Jeremi 9:6 - U TIENU MAAMA TILI 2013

⁶ Lani n teni ke Li Miali Diedo U Paaciamu Kuli Daano yedi: «N baa teni ban nandi ba u mu nni, Min biigi ba. N baa tieni n niba lede?

Gourmanchéma Bible

⁶ Lani n teni ke Li Miali Diedo U Paaciamu Kuli Daano yedi: «Diidi n baa teni ban nandi ba mi fantama nni, Min biigi ba. N baa tieni n niba lede?

Jeremi 9:6 Iomraidhean Croise

Mi Kpanjama 1:24

N yi yi ke yi yiedi, N tiani n nuu ke oba kuli ki faami lipo.

Mi Kpanjama 1:29

Yi den nani mi banma, Ki gandi ke yi kan yaa fangi mini o Diedo.

Esayi 1:25

Jerusalemi, n baa soani a tuonli, N baa puli a u mu nni, Ki ñani a joagindi kuli, Ki ŋuudi ki ñani a cidi leni bu ciebu.

Esayi 1:3

O nua bani yua n die o, O ŋunbo mo bani o daano N dindi o yaa tiagu nni. Ama Isidayeli ki bani liba, Bani n niba yeni ki pia yama.»

Esayi 4:4

O Diedo bujiali fawaama leni li fantama, Baa ŋuudi ki ñani Siyon bisiaba joagindi, Ki go ñani ban den wuli yaa soama Juda nni.

Jeremi 11:10

Bi lebidi ki guani bi yaajanba tuonbiadi nni, bani yaaba n den yie ke bi kan cengi n maama, ki ban ŋoadi bi nilanba tieni, ki baa yaa kpiagidi yini. Isidayeli leni Juda diema yaaba fidi, min den kuani yaa ŋantaado leni bi baanba.»

Jeremi 11:19

N den tie nani yaa pebiga yaa yama n dingi, ke bi caani ga u kodikaanu po yeni. Mii den bani ban den pia n po yaa yanjagibiada. Bi den tua: «Tin bolini bu tibu bun soangi yaa yogunu. Tin ñani o bi nisaaliba siiga, ban da go taa o yeli moko!»

Jeremi 13:10

Laa nibiadiba n yie ke bi kan cengi n maama. Bi ŋua bi pajuaga, ki ŋua tientoe, ki gbaandi ki pugi yi. Ban tua nani ku naa gbanñagidigu yaagu n ki go pia fuomiba kuli yeni!›

Jeremi 18:18

Jeremi yibalinba tianba den yedi: «Cua mani tin juogi ki baa tin baa kuani Jeremi naani, kelima li bali maama kan kpe ke bi kopadicianba ye. Tundi kan gbeni ke bi yanfuodanba ye. Saawali mo kan gbeni ke bi saawalipuaba ye. Cua mani tin kpa o leni ti maama, ki da cengi o mayedikaama.»

Jeremi 20:10

N gba ke bi niba boncianla maadi N po ti mayuogidi. Bi tianba tua: «Jawaanciandi i kaani kuli.» Bine mo tua: «Tin daadi ki sieni o mani!» Bi tianba tua: «Yeni de! Tin daadi ki sieni o mani!» Ba n danlibuadiba li lingi n ciinu yo, Ki sugini ki cuo nni n tagili nni. Lanwani, bi soabidi ki tua: «Tin cuo o ki tuu ti panli!»

Jeremi 5:27

Nani i nuani n gbie ku cibiligu nni maama, Bani moko yaa diena gbie leni i janbi yene. Bi tiendi yene ki baadi ŋalimani ki kpandi paatieba.

Jeremi 8:5

Be n teni ke Jerusalemi niba jadi ki ŋaa u sanu? Bi suagi liiga leni i janbi, Ki yie ke bi kan guani n kani.

Ose Tili 11:8

Efrayimi buolu, n baa bili yi le? Yinba Isidayeli yaaba, Naani n baa fidi ki ŋaa yi yi yibalinba nuu nni? Naani n baa fidi ki soani yi, Nani Adima leni Tiseboyimi yaaba yeni? N pali kuli biidi, Mi ninñima cuo nni yi po.

Ose Tili 4:6

N niba bodi kelima baa pia bandima. Nani yin yie kaa bandi nni yeni, Nmoko baa yie yi, ki ñani yi, Min den puogi yi yaa tuonli yaa niinni. Nani yin sundi yi Tienu bali maama po yeni, Nmoko baa sundi yi puoliŋuani po yene.

Sakari 13:9

N baa ŋaani bani yaaba n sieni ki fo yeni, Nani ban yen puli ŋanjilifa leni wula U mu nni maama, Ki ñani ti joagindi yeni. Bi baa yaa jaandi ki miadi nni, N baa yaa gaani bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

LOMA YAABA 1:28

Nani bi nisaaliba n den sua ke laa pundi ban bandi U Tienu yeni, U Tienu mo ŋaa ba ke bi yantiabiada paadi ba, ke ban yaa tiendi yaala n ki pundi.

1 Korenti 15:34

Yin go baa mani li yantiaŋanli nani lan pundi maama, ki cedi ki da go tiendi tuonbiadi, kelima yi siiga tianba naa bani U Tienu. N maadi yeni, ke i fe n cuo yi li po.

1 Samueli 2:12

Eli bijaba den tie fanma, baa den bani o Diedo.