Exodo 11:10 - Kagi Ka Manama

¹⁰ Agad igimu si Moises asta si Aaron kani mga kasalábbuan tun ta tubang katô harì, asal igpatággas katô Áglangngagán tô ulu din ébô dì din péwaán tikud tun ta Ehipto tô mga rubbad i Israel.

Exodo 11:10 Iomraidhean Croise

Exodo 10:20

Asal igpatággas puman katô Áglangngagán tô ulu ka harì, asta ándà din péwai tô mga rubbad i Israel.

Exodo 10:27

Asal igpatággas puman katô Áglangngagán tô ulu ka harì, asta ándà din péwai.

Exodo 12:1

Na, igkagi tô Áglangngagán ki Moises asta ki Aaron dutun ta Ehipto, na mà din,

Exodo 3:19

Asal isóddóran ku na dì kó gó papanón katô harì ka Ehipto sippang ka kasóddóran din na tuuwa matulus.

Exodo 4:21

Igkagi tô Áglangngagán ki Moises, na mà din, “Atin ka dumunggù kad tun ta Ehipto, imu nu gó tô mga kasalábbuan tun ta tubang katô harì ukit katô katulusan na igbággé ku áknikó. Asal patággasán ku tô ulu din ébô dì din péwaán tô mga rubbad i Israel.

Exodo 7:3

Asal patággasán ku tô ulu ka harì. Agad imun ku tô marapung mga kasalábbuan tun ta Ehipto,

Exodo 9:12

Asal igpatággas gó katô Áglangngagán tô ulu ka harì, asta ándà din paminággi si Moises asta si Aaron, magunawa katô taganà igkagi ka Áglangngagán.

Juan 12:40

“Purisu pabólógán ka Manama tô mata dan ébô dì dan makakita katô kabánnalan. Patággasán ka Manama tô pusung dan ébô dì dan makagpát, asta dì dan tumákkás katô Manama ébô katabangan dan.”

Roma 9:18

Purisu isóddóran ta na ágkéduwan tô Manama katô mga manubù ukit katô kandin kakalyag, asta patággasán din tô ulu katô mga manubù ukit katô kandin kakalyag.

Roma 9:22

Iring kani tô Manama, su mému ka tumanán din tô kandin kakalyag. Agad duwán kakalyag ka Manama na pasóddórán din na supakan din tô iglumu ka salà, asal igpallayat ka Manama tô kandin ginawa para katô mga iringasaan din asta kailangan supakan.