Josue 2:9 - U TIENU MAAMA TILI 2013

⁹ ki yedi ba: «N bani ke Li Miali Diedo puni yi ti diema ne, ti jawaandi cuo ti boncianla kelima yi po. Mi diema niba kuli tugusoama sani ke bi jigi cie, kelima yi po.

Gourmanchéma Bible

⁹ ki yedi ba: «N bani ke Li Miali Diedo puni yi ti diema na, ti jawaandi cuo ti boncianla kelima yipo. Mi diema niba kuli tugusoama sani ke bi jigi cie kelima yipo.

Josue 2:9 Iomraidhean Croise

Mi cilima 35:5

Lan den pendi, bi den fii. U Tienu den teni ke ti jawaanciandi cuo yaa dogi n den lindi ba kuli, ke baa den tuo ki ŋoadi ki deli Jakob bijaba.

2 Samueli 17:10

Lanwani, ba a jakoanda yaaba n pia li papaali nani i yangbanli yeni tugusoama baa sani, kelima Isidayeli yaaba kuli bani ke yaaba n ye leni a baa yaa tie jakoanda.

2 Bi Badiba 5:15

Lanwani, Naama den guani ki gedi U Tienu nilo kani, wani leni o naacenba kuli. Wan den pundi, o den sedi Elise nintuali ki yedi o: «Moala n bandi ke Tienu ki ye ŋanduna nni kaanto, li yàá tie Isidayeli diema nni yaa ka. Lanwani, ŋan tuo ki gaa mini a naacemo n puni a yaa paabu.»

2 Bi Badiba 7:6

O Diedo den teni ke Siiri yaaba gbadi bi toanagili nni ti toateliti, i taami leni toagocianli fuugu. Bi den yedi biyaba: «Isidayeli diema bado gedi ki ban suu Hititi leni Ejipiti yaaba badiba, ke ban ti tuogi leni ti.»

Nehemi 6:16

Ti yibalinba n den gbadi, yaa diema n den lindi ti kuli den jie boncianla ki tuo ke li tuonli den soani, kelima U Tienu yanbuama po.

Esiteri 8:17

O bado bali maama leni o ñoamabonli yeni n den pundi yaa diebiga leni yaa dociamu kuli nni, Jufinba den ye leni li pamancianli, ki tieni mi jaanma leni mi jaanjiema. Yaa nibuoli n den ye mi diema nni kuli siiga, bi niba boncianla den lebidi ki tua Jufinba, kelima bi den jie Jufinba boncianla.

Jobi 19:25

N bani ke n faabika fo, Ke wani n baa juodi ki fii ki tinga nni.

Pisomi 112:10

O nibiado yen le o o pali n yaa be, Wan yaa cegi o ñina ki kuodi. Bi nibiadiba suginma kuli baa bodi.

Pisomi 115:16

Tanpoli tie o Diedo bebe n die naani, Ama o puni bi nisaalibe ki tinga.

Mi Ñama 18:11

N bani moala ke Li Miali Diedo pia u paalu ki cie i tieni kuli, kelima o teni ke Ejipiti yaaba biadima guani ki baa bi yula po.»

Mi Ñama 23:27

N baa teni n jawaandi n cuo ŋan baa gedi yaa nibuoli kuli kani, ban sani. N go baa teni yi yibalinba kuli n sani yi nintuali.

O Yanfuodaano 8:12

Ama, ba ke o nibiado yen tieni mi biadima taalima kobiga ki go waagi boncianla, mini wani n bani ke yaaba n fangi U Tienu bebe n pia mi yemanma, kelima bi fangi o.

Esayi 19:1

Yaa saawalo n ye Ejipiti yaaba po. Li Miali Diedo jagi yaa tawaligu n jaligi po. O kpendi Ejipiti nni. Ejipiti yaaba buli digibi o nintuali, Ejipiti yaaba jigi kuli cie.

Esayi 23:5

Laabaali yaa pundi Ejipiti diema nni, Bi baa digibi nani Tiiri n den gaa Laa laabaalo ki digibi maama yeni.

Jeremi 27:5

ke mini n tagi ki tinga, bi niba leni ti yandi yaadi n ye ki tinga nni leni n paalu leni n banma. N baa pa ki tinga min bua yua.

Nahumi 2:10

Fagi mani ŋanjilifa! Fagi mani wula! Ŋalimani dua u dogu yeni niinni kaa pia bianu. U gbie leni ŋalimani buoli, yii n ki pia coali.

Mi Coadima 20:14

Musa den fiini a tonda Kadesi yeni kani ki soani ba Edomi bado po, ke ban yedi o: «A kpiiba Isidayeli yaaba n soani yaa tondu n tie ne: A bani yaa fala n den baa ti kuli.

Mi Coadima 20:24

«Alono baa kuni o dankpeliba po. O kan kua min puni Isidayeli yaaba yaa diema yeni niinni, kelima yi den yie n ñoamabonli Meriba ñima kani.

Matie 20:15

Mii pia sanu ki tieni min die yaala min bua maama bi? Li nunponli cuo ŋa, kelima min ŋani yeni po yo?› »

Mi Tiadima 11:25

Oba kuli kan fidi ki mua jama, ki sedi ki koani leni yi. O Diedo yi Tienu baa tieni nani wan yedi yi maama, ki teni yin ŋmaa yaa diema nni niba kuli n fangi yi, ki go jie yi.»

Mi Tiadima 2:25

Dinla, n baa teni ki tinga nibuoli kuli n yaa ye leni i jeje leni ti jawaanciandi kelima yi po. Bi yaa li gbadi yi yeli ñama laabaalo, bi baa yaa digibi, li paboanli mo n cuo ba.»

Mi Tiadima 28:10

Ki tinga nibuoli kuli baa le ke Li Miali Diedo yeli ye yi siiga, lani, bi baa yaa fangi o.

Mi Tiadima 32:8

Tanpoli Badiciamo n den puni i nibuoli mu tinmu yaa yogunu, Ki den paadi Adama bijaba leni biyaba, Ki den bili i nibuoli kuli tinbiani Ki ŋoadi Isidayeli buolu n den da maama.

Hebilunba 11:31

Li tie li dandanli yaa po ke li puoconconli Rahabi ki den taani ki bodi leni U Tienu yiekaaba, kelima o den gaa Isidayeli yaaba dodiidiba cangu, ki todi ba.

Josue 2:11

Tin gbadi lani kuli, li wudi ti gbani boncianla, hali ke ti papaali bodi kelima yi po, kelima Li Miali Diedo yi Tienu n tie U Tienu, ki die tanpoli leni tinga kuli.

Josue 2:24

Bi den yedi Josue: «Laa pia kuli tama, o Diedo puni ti mi diema kuli. Mi diema yaaba kuli tugusoama sani, ke bi gbani wudi kelima ti po.»

Josue 2:8

Rahabi den doni o doangu tanpoli bi jaliediba yeni kani, hali ke bi daa duani,

Josue 5:1

Amori yaaba, yaaba n den ye Jurden nintuali leni Kanana yaaba, yaaba n den ye mi ñincianma kunu yaa badiba kuli den gbadi ke o Diedo teni ke Jurden kuodi, ke Isidayeli yaaba baa ki duodi. Li den wudi bi gbani boncianla, ke bi jigi cie kelima Isidayeli yaaba po.

Josue 6:2

O Diedo den yedi Josue: «Diidi ki le, n tieni a Jeriko, u bado leni u jakoanda kuli a nuu nni.

Josue 9:10

leni wan den soani Amori yaaba badiliediba yaaba n ye Jurden puoli maama, lani n tie Hesibon bado Sihoni leni Basan yaa bado Ogi yua n den ye Asitaroti.

Josue 9:24

Bi den guani ki yedi Josue: «Yaala n teni ke tinba a naacenba tieni laa bonla tie ke ti den gbadi ke o Diedo a Tienu den teni o naacemo Musa li ñoamabonli, ke wan pa yi mi naa diema kuli yin diedi ma, ki go bolini mi niba kuli ban da ye yi siiga. Lane ke yi cuama teni ke ti jie hali boncianla ti miana po.

Josue 9:9

Bi den guani ki yedi o: «Tinba a naacenba ñani hali yaa diema n foagi boncianla ki cua, kelima ti gbadi ke bi maadi Li Miali Diedo, a Tienu maama. Ti gbadi wan den tieni Ejipiti nni yaala kuli

Bi Bujiaba 7:14

O lielo den guani ki yedi o: «Li bundima ki tie bontoala kuli, se Isidayeli yua Yoasi bijua Gedeon jugisiega. U Tienu taa tinba Madiani yaaba leni ti toagoli kuli, ki tieni o nuu nni.»