Marki 12:2 - U TIENU MAAMA TILI 2013

² U jetaagu yogunu n den pundi, o den soani naacenyendo bi koaguudiba yeni kani, ke wan ban gaa bi kani o yaa biinu o kuanu bonbaakaala nni.

Gourmanchéma Bible

² U jetaagu yogunu n den pundi, o den soani naacenyendo bi koaguudiba yeni kani, ke wan ga bikani o yaa biinu o kuanu bonbaakaala nni.

Marki 12:2 Iomraidhean Croise

2 Bi Badiba 17:13

O Diedo den soani Isidayeli leni Juda yaaba po bi saawalipuaba leni yaaba n nua saala bonla kuli, ki yedi ba: «Lebidi mani ki ŋaa yi sanbiadi, ki yaa kubi n bali maama leni n ñoamabona. Yin yaa ŋua mani n bali maama kuli cain, min den bili yi yaajanba po yaa bali maama ki soani n naacenba bi saawalipuaba ke bi waani yi yaama yeni.»

2 Bi Badiba Jama 36:15

O Diedo bi yaajanba Tienu yua n pia mi buama den tuodi ki lindi ki tuuni o tonda ke ban maadi o maama, kelima o bua ki faabi o niba leni o diegu yaagu n tie o yekaanu.

Esidirasi 9:11

ŋan den bili ti po yaama ki teni ke a saawalipuaba pua saawali ki tua: ‹Yin caa yaa diema nni ki baa n diedi ma yeni tie yaa diema n joagini, kelima yaa nibuolu n ye mi diema yeni niinni joagindi po. Bi gbieni ma bi cancagintuona ki cili napo yaa kunu ki gedi hali napo yaa kunu.

Pisomi 1:3

O tie nani ban ŋuu yaa tibu u kpenu kani, Ke bu luoni bu bonluonkaala bu yogunu yaa cua. Bu faadi mo kan mali. Wan tiendi yaala kuli cuoni o po bonŋanla.

Jeremi 35:15

N den soani yi kani n naacenba bi saawalipuaba, ki lindi ki tuuni ba u yogunu kuli, ke ban yedi yi: «Yuakuli n pegidi ki ŋaa o sanbiadu, lebidi mani yi bontienkaala, da pia mani ŋantaadi leni tientoe, ki kpiagidi yi. Yaa ye mani, min puni yinba leni yi baanba yaa diema nni.» Ama yi naa cengi. Yi naa diadi yi tuba ki gaa n tundi.

Jeremi 44:4

N lindi ki tuuni yi kani n naacenba bi saawalipuaba u yogunu kuli ke ban yedi yi: ‹Yin da tieni min nani yaa cancagintuona.›

Mise 7:1

Ŋain, n tie nani yaa nilo n fii Ki baa n cie o tiidi bonluonkaala u jetaagu yogunu yeni. Ama wan ban pundi waa laa wan baa ŋmani yaala. Waa laa o yama n bi ye yaa kankankpiala nni, Ba bonyenli bu tibu po.

Sakari 7:7

Naani mii den kpa soani n saawalipuaba hali yogu, ke bi waani laa maama ka? Laa yogunu, Jerusalemi dogu leni u dobila da den kaa leni mi yanduanma, ke nuganu po diema leni Sefela mo da pia bi niba.

Matie 21:34

Li bonluonkaala n den beni yaa yogunu, o den soani o naacenba bi koaguudiba kani, ke ban gaa o kuanu bonbaakaala.

Marki 12:1

Li yaa puoli, Jesu go den maadi leni ba, ki pua mi kpanjama. O den yedi: «O joa den ŋuu duven tiidi kuanu, ki kpaa li nagili ki lindi, ki gbiidi ku buogu ban baa yaa ŋanbidi duven naankani, ki go paani li janli i duventiidi siiga. Lani, o den guuni o kuanu bi koaguudiba, ki fii ki gedi u dogu.

Marki 12:3

Bi den cuo o ki pua o leni i gbiami, ki yaadi o nukuomu.

Luki 12:48

Die yua n kaa bani o canbaa n bua wan yaa tiendi yaala, ki tieni yaa bonla n pundi ti puadi, o yaa puadi kan yaa yabi. Ban teni yua boncianla, bi baa buali o boncianla. Ban piani yua ke li yabi, bi baa bili ke wan guani yaala n yabi ki cie.

Luki 20:10

Li yogunu n den pundi, o den soani naacenyendo bi koaguudiba yeni kani, ke ban teni o o biinu, o kuanu bonbaakaala nni. Ama bi koaguudiba den pua o i gbiami, ki yaadi o nukuomu.

Hebilunba 1:1

Hali yogu, U Tienu den lindi ki maadi ti yaajanba bi saawalipuaba ñoana nni leni mabuoli boncianla.