Levi 1:3 - U TIENU MAAMA TILI 2013

³ O paabu yaa tie padijuukaali ki tie nua, o baa taa yaa naatonli n ki pia poadi kuli. O baa padi li u Kadikaanu Gbandieli yeni buliñoabu kani, ki baa o Diedo n gaa o po.

Gourmanchéma Bible

³ O paabu yaa tie padijuukaali ki tie nua, o baa taa yaa bontonli n ki pia poadi kuli. O baa padi o u Kadikaanu gbandieli yeni buliñoabu kani, ki baa Miali Diedo n ga opo.

Levi 1:3 Iomraidhean Croise

Mi cilima 22:13

Abalahama den gbegi ki noanli, ki laa li petonli o puoli po. Li petonli yeni den ye ku tuugu nni, ke li bonla muubi li yina. Abalahama den gedi ki cuo li petonli yeni, ki padi li li padijuukaali ki lebidi o bijua.

Mi cilima 22:2

U Tienu den yedi: «Ŋan taa a bijua, a bonjayenyenga, ŋan bua yua yeni, Isaaka, ki gedi hali Moriya diema nni, ki padi o li padijuukaali min baa waani a yaa juali po.»

Mi cilima 22:8

Abalahama den guani ki yedi o: «N bijua, U Tienu wani o ba n baa pa li padijuukaali pebiga.» Bani nibilie yeni kuli den suagi liiga.

Mi cilima 8:20

Nowe den maa li padibinbinli o Diedo po. O den gandi ti yandi leni i nuani siiga yaaba n ŋani ki padi a padijuukaana li padibinbinli po.

2 Bi Badiba Jama 29:32

Li nitaanli n den padi yaa padijuukaana den tie naatona piilele, petona kobiga leni pebila kobilie. Lani kuli tie a padijuukaana o Diedo po,

2 Bi Badiba Jama 35:12

Bi den ñani ti yandi ban den baa kodi yaadi a padijuukaana po, ki den puni ku niligu siiga ti dietiandi ke ban fidi ki cuani o Diedo kani, nani lan den bili maama Musa bali maama tili nni. Bi den tieni yene ba leni i ne mo kuli yaa po.

Pisomi 110:3

A paalu yaa doagidi yaa daali, A niba pia li yankuali bonŋanla, Nani ku mangu n yen luoni U tiŋaafaanu maama yeni. A jawaaba baa cua a kani Ki la yaa tiadi n gagidi U Tienu po.

Pisomi 40:8

Lani yaa po, n den yedi: «Diidi n kpendi Leni li tili yaali n diani n po.»

Mi Ñama 12:5

Li baa yaa tie yaa pebiga n ki pia poadi kuli, ki tie bontonga, ki go pia binyenli. Yi baa fidi ki taa pebiga bi ŋuabiga.

Mi Ñama 24:5

O den soani Isidayeli yaaba jawaaba siiga bi tianba, ke bi padi ki juu o Diedo po a padijuukaana, ki go padi a naatona ke a tie mi taanyenma pada.

Mi Ñama 29:18

Ŋan juu li petonli yeni kuli li padibinbinli po. Laa bonla tie li padijuukaali o Diedo po, yaala n baa buodi ke li nuulu baa yaa mani, o Diedo U Tienu po.

Mi Ñama 29:4

Ŋan kuani Alono leni o bijaba u Kadikaanu Gbandieli nni, ki baa mi ñima ki wali ba.

Mi Ñama 29:42

Yinba leni yi puoliŋuani n yaa padi laa padili hali yaa yogu n tuu yaa yogu. Yi baa padi laa padili u Kadikaanu Gbandieli buliñoatuogili kani, o Diedo nintuali. Lankane n yen baa kadi leni yi, ki maadi leni yi.

Mi Ñama 32:6

Lan den fii ki faa, bi den yagidi ki fii ki padi a padijuukaana, ki cuani mi taanyenma pada, ke ku niligu den kali ki dini ki go ñuni. Lani n pendi, bi den fii ki jeli ki ciaga.

Mi Ñama 35:21

Yaa niba n den pia ti bulicindi kuli den cuani o Diedo po bi paabu u Kadikaanu Gbandieli tuonli po, laa dieli nni ŋantaadi kuli leni ti tiagagidikaadi po.

Mi Ñama 35:29

Isidayeli jaba leni li puoba kuli, yaaba n pia ti bulicindi ki bua Musa n tii o Diedo n den puogi o wan tii yaa gbandieli yeni kuli, den cuani o Diedo po bu paabu leni li yankuali.

Mi Ñama 35:5

Yin ñani yi bonpiakaala siiga yin baa pa yaala o Diedo. Yua n pia ti bulicindi kuli baa cuani yaa paabu buolu n tie ne o Diedo kani: Wula, ŋanjilifa, ti kumoandi,

Mi Ñama 36:3

Bi den gaa Musa kani Isidayeli yaaba n den cuani yaa paabu kuli u kaangagidiŋamu tuonli po. Tiŋaagu kuli, bi den baa ki kpendinni bu paabu Musa kani.

Mi Ñama 38:1

A padijuukaana padibinbinli po, bi den kpie li padibinbinli leni akasia tiidi daadi. Li padibinbinli yeni pianu leni li foaginu kuli den da yenme. Li foaginu den tie nukpanduna muu, li pianu nukpanduna muu, li kpedima mo den tie nukpanduna taa.

Esayi 1:11

O Diedo yedi daa: «N baa tieni be yo leni yi pada, Yaa n ki pia bianu? N guo leni yi petona padijuukaana, Leni yi naabila kpama. Mii bua yi naatona, Yi pebila leni yi ŋuabuana soama.

Esekieli 20:40

Mini o Diedo U Tienu yedi ke n joagagidikaali yaali n kpedi ki cie Isidayeli diema juana yeni po yo, ke Isidayeli yaaba kuli leni yaaba n ye mi diema nni kuli, baa soani n po. Lankane n baa biali ba, ki gaa yin ñani yaala n po, yaala n ŋani ki cie yi paabu nni leni yin gagidi n po yaala kuli.

Esekieli 40:39

Li dieli yeni kaliliedi kuli nni den pia tabilinbilie lie. Bi den baa yaa kodi a padijuukaana yandi leni ti tuonbiadi sugili pada yandi kuli tabilinba yeni po yo.

Levi 1:10

O nilo yeni padili yaa tie padijuukaali ki tie yanbiga, li yaa tie pia bi ŋuabo, o baa padi bontonli yaali n ki pia poadi.

Levi 14:10

Li daniili, o baa taa pebilalie leni binli pesalo, yaaba n ki pia poadi, ki cuani yaa yoma n kali leni mi kpama, kilo bonbiyia leni mi kpama litidi boagidima.

Levi 16:7

Li ya puoli, Alono baa taa a ŋuabualieda yeni, ki sieni a o Diedo nintuali u Kadikaanu Gbandieli buliñoabu kani.

Levi 17:4

o da baa cuani o u Kadikaanu Gbandieli buliñoabu kani, lan tua paabu o Diedo po, o gbandieli buliñoatuogili kani. O yàá tieni yeni, o pia mi soama wulima tagili, kelima o wuli mi soama. Bi baa paadi ki ñani o o buolu nni.

Levi 17:8

Lanwani, ŋan yedi ba: Isidayeli nilo, bi yaa caano n kaa bi siiga, yaa padi padijuukaali bi paditoali,

Levi 17:9

ki naa cuani u Kadikaanu Gbandieli buliñoabu kani, ki padi o Diedo po, bi baa paadi ki ñani laa nilo o buolu nni.

Levi 23:12

Yin tieni yaa bogidili n doagidi ke yi teni o Diedo yaa daali yene, ke yi go baa padi o Diedo po li padijuukaali, yaa pebiga n ki pia poadi.

Levi 23:18

Yi baa cuani pebilalele, yaaba n pia binli binli, ki naa pia poadi. Yi go baa cuani naatonbili leni petonalie, ki taani leni dupen yeni, ki padi lan tua li padijuukaali o Diedo po. Bu paabu leni li ñincaba yaala n naani leni yaa paabu n juu u mu nni, baa yaa pia yaa nuulu n mani o Diedo po.

Levi 3:1

Nilo yaa bua ki padi mi yanduanma padili, o yaa baa padi nua, li yaa tie naatonli bi naasalo, o baa cuani yua n ki pia poadi, ki padi o Diedo po.

Levi 4:15

U Tienu nintuali, Isidayeli yaaba nikpela baa maani bi nii li naatonli yuli po, bi siiga yendo n kodi li.

Levi 4:23

O yaa ti bandi wan tieni yaa tuonbiadi yeni, o baa cuani yaa ŋuabuali n ki pia poadi, ki padi i candanbaani padili.

Levi 4:3

Li yaa tie ban den wuli ki gagidi yaa kopadiciamo a pada tuonli po n tieni ti tuonbiadi kaa faami, ki cedi ke bi niba kuli baa i tagili, kelima o tudima yeni po. O baa baa yaa naatonli n ki pia poadi, ki padi o Diedo po, lan tua i candanbaani padili.

Levi 4:32

Li yaa tie ke o nilo yeni baa cuani o candandi po pia, o baa cuani pesalo, yua n ki pia poadi.

Levi 5:15

«Nilo yaa miidi kuali, ki tudi yaala n gagidi o Diedo po tudibiadima kaa faami, o baa cuani yaa petonli n ki pia poadi, ki padi o Diedo po, lan tua mi tudima candanbaani padili. O baa cuo li o yanloli nni, ki bandi li dunga n baa pundi maama nani u kaangagidiŋamu yaa kujapiena yeni.

Levi 5:18

O baa cuani o tagili po yaa petonli n ki pia poadi, ki teni o kopadiciamo. O baa cuo li o yanloli nni, ke li ŋua nani ban bili li dunga maama. O kopadiciamo baa padi o nilo yeni po, ki mia sugili wan tieni yaa tudima kaa faami yeni po. Lani, o baa baa sugili.

Levi 6:2

«Teni Alono leni o bijaba yaa bali maama n tie ne: A padijuukaana bali maama nne: Li padijuukaali baa yaa maa li padibinbinli po, ki yaa dua ki co hali lan ban faa. U mu baa yaa co li padibinbinli po ki kan gbindi.

Levi 6:8

Bi siiga yendo baa yidi o nukuli nni yaa yonŋanma n kali leni mi kpama leni a dugibila. O baa juu laa yoma li padibinbinli po, man tua mi tiadima bonla, yaala yaa nuulu n mani o Diedo po.

Levi 7:16

Nilo yaa padi taanyenma padili kelima o den niani nianli bi li yaa tie yanbuama po, bi baa ŋmani ti padinandi ban padi yaa daali. Yaala n sieni, ban faa ki ŋmani.

Levi 8:18

Li yaa puoli, o den teni ke bi cuani li padijuukaali petonli, Alono leni o bijaba den maani bi nii li petonli yeni yuli po.

Levi 8:21

Ama o den taa mi ñima ki ŋuudi ti nuadi leni a biana, ki juu ki buoni li petonli yeni kuli cain li padibinbinli po. Li den tie yaa padili n juu ki buodi cain, yaali yaa nuulu n mani o Diedo po, nani wani o Diedo n den puogi Musa maama.

Levi 9:2

O den yedi Alono: «Ŋan baa naatonbili i candanbaani padili po, ki go baa petonli li padijuukaali po, bikuli n yaa ŋani cain ki da pia poadi. A baa cuani ba o Diedo nintuali.

Sakari 13:7

Li Miali Diedo U Paaciamu Kuli Daano yedi: «Ki jugisiega, fii ki baa o yankpaalo, Min den taa yua ke o tie n todika yeni. Ŋan kpa o, lani i pe baa yadi i kaani kuli, Min baa ki cuo a bonbila.»

Malaki 1:14

U nufanu n pua yua n pia o yankulu nni ki yantonga, ki niani ke o baa padi ka o Diedo po, ama ki nan kandi ki ŋaa kani ki taa ki yanyianga ki padi. Bandi mani ke mini Li Miali Diedo U Paaciamu Kuli Daano tie Badiciamoe. I nibuoli kuli fangi n yeli.»

Mi Coadima 15:3

yi baa yaa padi o Diedo po, ban yen juugi yaa pada u mu nni: lan tie padijuukaali, ñoanianu padili, yanbuama paabu padili, bi jaanma dana pada. Yi baa padi i ne leni ti yanbidi, lan tua yaa nuulu n mani o Diedo po.

Mi Coadima 15:8

Li yaa tie naatonli, ke a padi o Diedo po, ke lin tua padijuukaali, bi ñoanianu kuanma padili bi taanyenma padili.

Mi Coadima 19:2

«Mini o Diedo, n diani ki bili yaa bali maama, n yedi yaala nno: Maadi leni Isidayeli yaaba ki teni ban cuani a kani naañuamoano, yua n ki pia poadoba kuli, ke bi daa kpa lani o ku naakpakpaadi-daagu.

Mi Coadima 23:19

U Tienu ki tie nisaalo ka, ki baa pua mi faama, Waa tie nisaalo ka, ki baa lebidi o yantiali. Waa bili bonla, ki daa tieni la! Naani o baa niani ñoanianu, kaa baa kuani o cuu?

Mi Coadima 23:27

Balaki den yedi Balaam: «To, lanwani, cua ne, tin go gedi kaanto. Li fidi ke lankani wani, U Tienu baa tuo ŋan soli n po u nibuolu yeni.»

Mi Coadima 23:3

Balaam den yedi Balaki: «Ŋan yaa se nekanba, a padijuukaali kani, ke n da baa piadi waamu. Li fidi ke o Diedo n cua ki tuogi nni. Lani, n baa waani a wan baa yedi nni yaala.» O den piadi ki doni ki juaga yuli po.

Mi Coadima 23:30

Balaki den tieni nani Balaam n den yedi o maama, ki den padi naatonli leni petonli padibinbinli kuli po.

Mi Coadima 28:11

O ŋmaalo dakpiali kuli, yi baa padi naatonbilalie, petonyenli leni pebilalie, ya n pia binli binli, kaa pia poadi, ki padi ba li padijuukaali, o Diedo po.

Mi Coadima 28:19

Yi baa cuani o Diedo po naatonbilalie, petonli leni pebilalele, ya n pia binli binli, kaa pia poadi, ki padi ki juu.

Mi Coadima 28:31

Laa pada baa pugini daali kuli padijuukaali leni daali kuli pienma padili yeni po. Yi baa cuani yaa yandi n ki pia poadi, ki taani leni yaala n baa cabi ki pugidi lipo.

Mi Coadima 29:13

Mi jaanma dakpiali, yi baa padi yaa padijuukaali n pia u nuulumanu o Diedo po. Yi baa cuani piiga n naatonbilataa, petonalie leni piiga n pebilanaa, ya n pia binli binli, kaa pia poadi.

Mi Coadima 29:2

Yi baa padi li padijuukaali, yaali yaa nuulu n mani o Diedo po. Yi baa cuani naatonbili, petonli leni pebilalele, ya n pia binli binli, kaa pia poadi,

Luki 1:35

Maleki den guani ki yedi o: «U Tienu Fuoma Yua baa cua a kani, tanpolijoma Tienu paalu baa yini a po. Lani yaa po, bi baa yini ŋan baa maa yaa bigagidiŋanga yeni U Tienu Bijua.

Jan n diani U Tienu Laabaaliŋamo maama 1:36

O den laa Jesu ke o cuoni ki yedi: «Diidi mani U Tienu Pebiga.»

Jan n diani U Tienu Laabaaliŋamo maama 10:7

Jesu go den yedi ba: «N yedi yi i moamoani, mini n tie bu buliñoabu i pe po.

Jan n diani U Tienu Laabaaliŋamo maama 10:9

Mini n tie bu buliñoabu. Yua n tagini n yaa kani ki kua kuli, baa faabi. O baa kua ki ña, ki go yaa baadi mi jiema.

2 Korenti 8:12

O nilo yaa pia li yankuali ki baa tieni mi todima, U Tienu baa gaa la ki nua o piama banlu, ki naa nua wan ki pia yaala.

2 Korenti 9:7

Nilo kuli n pa nani wan den jagi ki bili o pali nni maama, ki da pa leni pabiidili, yaa ka kelima paalu po. U Tienu bua yua n puuni leni li pamanli.

Efesa 2:18

Wani yaa po, tikuli pia u sanu ki baa fidi ki pundi Baa kani, Fuoyenma nni.

Efesa 5:27

Lani ke wan teni o Nitaanli yeni, n pundi ki sedi o kani ki pia ti kpiagidi, kaa pia joagindiba, golimiba leni yaala n gundi kuli. Ama lin gagidi ki yaa ŋani cain, kaa pia ban baa fidi ki kuli li leni yaala.

Mi Tiadima 12:27

Yi baa padi yi padijuukaana, ti nandi leni mi soama o Diedo yi Tienu padibinbinli po. Yi baa wuli yi pada soama o Diedo yi Tienu padibinbinli po, ama yi baa ŋmani ti nandi.

Mi Tiadima 15:21

Li yaa tie ke laa yanga pia poadi, ki yaa diani, ki yaa joa, bi mo ki yaa pia poadoba, yi kan padi ka o Diedo yi Tienu po.

Mi Tiadima 17:1

Yi kan padi o Diedo yi Tienu po, yaa nua bi yaa pia n ki ŋani, bi ki pia poadoba, kelima li baa yaa tie caginde o Diedo yi Tienu po.

Hebilunba 7:26

Wani n tie yaa kopadicianba bado buolu n dagidi ti po. O gagidi ki ŋani cain, waa pia tagiliba kuli, tuonbiadiba kuli mo ki ye o niinni. O paadi leni ti tuonbiadi danba, U Tienu den duoni o ke o pendi tanpoli kuli.

Hebilunba 9:14

Lanwani li yaa tie yeni, laa pia kuli tama, ke Kilisiti yaa soama n baa ŋanbi ba ki cie. U Tienu Fuoma yaama n ye yaa yogunu kuli paalu po, wani Kilisiti den puni o yuli U Tienu, nani yaa padili n ki pia joagindi yeni. O soama yeni baa ŋuudi ki ŋanbi ti pala siedi leni yaa tuona n baa cuani mi kuuma, ke tin yaa tuuni U Tienu yua n ye ki fo po.