Marki 9:2 - U TIENU MAAMA TILI 2013

² Danaluoba n den pendi, Jesu den taa Pieli leni Jaki leni Jan, bani bebe ke bi piadi ki doni yaa juali n kpedi yuli po. O den lebidi bi nintuali.

Gourmanchéma Bible

² Dana luoba n den pendi, Jesu den taa Pieli leni Jaka leni Jan, bani bebe ke bi piadi ki doni yaa juali n kpedi yuli po. O den lebidi ke bi nua.

Marki 9:2 Iomraidhean Croise

1 Bi Badiba 18:33

O den maani ti daadi li padibinbinli yuli po, ki jia li naatonli yeni, ki taa ti nandi ki maani ti daadi po.

1 Bi Badiba 18:42

Akabi den gedi ki ban dini ki go ñuni. Elia mo den doni hali li juali yuli po, Karimeli yaa juali yeni, ki gbaani ki tibini o yuli hali ki ban tuu o duna,

Mi Ñama 24:13

Musa den fii leni Josue o todika, ki doni U Tienu juali.

Esayi 33:17

A nuni baa le o bado o ŋamu nni, A nuni yeni baa le mi diema N tandi ki pundi naani kuli.

Esayi 53:2

O den kpeli o nintuali nani li benkpeli yeni, Nani yaa jiinu n pudi ki tinkuonga nni yeni, Waa den pia bugima, bi ŋamuba Hali ke ti baa bua ki diidi o. Wan naani maama mo ki den tie Tin baa bua ki ñuadi yaala.

Matie 14:13

Jesu n den gbadi laa laabaalo, o den kua ku ñinbiagu nni, ki piadi ki gedi bi niba n ki ye naani. Ku niligu n den bandi, ku den ñani i dogi nni ki cuoni ki ŋua o.

Marki 14:33

O den taa Pieli, Jaki leni Jan ke bi yegi leni o. I jeje leni li paboanli den cili ki cuo o.

Marki 16:12

Li yaa puoli, Jesu go den doagidi o yuli nani nitoa yeni, o ŋoadikaaba siiga nibilie po, ke bi ye u sanu nni ki caa i kuani po.

Marki 5:37

Waa den tuo nitoa n yegi leni o, li yàá tie Pieli leni Jaki leni o waalo Jan.

Luki 6:12

Lanyogunu Jesu den gedi li juali po ki baa n jaandi. O den tieni ñiamungu ki jaandi U Tienu.

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga. Ti den laa wani ki Bonjayenyenga yeni, yua n gbie leni li ŋanbili leni i moamoani kpiagidi. O den baa laa kpiagidi Baa kani.

LOMA YAABA 12:2

Da taani mani leni ŋanduna na niinni yaaba. Ama yi yantiana pandima n teni yin lebidi, ke yin fidi ki gagidi ki bandi U Tienu yanbuama. Lani n tie yaala n ŋani, ki mani o po, ki go dagidi cain.

2 Korenti 13:1

Min baa cua yi kani yaama na n tie mi taataama. Maama kuli baa kadi siedinbilie bi siedinbitaa yaa ñoana nni.

Filipi 3:21

O yaa cua, o baa lebidi ti gbanandi, yaadi n tadi kaa go pia kpiagidi, ki teni tin yaa naani leni wani Kilisiti yaa gbanandi, yaadi n pia ti kpiagiciandi. O baa tieni lani, kelima o paalu po, yuu n teni ke o paani li bonla kuli, ki go die la.

Mi Doagidima 20:11

Lani n den laa u bali kalikaanpienciamu leni yua n kaa u po. Ki tinga leni tanpoli kuli den sani ki foagidi o kani, ke baa go laa ba.