Joeli 2:3 - U TIENU MAAMA TILI 2013

³ U nibuolu yeni liiga tie nani yaa mu n buondi, U puoli mo nani yaa mupienu n juugi yeni. Hali ke u daa tagini, Mi diema den tie nani Edeni koaŋamu yene. U yaa tagini ki ban pendi, U yen ŋaa u puoli po, Fanpienma yaama yaa noanlima n gundi. Liba ki cia u kani.

Gourmanchéma Bible

³ U nibuolu yeni liiga tie nani yaa fantama n buondi yeni, U puoli mo nani yaa mupienu n buondi, Hali ke u daa tagini Mi diema den tie nani Edena koaŋamu yeni. U yaa tagini ki ban pendi, U yen ŋa u puoli po Fanpienma yaama yaa noalima n gundi. Liba ki cia u kani.

Joeli 2:3 Iomraidhean Croise

Mi cilima 13:10

Loti den yaadi ki diidi Jurden boanjaali fanma kuli, ke mi kaani kuli soangi boncianla. Hali yaa yogunu ke o Diedo daa den bolini Sodomi leni Gomori, laa tinga kuli, ki yaa caa hali Tisoari den naani leni o Diedo koaŋamu, ki go tie nani Ejipiti diema yeni.

Mi cilima 2:8

Lanwani, o Diedo U Tienu den tieni u koaŋamu Edeni kani, ki tiegi puoli po. O den taa wan tagi yaa nilo ki kuani o lienni.

Pisomi 50:3

Ti Tienu kpendi, o kan yaa ŋmini! U mu ye o liiga ki buondi, Ku tafaabiadigu mo gaani ki lindi o.

Pisomi 97:3

U mu n ye o liiga ki cuoni Ki buondi o yibalinba, Yaaba n gaani ki lindi o.

Mi Ñama 10:15

Bi den ŋoagini u tingbanu kuli, ki tinga den biigi kelima bi po. Bi den ŋmani ki tinga bonpudikaala leni i tiidi bonluonkaala kuli, a tatana n den ŋaa yaala. Ejipiti diema nni kuli, bonsoangiliba naa den sieni i tiidi po, ki bagi i kuani nni.

Mi Ñama 10:5

Bi baa ŋoagini u tingbanu kuli, hali ke o nilo kan go le tinga. Bi baa ŋmani yaala n sieni kuli, a tatana n den ŋaa yi po yaala. Bi baa ŋmani yaa tiidi n pudi yi kuani kuli nni.

Esayi 14:17

Wani n den li yen teni li ŋandunli N kpandi fanpienma, Ki den pua i dogi nufanu, Ki den kubi a kpaada kaa ŋaani ba yeni.»

Esayi 15:6

Nimirimi ñima ñuudi, Ti muadi kuodi, Li muabunli bodi cain. Bonsoangila mo naa go ye.

Esayi 33:4

Bi wodi ti fagidi nani a dondoba N yen jiidi ki ŋmani maama yeni, Bi jiidi nani i naaci n yen jiidi maama yeni.

Esayi 51:3

Yeni, o Diedo gba Siyon po mi ninñima. O gba yaaba n ye ti diegbendi nni ninñima. O baa teni o fanpienma n tua nani Edeni, O tialu mo n tua nani o Diedo salidingo yeni. Li pamanli leni li pamancianli baa yaa ye o niinni, Ki taani ti pagidi yani leni i gogidimuani.

Esayi 9:18

Li Miali Diedo U Paaciamu Kuli Daano pabienkandikaali po, Teni ke mi diema kuli cuo fantama, Ke u mu mo dini bi niba. Oba kuli kan ŋaa o kpiilo mo.

Esayi 9:19

Bi pe ganu leni jienu, Ba leni lani kuli mi koma mo naa gbeni. Yuakuli koani leni o lielo mo.

Jeremi 5:17

Bi baa je yi kpaandi leni yi jiema, Bi baa je yi bijaba leni yi bisiaba, Yi yangbenga leni yi yanbidi kuli, Yi duventiidi leni yi kankandi. Bu toabu baa bolini yi dopaali, Yin ye naani ki tama ke puu kan nandi yi yeni.

Esekieli 36:35

Bi baa yedi: ‹Ban den ŋaa yaa diema li paboanli nni yeni, guani ki tua nani Edeni kuanu yeni. Yaa dogi n den wudi ki ye li paboanli nni yeni, go baa u fidu ki go gbie leni bi niba.›

Amosi 7:4

O Diedo n Tienu den doagidi n po yaala n tie ne: N den laa wani o Diedo ke o ki kpaani ki tua Ke o baa jia o niba buudi leni u mu. U mu yeni den teni Ke yaa ñincianma n ye ki tinga tiipo ñuudi, U den cili ki buondi mi diema.

Habakuki 1:6

N baa teni Kalide yaaba n baa u paalu, Bani yaa nibuolu n bia kaa gba ninñima yeni. Bi baa goadi mi tinfanma nni, Ki fie ban kaa die yaa tinmu.

Sakari 7:14

N den teni ke bi yadi ba ban kaa den bani yaa nilanba siiga. Ban den gedi ki ŋaa mi diema, mi den tua diegbena, nilo n kaa go den tagi naani. Laa dieŋanma den tua fanpienma ke nilo ki go ye mi niinni.› »