Juan 2:16 - Kagi Ka Manama

¹⁶ Igkagi si Jesus katô mga manubù na ágbarigyà ka salapati, na mà din, “Pid yu ni langun tun ta luwà. Yakó yu gimuwi na ágbarigyaanan ni balé katô Ámmà ku.”

Juan 2:16 Iomraidhean Croise

Mateo 21:12

Na, igsadun si Jesus tun ta templo, asta igabug din tô langun manubù na ágbálli asta ágbarigyà tun ta plasa ka templo. Igbantang din tô mga lamisa katô mga manubù na ágbullas ka salapì, asta igbantang din tô gunsadanan katô mga manubù na ágbarigyà ka salapati na ágbággén tun ta Manama.

Mateo 21:13

Igkagi sikandin, na mà din, “Mà katô kagi ka Manama, “‘Tô balé ku, tô gó é ágdasalanan.’ Asal igimu yud ni na gállássanan ka mga tulisan.”

Mateo 22:5

Asal ándà dan bánnal. Tô sábbad igsadun tun ta kandin kinamát, asta duwán igsadun tun ta kandin tindaan.

Marcos 11:17

Na, igtinurù sikandin, na mà din, “Mà katô kagi ka Manama, “‘Tô balé ku, tô gó é ágdasalanan katô langun manubù.’ Asal igimu yud ni na gállássanan ka mga tulisan.”

Lucas 2:49

Igtaba si Jesus, na mà din, “Isalábbuanna su igpamasak kó kanak. Nángngà pád na kasóddóran yu na kannunna ta balé katô Ámmà ku.”

Juan 10:29

Ámmà ku tô igbággé kandan kanak, asta sikandin tô tuu pa matulus ka tandingán katô langun. Purisu ándà palang makagó kandan tikud tun ta Ámmà ku.

Juan 2:15

Na, igimu si Jesus ka paglagpás na tali, asta igabug din tô langun dan, tô mga karnero asta tô mga baka dan tikud tun ta plasa katô templo. Igsabud din tô mga salapì katô mga tarabullas, asta igbantang din tô mga lamisa dan.

Juan 20:17

Igkagi si Jesus, na mà din, “Yaka gawid kanak, su ándà a pa kabatun tun ta Ámmà ku. Asal sadun ka tun ta mga kataladi ku, asta ulit ka kandan na madunna pa tun ta Ámmà ku asta Ámmà yu, tun ta Manama ku asta Manama yu.”

Juan 5:17

Asal igkagi si Jesus kandan, na mà din, “Inalayun áglumu tô Ámmà ku agad ni álló ni. Purisu áglumuwa pagsik.”

Juan 8:49

Igkagi si Jesus, na mà din, “Ándà madat espiritu na igahu kanak. Ágpabantugán ku tô Ámmà ku, asal ágpayayyaánna ikiyu.

1 Timoteo 6:5

Ágpapulé dan su madat tô panámdám dan, asta ágsuwé dan tikud tun ta kabánnalan. Ágpanámdám dan na mému dan na kaduwánnan ukit katô kapamaké dan.

2 Pedro 2:3

Tingód katô katagaw dan mimu-imu dan katô mga bulaló ébô makasalapì dan. Sayyan igruudan dan ka Manama, asta dungguan dan gó ka supak.