Filemon 1:12 - Kagi Ka Manama

¹² Na, igpólì ku tun áknikó si Onesimo na tuu ku ágginawaan.

Filemon 1:12 Iomraidhean Croise

Marcos 11:25

Atin ka ágdasal kó, ka duwán duma manubù na ándà yu pa pasinsiyayi, pasinsiyayi yu gó sikandin ébô pasinsiyaan kó katô Ámmà yu na Manama tun ta langit.

Lucas 15:20

Purisu igpanó sikandin asta igulì tun ta ámmà din. “Agad madiyù pa sikandin tun ta balé, isállággan katô ámmà tô batà din, asta inéduwan tô ámmà kandin. Igpalaguy tô ámmà. Igsumar din tô batà din. Igkápkáppan asta igadákkan din.

Efeso 4:32

Asal kailangan madigár tô lumun yu tun ta mga duma manubù asta pédu-éduwé kó. Kailangan papasinsiyaé kó iring katô kapasinsiya katô Manama ákniyu ukit ki Cristo.

Filemon 1:11

Agad ándà ágpulusán nu kandin dángngan, asal áknganni dakál tô pulusán ku asta tô pulusán nu kandin.

Filemon 1:13

Kakalyag ku na póddóán ku pô pád sikandin dini kanak ébô sikandin tô tumabang kanak na bullas áknikó, róggun na igprisowa tingód katô kólit-ólit ku katô Madigár Gulitán.