Jeremi 9:5 - U TIENU MAAMA TILI 2013

⁵ O Diedo yedi: «Bi yen ña tugumoangu nni Ki ban kua tugumoantoagu nni, Ki ña faama nni ki ban kua mine nni, Ki yiedi ke bi kan bandi nni.»

Gourmanchéma Bible

⁵ Li Miali Diedo yedi: «Bi baa ña tugumoangu nni ki ban kua tugumoantoagu nni Ki ña mi naa faama nni ki ban kua mine nni, Ki yiedi ke bi kan bandi nni.»

Jeremi 9:5 Iomraidhean Croise

Mi cilima 19:11

Bi den ŋaa yaaba n den se bu buliñoabu kani ti juandi, ki cili li bila, ki yaa caa hali li nikpela, ki teni ke bi duoliti bi yula fanma fanma ki lingi bu buliñoabu.

Jobi 11:3

Naani a macianma baa fidi Ki teni bi niba n suo? Naani a mañuali baa teni Ke oba kuli kan jaligi a?

Jobi 15:5

A tagili n gobidi a ñoacuuna, Ki teni ke a taa bi tuofaadanba mataana.

Pisomi 140:3

Bi li kpaagi mi biadima bebe yo bi pala nni, Ki lingi daali kuli mi janjanma.

Pisomi 50:19

A teni ke a ñoabu maadi yaala n bia, A lanbu mo pia i janbi.

Pisomi 52:3

Be n teni ke a gbengidi a yuli a biadima po, Fini o tugumoandaano? U Tienu ŋanbili ye yaa yogunu kuli.

Pisomi 64:3

Ñani nni bi nibiadiba n jagi N po yaa bonbiadila nni, Foagidi nni leni yaaba n tiendi yaala N ki tiegi fuugu.

Pisomi 7:14

O bogidi mi kuuma jatiadi o po, Ki teni ke o piemi moandi boncianla.

Mi Kpanjama 12:5

Bi niteginkaaba li kpaagi yaala n tiegi po, Ke bi nibiadiba mo kpaagi i janbi bebe po.

Mi Kpanjama 4:16

Bi nibiadiba kan guani kaa tieni biadima. Bi yàá baa ban guli yua, bi kan guani.

Esayi 5:18

Fala baa baa yaaba yaa tuonbiadi N ñagini ba, ke bi kan fidi ki gaa bi yula.

Esayi 57:10

Yi coagini yi yula leni li cenli, Ki naa baa yedi: «Ti baa lebidi!» Yi baa ki pia u paalu yo ki cuoni.

Jeremi 12:13

Bi buli ŋalikama Ki baa yendi i konkoni. Bi den coagini bi yula fanma bebe, laa baa yuli. I fe n cuo yi ti naa kpaandi po, Kelima o Diedo pabiencianli po yo, Ke o tieni yi laa bonla.

Jeremi 12:6

Ba a kpiiba bani bi ba moko leni a baadiegu nni yaaba se a po leni i janbi. Bani bi ba ŋua a puoli po ki kuudi. Ba ban maadi a po yaa mamanma kuli, ŋan da daani ba.

Jeremi 13:23

Naani Etiopi yua baa fidi ki lebidi o boanu? Naani ki gbiiga wani baa fidi Ki lebidi ki gbanu lega? Naani yinba wani n maani ki tieni Yaala n gundi yeni, Yi go baa fidi ki tieni yaala n ŋani?

Jeremi 4:22

N niba ye leni mi yanpiima, Baa bani nni. Bi tie yanluodanbe, Baa pia yama. Ban li bani ki tieni yaala bebe n tie mi biadima. Ama baa bani ki tieni yaala n ŋani.

Jeremi 51:58

Li Miali Diedo U Paaciamu Kuli Daano n go yedi mine: «Babilonni bilinciami baa baa cain. U mu baa juu o buliñoana Ya n kpedi boncianla yeni. Bi niba baa sua ke bi soani fanma po yo. I nibuoli baa sua ke bi coagi bi yula u mu po.»

Jeremi 51:64

‹Babilonni n baa bodi cain maama n yeni. Min baa teni yaa fala n baa o n yeni. O kan go fidi ki fii ki sedi.› » Jeremi maama kuli n yeni.

Jeremi 7:28

Lanwani, ŋan yedi ba: ‹Bi naa niba n ki cengi o Diedo bi Tienu nialu. Baa bua tundi. I moamoani bodi, i ñani bi maama nni.

Jeremi 9:3

Yuakuli n fangi o yuli leni o danli, Oba n da dugi o kpiilo ba yendo po, Kelima kpiilo kuli baa fidi ki lu i janbi, Danli kuli mo pia bu tingbangbaabu.

Jeremi 9:8

O Diedo yedi daa, Naani lani yaa po, n kan fii ki sedi bi po? Naani n kan tuu u naa nibuobiadu li panli?»

Esekieli 24:12

Yaa moandili n tieni kuli tie fanma, U mu kan fidi ki ñani laa tantonmoani.

Mise 6:12

U dogu nni piada mabindi a luoda, Ki pua mi faama ki janbidi bi lieba.

Mise 6:3

O yedi: ‹N niba, n tieni yi be? N coagi yi leni be? Waani nni mani!

Habakuki 2:13

Yin koani ki paadi yaa nibuoli Coagini bi yula fanma fanma, Yin maa yaala kuli baa buodi U mu nni. Li Miali Diedo U Paaciamu Kuli Daano n teni ke li tieni.

Malaki 2:10

Naani tikuli ki pia baayendo ka? Naani U Tienyendu yeni ka tagi tikuli? Lanwani, be yaa po ke ti nan janbidi ti lieba, ki biidi U Tienu n kuani yaa ŋantaado leni ti yaajanba?

Efesa 4:25

Lani yaa po, yin cedi mani mi faama, yi siiga yuakuli n yaa maadi o lielo i moamoani, kelima tikuli tie gbananyendi yaaba.

1 Timote 4:2

Bi baa yaa ŋua bi bangi-faadanba yaa palieda, bani yaaba yaa pala siedi n kpe, nani ban juu yaala leni yaa kudi n tongi ki moandi yeni.

Bi Bujiaba 2:10

Yaaba n den taa fiima leni Josue kuli moko den kpe ke nifiitoama yuandi ki ŋoadi bi puoli, yaama n kaa den bani o Diedo leni wan den ŋanbi Isidayeli yaaba po maama.