Juan 11:34 - Kagi Ka Manama

³⁴ Igkagi si Jesus, na mà din, “Ánda tô iglábbángngan kandin?” Igkagi sikandan, na mà dan, “Áglangngagán, tákkás ka áknami.”

Juan 11:34 Iomraidhean Croise

Mateo 28:6

Ándà dini sikandin su inanté dán puman. Tô gó é igkagi din dángngan. Padani kó asta sállág yu ni igpadággaan kandin.

Marcos 15:47

Si Maria na taga Magdala asta tô sangé din si Maria na innà i Jose tô igkita katô iglábbángngan ki Jesus.

Marcos 16:6

Na, igkagi sikandin, na mà din, “Yakó ágkamáddangan. Isóddóran ku na igpamasak kó ki Jesus na taga Nazaret na igpansalan tun ta krus. Ándà dini su inanté dán puman sikandin. Sállág yu ni igpadággaan kandin.

Juan 1:39

Igkagi si Jesus, na mà din, “Tákkás kó kanak ébô kitanán yu.” Purisu igtákkás dan ki Jesus, asta igkita dan tô góddóan din. Igóddô dan tun kandin tô álló tô, su mga alas kuwatro dán ka mapun.

Juan 11:33

Na, tô igkita si Jesus na igsággó si Maria asta tô langun Judio na igtákkás kandin, ikálláng tô pusung i Jesus, asta iranu sikandin.

Juan 11:35

Igsággó si Jesus.

Juan 20:2

Purisu igpalaguy sikandin na igsadun tun ki Simon Pedro asta tun ta sábbad disipulu na ágginawaan i Jesus, asta igkagi sikandin, na mà din, “Igkangé dan tô lawa katô Áglangngagán tikud tun ta lábbáng, asta ándà dé kasóddóri ka ánda tô igpiddan dan kandin.”