô igimu kandin na mallayat dadan tun ta kawanan din tun ta langit, su sikandin tô Pangulu asta Taratábbus. Tô gó tô iglumu din ébô rumákkád tô mga rubbad i Israel asta pasinsiyaan din tô mga salà ta.

Lumu 7:30

“Na, pángnga katô kappatan (40) ámmé, igpakita tô panaligan ka Manama ki Moises tun ta mabbabà kayu na igrágrág tun ta disyerto na madani tun ta pabungan na ágngadanan Sinai.

Lumu 7:51

“Na, matággas tô mga ulu yu, su dì kó ágbánnal ka Manama. Dì kó ágpaminág katô kabánnalan. Iring kó katô mga kamónaan yu, su inalayun kó géllé katô Ugis Espiritu.

Colosas 1:15

Ukit ki Cristo ikitaan ta tô Manama na dì ágkitanán. Si Cristo tô tuu mallayat ka tandingán katô langun-langun na igimu ka Manama,

Hebreo 2:2

Ágkasarigan tô mga sugù ka Manama na igulit ka mga panaligan, asta igsupakan tô langun na iglapas ó ándà bánnal katô mga sugù.

Igpakita 15:3

Igkanta dan katô kanta i Moises na ágsuguánnán ka Manama sayyan, asta tô kanta katô Nati Karnero, na mà dan, “Áglangngagán na matulus Manama, tuu madigár tô áglumun nu! Nángngà asta ágkasarigan tô áglumun nu. Sikuna tô harì tun ta langun banuwa!