Marki 2:1 - U TIENU MAAMA TILI 2013

¹ Lan den tieni danaba, Jesu den guani Kafarnawum. Bi niba n den gbadi ke o guani deni,

Gourmanchéma Bible

¹ Lan den tieni danaba, Jesu den guani Kapenayuma. Bi niba n den gbadi ke o guani deni,

Marki 2:1 Iomraidhean Croise

Matie 4:13

O den ñani Nasareti ki cua ki ye Kafarnawum dogu nni, yuu n kuu leni mi ñincianma, Sabuloni leni Nefitali buoli yaaba tinmu nni.

Matie 9:1

Jesu den kua ku ñinbiagu nni, ki duodi mi ñincianma ki guani o dogu po.

Marki 1:45

Ama o joa yeni den gedi ki ban goadi ki wangi Jesu n tieni o po yaala kuli, hali ke li teni ke Jesu ki go den fidi ki kua doguba niinni, ke bi niba bani. O den se li fuali nni ke bi niba ña i kaani kuli ki kpendi o kani.

Marki 2:2

bi den taani o kani boncianla, hali ke u kaanu ki go den ye ba bu buliñoabu kani. O den wangi ba U Tienu maama.

Marki 3:20

Lani n pendi, Jesu den guani o denpo. Ku niligu go den taani boncianla hali ke wani leni o ŋoadikaaba ki den pia lenli ki baa je.

Marki 7:17

Jesu n den fii ku niligu kani ki kua li dieli nni, o ŋoadikaaba den buali o mi kpanjama yeni bundima.

Marki 7:24

Jesu den fii lankani, ki gedi Tiiri tinbuoli nni. O den kua o candeni kaa bua oba kuli n bandi ke o ye likani, ama waa den fidi ke baa bandi.

Marki 9:28

Jesu n den ban kua li dieli nni, ke wani leni o ŋoadikaaba ye bi bebe, bi den buali o: «Be yaa po ke tinba wani naa fidi ki deli ki naa cicibiadiga?»

Luki 4:23

Jesu den yedi ba: «Laa pia kuli tama ke yi baa pua nni yaa kpanjama n tie ne: ‹Fini lotoli, paagi a yuli,› ki go yedi: ‹Ti gbadi ŋan tieni yaala Kafarnawum po kuli, ŋan tieni la nekanba mo a dandogu nni.› »

Luki 5:18

Diidi ki le, bi niba den tugi o joa ke o dua ku kaagu po, ke o gbanandi kpe. Bi den moandi ki baa kuani ki duani o Jesu nintuali.

Jan n diani U Tienu Laabaaliŋamo maama 4:47

Li koanbali yeni n den gbadi ke Jesu ñani Jude diema nni ki cua Galile diema nni, o den cua o kani ki mia o ke wan yegi leni o ki gedi Kafarnawum, ki ban paagi o bijua kelima o nagini mi kuuma.

Jesu Tondiba Tuona 2:6

Ban den gbadi ku fuugu yeni, bi den taani ki yabi. Li den paki ba boncianla, kelima yuakuli den gba ke bi maadi o mabuocele nni.