Lucas 4:36 - Kagi Ka Manama

³⁶ Na, isalábbuan tô langun manubù, asta igpatóngkóé sikandan, na mà dan, “Makasalábbù tô katinurù din, su ukit katô katulusan din, ágsuguán din tô madat mga espiritu, asta ágluwà dan.”

Lucas 4:36 Iomraidhean Croise

Mateo 9:33

Igpaluwà i Jesus tô madat espiritu, asta ikakagi dán tô manubù. Isalábbuan tô ilimud mga manubù, asta igkagi sikandan, na mà dan, “Ándà palang igkita ta na iring kani dini áknita na mga rubbad i Israel.”

Marcos 1:27

Na, isalábbuan tô langun manubù, asta igpénsaé sikandan, na mà dan, “Ándin ni? Mantu ni ágtinuruán? Su ágsuguán din tô madat mga espiritu, asta ágnunug dan kandin.”

Marcos 7:37

Tuu dan isalábbuan, asta igkagi sikandan, na mà dan, “Tuu madigár tô langun iglumu din. Agad tô bingál igpadinág din, asta tô ómmó igpakagi din.”

Lucas 2:18

Isalábbuan gó tô langun manubù na igdinág katô igulit katô mga taradóppón.

Lucas 4:32

Isalábbuan gó tô langun manubù na igpaminág kandin, su duwán katulusan katô katinurù din.

1 Pedro 3:22

Igsadun dán si Jesus tun ta langit. Dutun dán sikandin dadan ta kawanan katô Manama. Ágpangulu sikandin katô mga panaligan asta katô langun na duwán katulusan tun datas ta langit.