Jonas 4:9 - Kagi Ka Manama

⁹ Asal iginsà tô Manama kandin, na mà din, “Nángngà ka masókó ka tingód katô pamula?” Igtaba si Jonas, “Nángngà ka masókówa. Purisu kakalyag ku na matéyad.”

Jonas 4:9 Iomraidhean Croise

Jonas 4:1

Asal si Jonas tuu iranu tingód katô karákkád dan, asta isókó sikandin.

Jonas 4:10

Na, igkagi tô Áglangngagán kandin, na mà din, “Ni pamula ni igtubù ka sábbad dád dukilám, na pagkasimag ilanás. Ándà nu imuwi ni. Ánnà sikuna tô igpatubù. Agad ándà kédu nu katô mga manubù tun ta Ninibe, asal iranu ka tingód kani pamula.

Jonas 4:8

Tô igsilat dán tô álló, igpapid ka Manama tô ménit karamag tikud tun ta silatan, asta igmalómét si Jonas tingód katô sánnang na ikasugat katô ulu din. Purisu igkagi sikandin tun ta Manama, na mà din, “Madigár pa ka matéyad.”

Mateo 26:38

Igkagi sikandin, na mà din, “Tuu iranu ni pusung ku, iring na matéya. Kannun kó dád, asal yakó ágtudug.”

2 Corinto 7:10

Kakalyag ka Manama na maranu tô manubù asta rumákkád tingód katô salà din ébô matábbus. Tô gó tô nángngà ranu na ándà karákkáddan. Asal tô maranu na dì rumákkád ka mga salà din, dungguan sikandin ka supak na ándà ágtamanán.

Igpakita 9:6

Dalám katô lima bulan, pamasakán katô mga manubù tô kapókit ébô maté dan, asal ándà kitanán dan. Agad kakalyag dan na maté, asal dì dan makému.