Exodo 14:5 - Kagi Ka Manama

⁵ Tô igulitan tô harì ka Ehipto na igiwà dán tô mga rubbad i Israel, ipalin tô panámdám din asta tô panámdám katô mga opisyales din tingód katô mga rubbad i Israel, asta igkagi sikandan, na mà dan, “Manan ka igpéwà ta gó tô mga rubbad i Israel? Ándà dán gó mga állang ta.”

Exodo 14:5 Iomraidhean Croise

Genesis 31:22

Tô itálluwan dan dán, igulitan si Laban na igpalaguy dán si Jacob.

Exodo 12:33

Igpamagaan katô mga taga Ehipto tô mga rubbad i Israel na tumanan katô banuwa ka Ehipto. Igkagi sikandan, na mà dan, “Atin ka dì kó miwà, maté ké gó langun.”

Exodo 14:4

Patággasán ku tô ulu ka harì, asta agtaán kó ikandin. Purisu pabantugánna ukit katô kapanaluwan ku katô harì asta katô mga sundalo din. Kasóddóran katô mga taga Ehipto na sakán tô Áglangngagán.” Igbánnal katô mga rubbad i Israel tô igsugù ka Manama kandan.

Exodo 14:6

Na, igtaganà katô harì tô kalesa din na para ka gira asta tô mga sundalo din.

Exodo 15:9

Igkagi tô usig nu, ‘Lupugán ku sikandan, kasabban ku, asta ámmáttán ku. Taladán ku tô mga kaduwánnan dan, asta sulian ku sikandan. Tagnusán ku tô kampilan ku, asta dadattan ku tô langun dan.’