Exodo 14:4 - Kagi Ka Manama

⁴ Patággasán ku tô ulu ka harì, asta agtaán kó ikandin. Purisu pabantugánna ukit katô kapanaluwan ku katô harì asta katô mga sundalo din. Kasóddóran katô mga taga Ehipto na sakán tô Áglangngagán.” Igbánnal katô mga rubbad i Israel tô igsugù ka Manama kandan.

Exodo 14:4 Iomraidhean Croise

Exodo 10:2

Atin ka matugál kód, kólitan yu tô mga gabatà yu asta tô mga apù yu tingód katô mga kasalábbuan na gimun ku ukit ka supak ku katô mga taga Ehipto ébô makasóddór kó langun na sakán gó tô Áglangngagán.”

Exodo 10:27

Asal igpatággas puman katô Áglangngagán tô ulu ka harì, asta ándà din péwai.

Exodo 12:28

Igpampanó dan, asta igbánnal dan tô igsugù katô Áglangngagán ki Moises asta ki Aaron.

Exodo 14:23

Iglupug tô mga taga Ehipto, agad tô langun sundalo na igsaké katô mga kalesa dan. Igitur dan katô igukitan katô mga rubbad i Israel tun ta tángngaan katô dagat.

Exodo 14:25

Ikasanggat tô mga ligid katô mga kalesa, asta ágkatággasan dan ágpapalaguy. Igpapagayisé tô mga taga Ehipto, na mà dan, “Miwà kid tikud kannun, su igdapit tô Áglangngagán kandan asta dì ki manalu kandan.”

Exodo 14:3

su manámdám tô harì ka Ehipto na itadin kó, asta dì kó makaluwà tun ta disyerto.

Exodo 14:5

Tô igulitan tô harì ka Ehipto na igiwà dán tô mga rubbad i Israel, ipalin tô panámdám din asta tô panámdám katô mga opisyales din tingód katô mga rubbad i Israel, asta igkagi sikandan, na mà dan, “Manan ka igpéwà ta gó tô mga rubbad i Israel? Ándà dán gó mga állang ta.”

Exodo 14:8

Igpatággas katô Áglangngagán tô ulu ka harì, asta iglupug din tô mga rubbad i Israel na igiwà ukit katô kadóppón katô Áglangngagán kandan.

Exodo 18:11

Ikasóddórrad na tuu pa matulus tô Áglangngagán ka tandingán tun ta langun ka ássa mga ágmanaman, su igpaluwà din tô mga sakup din tikud tun ta bállad katô mga taga Ehipto na ágpallayat-layat asta ágpahirap kandan.”

Exodo 6:7

Imun ku sikiyu na kanak mga manubù, asta mémuwa na Manama yu. Atin ka paluwaán ku sikiyu tikud tun ta kallang ákniyu tun ta Ehipto, kasóddóran yu na sakán tô Áglangngagán na Manama yu.

Exodo 7:17

Na, igkagi katô Áglangngagán na duwán gó lumun din ébô kasóddóran nu na sikandin gó tô Áglangngagán. Gamitán ku ni tukád ku asta lagpássán ku ni Wayig ka Nilo ébô mému na dipanug.

Exodo 7:3

Asal patággasán ku tô ulu ka harì. Agad imun ku tô marapung mga kasalábbuan tun ta Ehipto,

Exodo 7:5

Atin ka pakitanán ku tô katulusan ku tun ta mga taga Ehipto, asta piddán ku tô mga rubbad i Israel tikud tun ta banuwa dan, kasóddóran dan na sakán tô Áglangngagán.”

Exodo 9:16

Asal ándà ku sikiyu matayi ébô kitanán yu tô katulusan ku, asta ébô pabantugánna ikiyu tun ta kaluwagan ka banuwa.

Roma 11:8

Tô gó tô igpasóddór tun ta kagi ka Manama, na mà din, “Iring na igpatudug ka Manama sikandan. Agad duwán mata dan, inéring dan katô dì pakakita. Agad duwán talinga dan, inéring dan katô dì pakadinág sippang áknganni.”

Roma 9:17

Panámdám kó tingód katô igkagi ka Manama tun ta harì ka Ehipto sayyan, na mà din, “Ándà ku sikuna matayi ébô kitanán yu tô katulusan ku, asta ébô mabantugga tun ta kaluwagan ka banuwa.”

Roma 9:18

Purisu isóddóran ta na ágkéduwan tô Manama katô mga manubù ukit katô kandin kakalyag, asta patággasán din tô ulu katô mga manubù ukit katô kandin kakalyag.