Levi 7:1 - U TIENU MAAMA TILI 2013

¹ Line n tie mi tudima candanbaani padili bali maama. Li tie yaa bonla n gagidi ki ŋani cain.

Gourmanchéma Bible

¹ Line n tie mi tudima goaŋanbima padili yaa *balimaama. Li tie yaa bonla n gagidi ki ŋani cain.

Levi 7:1 Iomraidhean Croise

2 Bi Badiba Jama 31:14

Levi buolu yua, Yimina bijua Kore, u dogu puoli buliñoaguudo n den die ban yen kpendinni yaa paabu ki puuni U Tienu kuli yaa gobidima. Wani n go den die ki yaa paadi yaala n gagidi ki ŋani leni yaala n gagidi ki ŋani hali boncianla yaa gobidima.

Esekieli 40:39

Li dieli yeni kaliliedi kuli nni den pia tabilinbilie lie. Bi den baa yaa kodi a padijuukaana yandi leni ti tuonbiadi sugili pada yandi kuli tabilinba yeni po yo.

Esekieli 44:29

Bi baa yaa di ban kpendinni yaa paabu leni ban padi yaa yandi ti tuonbiadi sugili miabu po leni i tagili po. Ban paadi ki bili n po yaala Isidayeli diema nni kuli, baa yaa tie bi yaale.

Esekieli 46:20

O den yedi nni: «Laa fanma tie bi kopadicianba n baa yaa ŋaandi ban padi yaa yandi i tagili po, ti tuonbiadi sugili miabu po nandi naankane. Bi go baa yaa ŋaandi bu paabu padiyandi nandi moko lankane. Yeni bi kan ñani ti niinpo ke bi niba n da ti gagidi ki ŋanbi.»

Levi 21:22

Laa nibuolu fidi ki taani ki je o Tienu jiema, yaala n gagidi ki ŋani cain leni yaala n gagidi ki ŋani.

Levi 5:11

Nilo yaa luo kaa fidi ki baa baa kpaajefanmulie, bi kpaajenawuundilie yeni, wan cuani mi yoma kilo bonbitaa ki teni o candandi padili po, kelima li tie tuonbiadi sugili miabu yaa padili.

Levi 5:14

O Diedo go den maadi leni Musa ki yedi o:

Levi 5:15

«Nilo yaa miidi kuali, ki tudi yaala n gagidi o Diedo po tudibiadima kaa faami, o baa cuani yaa petonli n ki pia poadi, ki padi o Diedo po, lan tua mi tudima candanbaani padili. O baa cuo li o yanloli nni, ki bandi li dunga n baa pundi maama nani u kaangagidiŋamu yaa kujapiena yeni.

Levi 5:7

Nilo yaa luo ki kan fidi ki baa pesalo bi ŋuasalo, wan cuani kpaajefanmulie bi kpaajenawuundilie o tudima padili po, ki padi o Diedo po. Yendo baa yaa tie i candanbaani padili, yendo mo baa yaa tie padijuukaali.

Levi 5:8

O baa cua ki teni ba o kopadiciamo. Wani o kopadiciamo baa kpa kodi yua n tie i candanbaani padili po yene. O baa kodi o leni o nubiñiagu, ama ki da jia ki jendi o yuli.

Levi 6:17

O Diedo den yedi Musa:

Mi Coadima 6:12

O baa guani ki gagidi o yuli o Diedo po, ki padi yaa pebiga n pia binli o tagili po. Wan den kpa tieni yaa dana wani naa go taa, kelima o gagidima yeni den biidi.