Marki 3:27 - U TIENU MAAMA TILI 2013

²⁷ Niloba kan fidi ki kua o gbanmandaano dieli nni ki fie o piama, kali o kpa paadi o ki loli o. Li yaa puole o baa kua o dieli nni ki fagi o piama.

Gourmanchéma Bible

²⁷ Niloba kan fidi ki kua o gbanmandaano dieli nni ki fagi o piama, kali o kpa paadi o ki loli o. Li yaa puole o baa kua o dieli nni ki fagi o piama.

Marki 3:27 Iomraidhean Croise

Mi cilima 3:15

N baa bili ti yibalindi fini leni o pua siiga, A puoliŋuani leni o puoliŋuani siiga. O baa mudi a yuli, Amo baa poagili o taajentindili.»

Esayi 27:1

Landaali o Diedo baa taa o jugisiega, Yaaga n mani ki yabi ki go pa, Ki faligi mi ñincianma nni bonfuodibiado, Yaa wa n tiini, wani yaa wa yaa tagu n goli yeni. O baa kpa mi ñincianma bonfuodibiado yeni.

Esayi 53:12

Li tie lani yaa po ke n baa teni Wan kali ti kpiagiciandi danba siiga, O baa taani leni bi paatieba Ki boagidi ti fagidi. Wan den puni o miali ki kpe yeni, Bi den coadi ki taani o leni i tagili danba, Kelima o den tugi niba boncianla tuonbiadi, Ki baa i tagili danba po ti candandi.

Esayi 61:1

O Diedo U Tienu Fuoma ye n niinni, Kelima o Diedo gandi nni, Ke min yaa wangi bi ninñinniba O laabaaliŋamo. O soani nni ke min baagi yaaba N ye li paboanli nni, Ki waani i yonbi ke bi diedi bi yula, Ki go waani a kpaada mo ke bi baa mi faabima.

Matie 12:29

O nilo baa fidi ki kua o gbanmandaano diegu nni lede ki fagi o piama, kaa kpa paadi o ki loli o? Li yaa puole ke o baa fidi ki kua o diegu nni ki fagi o piama.

Jan n diani U Tienu Laabaaliŋamo maama 12:31

Moala ŋanduna buudi baa jia ki kadi. Moala, bi baa deli ki ñani ŋanduna bado.

LOMA YAABA 16:20

Li kan waagi ke mi yanduanma Tienu baa paadi Sutaani, ki midi o yi taana tiipo. Ti Diedo Jesu yaa ŋanbili n yaa ye leni yi.

Kolosi 2:15

O den dindi yaaba n tie mi diema danba Leni i paaciami danba kuli bali, Ki doagidi mi tagima kuli po, Ke o paani ba, Kelima li dapoanpoanli po.

Hebilunba 2:14

A bila n tie nisaaliba ki pia ti gbanandi leni mi soama yeni, Jesu moko den tua nisaalo, ki pia ti gbanandi leni mi soama. O den tua yeni ki kpe, ke o kuuma n bolini Sutaani paalu, wani yua n pia mi kuuma paalu.

1 Jan 3:8

Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.

1 Jan 4:4

N bibuadimu, yi tie U Tienu yaaba. Yi paadi bi saawalipua-faadanba, kelima yua n ye yi niinni pia u paalu ki cie yua n ye ŋanduna nni.