Lumu 17:7 - Kagi Ka Manama

⁷ Igóddô dan tun ki Jason, asta igélléyan dan tô langun sugù katô emperador, su ágtinurù dan na duwán ássa mangulu na ágngadanan ki Jesus.”

Lumu 17:7 Iomraidhean Croise

Lucas 10:38

Na, tô igpanó dan, igukit dan tun ta sábbad lunsud. Duwán sábbad bayi na ágngadanan ki Marta na igpadding ki Jesus tun ta balé din.

Lucas 23:2

Igdimanda dan si Jesus tun ki Pilato, na mà dan, “Igkita dé ni manubù ni na ágsutsut tun ta mga manubù kani banuwa ta, su ágsapadan din tô kabayad dé ka buwis tun ta emperador ka Roma. Mà kagi sikandin Mesiyas asta harì.”

Juan 19:12

Na, tô igdinág si Pilato katô kagi i Jesus, paluwaán din pád sikandin. Asal igullaó tô mga pangulu ka Judio, na mà dan, “Atin ka paluwaán nu sikandin, ánnà ka rarak katô emperador, su tô manubù na kumagi na harì sikandin mému na usig katô emperador.”

Lumu 16:21

Duwán ágkémun na ágtinuruán dan na dì mému tumanán ta na mga sakup ka Roma.”

Lumu 17:5

Asal duwán mga pangulu ka Judio na igingà, asta iglimud dan tô madat mga manubù na ándà áglumun. Tô igmarapung dan dán, igsamuk asta igsulung dan tun ta balé i Jason ébô ámmáttán dan si Pablo asta si Silas, asta piddán dan pád tun ta mga manubù na ilimud.

Lumu 17:8

Na, isamuk tô mga konseyal asta tô mga manubù tingód katô igdinág dan.

Santiago 2:25

Iring kani si Rahab na madat bayi sayyan, su igtanggap din tô duwa manubù na igpasadun i Josue, asta su igtáddù din kandan tô ássa dalan ébô makaluwà dan, igtanggap ka Manama sikandin na nángngà tun ta saruwan din ukit katô iglumu din.

1 Pedro 2:15

Tô kakalyag ka Manama na ukit katô mga madigár áglumun yu, tumagnáp tô mga manubù na ágbuyas ákniyu asta ándà ikasóddór katô kabánnalan.