Lucas 9:8 - Kagi Ka Manama

⁸ Duwán duma mga manubù na ágkagi na sikandin si Elias na inanté puman, asta duwán duma ágkagi na sikandin tô sábbad propeta sayyan na inanté puman.

Lucas 9:8 Iomraidhean Croise

Mateo 16:14

Igtaba sikandan, na mà dan, “Duwán mga manubù na ágkagi na sikuna si Juan na Tarabunyag. Duwán ássa mga manubù na ágkagi na sikuna si Elias. Duwán ássa ágkagi na sikuna si Jeremias ó sábbad propeta ka Manama sayyan.”

Mateo 17:10

Na, iginsà tô mga disipulu din, na mà dan, “Manan ka ágtinurù tô mga taratinurù ka sugù na kailangan lumónód si Elias tô dì pa dumunggù tô Mesiyas?”

Marcos 6:15

Asal duwán mga manubù na ágkagi, na mà dan, “Sikandin si Elias na propeta sayyan.” Duwán ássa mga manubù na ágkagi, na mà dan, “Propeta gó sikandin, iring katô mga propeta sayyan.”

Marcos 8:28

Igtaba sikandan, na mà dan, “Duwán mga manubù na ágkagi na sikuna si Juan na Tarabunyag. Duwán ássa mga manubù na ágkagi na sikuna si Elias. Duwán ássa ágkagi na sikuna tô sábbad propeta ka Manama sayyan.”

Lucas 9:19

Igtaba sikandan, na mà dan, “Duwán mga manubù na ágkagi na sikuna si Juan na Tarabunyag. Duwán ássa mga manubù na ágkagi na sikuna si Elias. Duwán ássa na ágkagi na sikuna tô sábbad propeta ka Manama sayyan na inanté puman.”

Juan 1:21

Iginsà sikandan, na mà dan, “Sadan ka? Si Elias ka?” Igtaba si Juan, na mà din, “Ánnà.” Igkagi sikandan, na mà dan, “Sikuna basì tô propeta na gimanan dé.” Igtaba si Juan, na mà din, “Ánnà.”